Daniel 9:27 - Pennsylvania Dutch Bible

²⁷ Un eah zayld en bund macha mitt feel leit fa en zeit funn sivva yoah. In di mitt funn di sivva yoah, zayld eah en end macha funn opfahra un shpeis-opfahra. Un drovva uf em haychshta blatz fumm tempel zayld eah dess veesht ding ufhokka vo alles fadaubt, biss sell vass auskshprocha voah veyyich eem ausgleaht vatt uf een.”

Daniel 9:27 Σταυροειδείς Αναφορές

Jesoiya 28:15

Diah hend ksawt, “Miah henn en bund gmacht mitt em doht, un mitt em grawb. Vann si moll gans ivvahraus uf uns lohs gayn, dann zayld's uns fafayla, fa miah henn di leek un falshheit unsah fashtekkel-blatz gmacht.”

Jesoiya 28:22

Nau heahret uf shpodda, adda eiyah kedda vadda noch shveahra, fa da Hah, da Awlmechtich Hah hott mich vissa glost, es es gans land fadauva gay zayld.

Jesoiya 42:6

“Ich, da Hah, habb dich groofa in gerechtichkeit; ich hayb dich bei dei hand un heet dich. Ich mach dich en bund fa di leit, un en licht zu di heida,

Jesoiya 53:11

Veil sei sayl so feel glidda hott, zayld eah's licht fumm layva sayna un zufridda sei. Bei sei eisicht, zayld mei Gerechtah Gnecht feel leit gerecht macha, un zayld iahra sinda drawwa.

Jesoiya 55:3

Machet eiyah oahra uf, un kummet zu miah, heichet mich ab, so es eiyah sayl laybt. Ich mach en ayvich bund mitt eich; ich gebb eich di shtandhaftich leevi es ich fashprocha habb zumm Dawfit.

Jeremia 7:30

Di leit funn Juda henn evil gedu fannich mei awwa, sawkt da Hah. Si henn grausami abgettah ufketzt im haus es mei Nohma drawkt un henn's unrein gmacht.

Daniel 11:31

Sei greeks-gnechta zayla bei kumma un da tempel unsauvah macha. Si zayla di tayklicha opfah shtobba un zayla sell veesht ding ufhokka es alles fadaubt.

Daniel 11:36

Da kaynich zayld grawt du vi eah vill. Eah zayld sich ufblohsa un sich hohch ovvich alli gott setza. Eah zayld heslichi sacha sawwa geyyich da Gott funn alli gettah. Es zayld eem goot gay biss an di zeit es da zann faddich gmacht is. Sell vass ausksetzt is muss blatz nemma.

Daniel 12:11

Funn di zeit es es tayklich opfah kshtobt vatt, un sell grauslich gleichnis ufksetzt vatt es alles fadaubt, zayld's 1,290 dawk sei.

Daniel 7:25

Eah zayld leshtahra geyyich da Alli-Haychsht un sei heilichi nunnah dredda. Eah zayld broviahra iahra fesht-dawk zeida un ksetza fa'ennahra. Di heilicha zayla ivvah-gedrayt sei zu eem fa en zeit, zvay zeida un en halvi zeit.

Daniel 8:13

No habb ich en heilichah keaht shvetza, un noch en heilichah hott ksawt zu eem, “Vi lang zayld's nemma biss dee vision ivvah sei zayld, sell is, di vision veyyich em tayklicha opfah, di veesht sind es shreklichi dreebsawl bringd, da tempel es ivvah-gnumma vatt un veyyich di heilicha es fashtambt vadda?”

Hosea 3:4

Dess is veil di Kinnah-Israel aw en langi zeit sei zayla unni en kaynich adda en evvahshtah, unni opfahra adda shtay-poshta, unni en preeshtah-shatz adda en gleichnis.

4. Mosi 7:62

ay goldichah leffel es en faddel pund gvohwa hott foll mitt insens;

Matthäus 24:15

(Loss da laysah fashtay.) Vann diah dess veesht ding vo alles fadaubt saynet shtay im heilicha-blatz—dess is vass da brofayt Daniel kshvetzt hott diveyya—

Matthäus 26:28

Fa dess is mei bloot fumm Neiya Teshtament vo ausgleaht vatt fa feel leit, so es iahra sinda fagevva sei kenna.

Matthäus 27:51

Un grawt no, is es curtain im tempel in zvay grissa funn gans ovva biss gans unna, un di eaht hott kshiddeld, un di shtay sinn fashpalda.

Markus 13:14

Vann diah dess veesht ding vo alles fadaubt, un vass da brofayt Daniel kshvetzt hott diveyya—vann diah dess ding saynet, vo's nett sei sett (loss da laysah fashtay), no loss selli vo in Judayya sinn sich kshvind raus macha un nuff in di hivla shpringa.

Lukas 21:20

Avvah vann diah moll di grohsa drubba greeks-gnechta saynet um Jerusalem rumm, no visset es di zeit nayksht is vann di shtatt veesht un leah vadda zayld.

Lukas 21:24

Si zayla falla unnich em shvatt, kfanga vadda un naus kfiaht vadda unnich alli lendah. Jerusalem vatt nunnah gedredda bei di Heida biss di zeit funn di Heida folfild is.

Römer 11:26

So soll gans Israel saylich vadda, vi's kshrivva shtayt, “Aus Zion kumd deah vo frei macht, un eah nemd's gottlohsa vekk fumm Jakob.

Römer 5:15

Avvah's kshenk funn gnawt is nett vi di ivvah-dredding voah. Fa siddah es deich aynah, feel kshtauva sinn, vi feel may is di gnawt funn Gott un's kshenk vo kumma is deich di gnawt funn ay mann, Jesus Christus, zu feel leit kumma.

Römer 5:19

Fa vi deich ay mensh es nett keicht hott, feel leit sindah vadda sinn, so aw deich aynah es keicht hott, sinn feel leit gerecht vadda.

Hebräer 9:28

grawt so voah Christus aymol gopfaht fa di sinda vekk nemma funn feel leit. Un eah zayld's zvett mohl kumma, nett fa ebbes zu du havva mitt sinda, avvah fa selli saylich macha es am voahra sinn uf een.