Daniel 9:26 - Pennsylvania Dutch Bible

²⁶ No noch di sivva mohl zvay un sechtzich yoah zayld sellah ksalbt Messias abkshnidda sei un zayld nix may havva. Di leit fumm roolah es kumma zayld, zayla di shtatt un da tempel nunnah reisa. Es end zayld kumma vi en grohs vassah. Greek zayld sei biss an's end. Alles zayld fadauva sei so vi's auskshprocha voah.

Daniel 9:26 Σταυροειδείς Αναφορές

2. Samuel 21:5

Si henn ksawt zumm kaynich, “Veyyich sellah mann es unsah leit doht gmacht hott, un broviaht hott uns gans ausreiva so es miah nau kenn blatz henn in gans Israel,

Psalm 22:15

Mei grefta sinn ufgedrikkeld vi en shtikk fabrocha ksha; mei zung shtekt zu mei gummah in meim maul, un du layksht mich in da shtawb fumm doht.

Jesoiya 28:2

Gukket moll, da Hah hott ebbah es greftich un shteik is, ebbah es kumma zayld vi en shlohsa-shtoahm un en mechtichah vind, vi en reyyah-shtoahm es alles unnich vassah macht, un eah shmeist alles nunnah uf da bodda.

Jesoiya 28:22

Nau heahret uf shpodda, adda eiyah kedda vadda noch shveahra, fa da Hah, da Awlmechtich Hah hott mich vissa glost, es es gans land fadauva gay zayld.

Jesoiya 53:8

Aus em kfengnis un di gericht, voah eah vekk gnumma; un veah funn sei zeit hott sich bekimmaht, es eah aus em land funn di levendicha gnumma voah, un es eah kshlauwa voah fa di sinda funn mei leit?

Jesoiya 8:7

dann zayld da Hah di mechticha vassahra fumm Euphrates Revvah geyyich si bringa, naymlich da kaynich funn Assyria mitt awl sei macht. Da revvah zayld ivvah-lawfa un naus ivvah sei banks gay.

Jeremia 46:7

Veah is dess es in di hay kumd vi da Nile, vi di revvahra am ivvah-lawfa?

Jeremia 51:42

Da say kumd ruff ivvah Babylon, sei vella dekka see zu.

Daniel 11:10

Avvah sei boova zayla greek macha un zayla en grohsi drubb greeks-leit zammah greeya. Dee zayla greek macha vi si gayn un nimmand kann geyyich si shtay biss si an di Saut iahra shteikshti shtatt kumma.

Daniel 11:17

Eah macht no aus fa kumma mitt di graft funn sei gans kaynich-reich. No beet eah oh fa fridda macha mitt em kaynich funn di Saut, un dutt so. Eah gebt eem aw sei maydel fa en fraw so es eah's kaynich-reich ivvah-shmeisa kann, avvah's hott nett kshaft un hott een nix gebatt.

Daniel 11:22

Unbegreiflichi grohsi drubba greeks-gnechta vadda nunnah gmayt fannich eem un aw da evvahsht fumm bund.

Daniel 11:36

Da kaynich zayld grawt du vi eah vill. Eah zayld sich ufblohsa un sich hohch ovvich alli gott setza. Eah zayld heslichi sacha sawwa geyyich da Gott funn alli gettah. Es zayld eem goot gay biss an di zeit es da zann faddich gmacht is. Sell vass ausksetzt is muss blatz nemma.

Daniel 9:27

Un eah zayld en bund macha mitt feel leit fa en zeit funn sivva yoah. In di mitt funn di sivva yoah, zayld eah en end macha funn opfahra un shpeis-opfahra. Un drovva uf em haychshta blatz fumm tempel zayld eah dess veesht ding ufhokka vo alles fadaubt, biss sell vass auskshprocha voah veyyich eem ausgleaht vatt uf een.”

Hosea 1:9

No hott da Hah ksawt, “Hays een Lo-Ammi, veil diah nett mei leit sind un ich aw nett eiyah Gott binn.

Amos 8:8

Fasell, zayld nett's gans land shidla, un awl selli es drinn voona heila? Es gans land zayld ruff kumma vi's vassah im Nile, es vatt ufkshtatt un no vatt's viddah niddah vi da revvah in Egypta.”

Amos 9:5

Gott, da Awlmechtich Hah, sellah es di eaht ohraykt un si shmelst, un alli-ebbah es drinn voond dutt heila— es gans land kumd ruff vi's vassah im Nile, no vatt's viddah niddah vi da revvah in Egypta—

Nahum 1:8

Avvah vi mitt en grohsi vassah flott, macht eah en end funn selli es geyyich een sinn; eah fafolkt sei feinda mitt finshtahnis.

Matthäus 22:2

“Ma kann's Himmel-Reich fagleicha zu en kaynich es en hochtzich gmacht hott fa sei boo,

Matthäus 22:7

No is da kaynich zannich vadda un hott sei greeks-gnechta kshikt un hott selli maddah umgebrocht un hott iahra shtatt fabrend.

Matthäus 23:38

Gukk moll, eiyah haus soll falossa sei un leah vadda.

Matthäus 24:2

Avvah eah hott eena ksawt, “Diah saynet awl dee sacha, doond diah nett? Voahlich, ich sawk eich, es zayld alles zammah nunnah kshmissa vadda so es nett ay shtay uf em anra may sei zayld.”

Markus 13:2

Jesus hott eem ksawt, “Du saynsht voll dee grohsa gebeiyah. Es zayld nett ay shtay uf em anra bleiva es nett nunnah kshmissa vatt.”

Markus 13:7

Un feichet eich nett vann diah heahret funn greek un kshvetzah funn greek. Dee sacha missa blatz nemma, avvah's end is noch nett do.

Markus 9:12

Jesus hott eena gandvat un hott ksawt, “Da Elias voahlich zayld seahsht kumma un viddah alles recht macha. Es is kshrivva da Mensha Sohn muss feel sacha deich macha un eah zayld shlecht ohgegukt vadda.

Lukas 21:24

Si zayla falla unnich em shvatt, kfanga vadda un naus kfiaht vadda unnich alli lendah. Jerusalem vatt nunnah gedredda bei di Heida biss di zeit funn di Heida folfild is.

Lukas 21:6

“Veyyich dee sacha es diah do saynet, da dawk zayld kumma vann nett ay shtay uf em anra is es nett nunnah kshmissa vatt.”

Lukas 24:26

Voah's nett nohtvendich es Christus dee sacha deich macha sett un in sei hallichkeit gay?”

Lukas 24:46

Eah hott ksawt zu eena, “Es shtayt kshrivva es Christus feel leida muss, un da dritt dawk muss eah viddah uf shtay funn di dohda.

Johannes 14:30

Ich shvetz nimmi feel mitt eich, veil da ivvah-saynah funn deahra veld am kumma is. Eah hott kenn graft ivvah mich,

2. Korinther 5:21

Fa eah hott een gmacht sinda sei fa uns, deah vo kenn sinda katt hott, so es miah in eem di gerechtichkeit funn Gott vadda kenna.

Galater 3:13

Christus hott uns lohs gmacht fumm fluch fumm Ksetz bei en fluch vadda fa uns—fa's is kshrivva, “Faflucht is alli-ebbah es uf en bohm henkt”—

1. Petrus 2:21

Zu demm voahret diah groofa, veil Christus aw glidda hott un hott eich en foah-bild glost, es diah in sei foos-dabba nohch kumma sellet.

1. Petrus 2:24

Eah hott unsah sinda gedrawwa in seim aykna leib uf em greitz, so es miah, vo doht sinn zu sinda, layva sedda fa gerechtichkeit. Deich sei gayshel-meiks sind diah kayld vadda.

1. Petrus 3:18

Fa Christus hott aw aymol glidda fa sinda, da gerecht fa di ungerechta, so es eah uns zu Gott bringa kann. Eah voah doht gmacht im flaysh avvah levendich gmacht bei em Geisht.