Daniel 7:1 - Pennsylvania Dutch Bible

¹ Im eahshta yoah es da Belshazzar kaynich funn Babylonia voah, hott da Daniel en drohm un visions katt vi eah uf sei bett gleyya hott. Eah hott da drohm nunnah kshrivva un dess is alles es ah voah:

Daniel 7:1 Σταυροειδείς Αναφορές

1. Mosi 15:1

Noch demm is es vatt fumm Hah zumm Abram kumma in en vision un's hott ksawt, “Feich dich nett, Abram, ich binn dei shield, un dei grohsi betzawling.”

1. Mosi 46:2

Selli nacht hott Gott zumm Israel kshvetzt in en vision un hott ksawt, “Jakob, Jakob.” Un eah hott ksawt, “Do binn ich.”

Hiob 4:13

Deich engshtlichi drohma in di nacht, vann deefah shlohf uf leit fald,

Jesoiya 30:8

Nau gay un gratz dess uf en shtay-tablet, un shreib's in en buch fannich eena, so es es bleibt fa di zeida es kumma zayla, un en zeiknis fa'immah,

Jesoiya 8:1

No hott da Hah ksawt zu miah, “Nemm en grohs tablet un shreib deah nohma druff mitt grohsi bushtawva: Kshvind-Rawva-Shteik-Shtayla.

Jeremia 23:28

Loss da brofayt es en drohm katt hott dess fazayla es yusht en drohm, avvah sellah es mei vatt hott soll's shtandhaftich breddicha. Ma kann shtroh un frucht goot funn-nannah sawwa,” sawkt da Hah.

Jeremia 27:7

Awl di lendah zayla een, sei boo un sei kinds-kind deena biss an di zeit vann sei ayya land fald. No zayla feel lendah un grohsi kaynicha een macha si deena.

Jeremia 36:32

So hott da Jeremia noch en buch gnumma un hott's zumm shreivah Baruch, em Neria sei boo, gevva. No vi da Jeremia kshvetzt hott, hott da Baruch awl di vadda in's buch kshrivva es da Joiakim, da kaynich funn Juda, fabrend katt hott. Un's voahra feel gleichlichi vadda ditzu gedu es da Jeremia eem gevva hott.

Jeremia 36:4

No hott da Jeremia da Baruch, em Neria sei boo, groofa, un diveil es da Jeremia di vadda ksawt hott es da Hah eem gevva katt hott, hott da Baruch si in's buch kshrivva.

Ezekiel 1:1

Im fimfda dawk fumm fiahda moonet un im dreisisht yoah, diveil es ich bei di kfangana voah am Chebar Revvah, voah da himmel uf gmacht un ich habb visions funn Gott ksenna.

Ezekiel 40:2

In visions hott Gott mich in's land Israel gebrocht un hott mich uf en hohchah berg ksetzt. Uf di saut seit voahra samm gebeiyah es gegukt henn vi en shtatt.

Daniel 1:17

Un veyyich dee fiah yunga mennah, Gott hott eena eisicht un fashtand gevva, so es si alli sadda sacha in bichah un veisheit gvist henn. Un eah hott em Daniel di gawb gevva es eah alli sadda visions un drohma fashtay hott kenna.

Daniel 2:1

Im zvedda yoah fumm Nebukadnezar sei kaynich-reich hott da Nebukadnezar gedrohmd, un sei meind voah so gedruvveld es eah nett shlohfa hott kenna.

Daniel 2:26

Da kaynich hott da Daniel kfrohkt (sei nohma voah aw Belteshazzar), “Kansht du miah sawwa vass ich gedrohmd habb un aw sawwa vass es maynd?”

Daniel 4:13

Uf meim bett in di visions funn mei meind habb ich en heilichah vatshah ksenna runnah kumma fumm himmel.

Daniel 4:5

No habb ich en drohm katt es mich gmacht hott mich feicha. Vi ich uf mei bett gleyya habb, habb ich gedanka un visions katt es mich fagelshtaht henn.

Daniel 5:1

Da Kaynich Belshazzar hott en grohs essa gmacht fa en dausend funn di evvahshti in seim kaynich-reich un hott vei gedrunka mitt eena.

Daniel 5:22

Un du, Belshazzar, sei boo, hosht dich nett gedaymeedicht even vann du dess gvist hosht.

Daniel 5:30

Grawt selli nacht is da Belshazzar, da kaynich funn Babylon, doht gmacht vadda.

Daniel 7:13

In mei vision deich di nacht habb ich gegukt, un datt voah aynah vi en Mensha Sohn. Eah is kumma mitt di volka fumm himmel. Eah is zu Sellah funn di Ayvichkeit gloffa, un voah no fannich een kfiaht.

Daniel 7:15

Ich, da Daniel, voah gedruvveld im geisht un di visions es in meim kobb voahra, henn mich engshtlich gmacht.

Daniel 7:7

Noch sell, in mei vision in di nacht habb ich gegukt, un datt voah's fiaht diah. Dess voah shreklich, fagelshtahlich un seish shteik. Es hott grohsi eisichi zay katt. Es hott sacha famawld un si kfressa, un hott di ivvahricha fashtambt mitt di fees. Es voah nett vi di anra diahra, un hott zeyya hanna katt.

Daniel 8:1

Im dridda yoah fumm Kaynich Belshazzar sei kaynich-reich, habb ich, da Daniel, noch en vision katt. Dess voah noch selli vision es ich katt habb eahshtah.

Joel 2:28

Es zayld blatz nemma noch demm, es ich mei Geisht ausleahra zayl uf alli mensh. Eiyah boova un mayt zayla broffetzeiya, eiyah aldi mennah zayla geishtlichi sacha drohma, un eiyah yungi mennah zayla geishtlichi sacha sayna.

Amos 3:7

Gott da Hah dutt nix unni es eah's offenboah macht zu sei gnechta, di brofayda.

Habakuk 2:2

No hott da Hah dess andvat gevva: “Shreib anna vass du ksenna hosht un mach's playn uf babiah so es sellah vo's drawkt, es laysa kann.

4. Mosi 12:6

hott eah ksawt, “Heichet mei vadda ab: Vann en brofayt fumm Hah unnich eich is, dann mach ich mich gvissa zu eem in en vision, adda ich shvetz zu eem in en drohm.

Römer 15:4

Vass-evvah es difoah kshrivva voah, voah kshrivva fa uns lanna, so es deich di geduld un da drohsht funn di Shrift, miah hofning greeya kenna.

2. Korinther 12:1

Ich muss ohhalda braekka. Es helft nimmand ebbes, avvah ich kumm nau zu himlishi kshichta un sacha es da Hah miah gvissa hott.

Di Offenbarung 1:19

Nau shreib di sacha es du ksenna hosht, di sacha vass nau sinn, un di sacha vass blatz nemma zayla shpaydah.

Di Offenbarung 10:4

Vo di sivva dimla iahra shtimma kshvetzt katt henn, habb ich mich grisht fa shreiva. Avvah ich habb en shtimm keaht sawwa zu miah fumm Himmel, “Seal selli sacha uf es di sivva dimla ksawt henn, un shreib si nett anna.”