Daniel 8:12 - Pennsylvania Dutch Bible

¹² Sell glay hann voah macht gevva fa di leit vekk drayya, un deich iahra sinda voahra di tayklicha opfahra ivvah-gedrayt zu demm hann. Es hott di voahheit uf da grund kshmissa, un alles es es gedu hott, hott goot auskshaft.

Daniel 8:12 Σταυροειδείς Αναφορές

Hiob 12:6

Di tents funn rawvah un doht-shlayyah bleiva shtay unni shawda, un nimmand dutt ebbes zu selli es Gott fa'eiyahra; avvah Gott hald si unnich sei aykni hand.

Psalm 119:142

Dei gerechtichkeit is en ayvichi gerechtichkeit, un dei ksetz is voahheit.

Psalm 119:43

Nemm nett's vatt funn di voahheit aus meim maul, fa ich hoff in dei adnunga.

Psalm 28:5

Veil si nett acht nemma fumm Hah sei eahvet, adda vass sei hend gedu henn, dann zayld eah si nunnah reisa, un si nee nimmi ufbauwa.

Jesoiya 59:14

Di leit iahra recht is zrikk gedrivva, un gerechtichkeit is veit vekk; di voahheit hott kshtolbaht in di shtrohsa, un ufrichtichkeit kann nett nei gay.

Jeremia 12:1

Du bisht immah gerecht, oh Hah, vann ich mich faglawk zu diah. Doch, muss ich dich frohwa veyyich dei gerichtes: Favass gayt's goot mitt di gottlohsa? Favass gayt alles di unglawvicha iahra vayk?

Daniel 11:28

Da kaynich funn di Natt gayt no zrikk zu sei land mitt feel sach es eah gnumma hott im greek. Avvah sei hatz is ksetzt fa geyyich da heilich bund shaffa. Eah richt sell aus un gayt no on haym zu sei land.

Daniel 7:21

Vi ich gvatsht habb hott dess hann greek gmacht mitt di heilicha un is si ivvah-kumma,

Daniel 8:4

Ich habb da shohf-bokk gvatsht vi eah kshprunga is geyyich di west, natt un saut, un hott kshtohsa mitt sei hanna. Kenn annah diah hott ufshtay kenna geyyich een, adda aus di kfoah funn sei macht bleiva kenna. Eah hott gedu vi eah hott vella un hott sich selvaht grohs gmacht.

Di Offenbarung 13:7

Un's voah eem gevva es eah greek macha hott kenna mitt di heilicha un si ivvah-kumma. Un's voah eem macht gevva ivvah alli kshlechtah, shprohcha un lendah.

1. Samuel 23:9

Da Dawfit hott gvist es da Saul am sich rishta is fa eem shawda du, so hott eah zumm preeshtah Abiathar ksawt, “Bring da preeshtah-shatz do heah.”