Epheser 3:8 - Pennsylvania Dutch Bible

⁸ Zu miah, even da vennichsht funn awl di glawvicha, hott Gott dee gnawt gevva es ich dee unbegreiflichi reichi sacha funn Christus breddicha dauf zu di Heida,

Epheser 3:8 Σταυροειδείς Αναφορές

1. Chronik 17:16

No is da Kaynich Dawfit nei ganga, hott sich fannich da Hah kokt un hott ksawt: “Veah binn ich, oh Hah Gott, un vass is mei family, es du mich so veit gebrocht hosht?

Psalm 31:19

Vi grohs is dei goodes, es du ufkshtoaht hosht fa selli es dich firchta, sell es du veisht fannich leit, un gebsht zu selli es zu diah gayn fa hilf.

Lukas 14:22

Shpaydah hott da gnecht ksawt zumm meishtah, ‘Vass du gebodda hosht is gedu, avvah's is alsnoch blatz.’

Johannes 1:16

Funn di folkummaheit funn sei gnawt voahra miah awl ksaykend ay moll noch em anra.

Di Apostelgeschichte 5:41

Di aposhtla sinn naus ganga, vekk funn di Council, un voahra froh es si goot genunk gezayld voahra fa fafolkt vadda fa Jesus sei nohma.

Di Apostelgeschichte 9:15

Avvah da Hah hott ksawt zu eem, “Gay zu eem, ich habb een raus groofa fa en zeiya sei fa mich, un fa mei nohma zu di Heida nemma, un zu kaynicha, un zu di kinnah funn Israel.

Römer 11:33

Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.

Römer 12:10

Seind eahnshtlich in nannah breedahlichi leevi gevva, un achtet anri haychah es eich selvaht.

Römer 2:4

Adda guksht du nunnah uf di reichheit funn sei goot-maynichkeit un geduld? Vaysht du nett es di goot-maynichkeit funn Gott dich an da blatz fiahra sett es du boos dusht?

1. Korinther 1:30

Deich een sind diah in Jesus Christus, deah vo Gott gmacht hott unsah veisheit, gerechtichkeit, heilichkeit un saylichkeit sei.

1. Korinther 15:9

Fa ich binn's vennichsht funn di aposhtla, un binn's nett veaht fa en aposhtel kaysa sei veil ich di gmay Gottes fafolkt habb.

1. Korinther 2:9

Avvah so vi's kshrivva is, “Kenn awk hott noch ksenna, kenn oah hott noch keaht, un's hatz fumm mensh hott noch nett eignumma, vass Gott grisht hott fa selli vo een leeva.”

Galater 1:16

fa sei Sohn gvissa macha in miah so es ich een breddicha sett unnich di Heida. An selli zeit binn ich nett grawt ganga roht greeya funn annah flaysh un bloot,

Galater 2:8

(fa deah vo greftich voah im Petrus fa en aposhtel sei zu di beshniddana, voah aw greftich in miah fa di Heida),

Epheser 2:7

Dess is so es in di zeida vo am kumma sinn, eah uns di unbegreiflich reichheit funn sei gnawt veisa kann deich sei bamhatzichkeit in Christus Jesus.

Epheser 3:1

Fa dee uahsach, ich da Paulus, vo eikshtekt is veyya Jesus Christus fa di sayk funn eich Heida—

Epheser 3:16

so es eah eich graft gebt aus di reichheit funn sei hallichkeit fa shteik vadda im innahlicha mann deich sei Geisht,

Epheser 3:19

un es diah sei leevi einemma kennet, vass deefah gayt es ma fashtay kann, so es diah kfild vaddet mitt awl di folheit funn Gott.

Epheser 3:2

ich denk diah hend keaht es Gott deich sei gnawt miah dee eahvet gevva hott zu du fa eich,

Philipper 2:3

Doond nix deich shtreit adda eah-geitz, avvah deich daymoot achtet anri haychah es eich selvaht.

Philipper 4:19

Mei Gott zayld eich alles gevva es diah brauchet aus sei reichheit in di hallichkeit deich Christus Jesus.

Kolosser 1:27

Zu selli hott Gott vissa lossa vella vi grohs es dee reich hallichkeit un dee deef sach funn Gott is unnich di Heida; naymlich, Christus in eich, di hofning funn di hallichkeit.

1. Timotheus 1:13

Even noch demm es ich een eahshtah faleshtaht, fafolkt un veeshtahlich geblohkt habb, voah eah bamhatzich zu miah, veil ich nett gvist habb vass ich am du voah, un habb's gedu in unglawva.

1. Timotheus 1:15

Dess sinn voahri vadda un alli-ebbah sett si ohnemma: Jesus Christus is in di veld kumma fa sindah saylich macha. Un ich binn da shlimsht sindah.

1. Timotheus 2:7

Fa dess voahrich eiksetzt es en breddichah un en aposhtel, so es ich di Heida lanna kann veyyich em glawva un di voahheit. Ich sawk di voahret in Christus, un leek nett.

2. Timotheus 1:11

Fa dess Effangaylium binn ich eiksetzt vadda es en breddichah, en aposhtel un en teetshah funn di Heida.

Di Offenbarung 3:18

Fasell, gevvich diah roht fa gold kawfa funn miah es greinicht is im feiyah, so es du reich vasht; un fa veisi glaydah kawfa funn miah fa dich glayda un da shohm funn dei nakkichheit zu dekka; un es du dei awwa shmiahsht mitt awwa-shmiah so es du sayna kansht.