Daniel 6:3 - Pennsylvania Dutch Bible

³ Da Daniel hott glei gvissa es eah bessahri eahvet du hott kenna es di anra ivvah-saynah un di govvenahs, veil eah en bessahrah geisht in sich katt hott. Fasell, hott da kaynich ausgmacht fa een ivvah sei gans kaynich-reich setza.

Daniel 6:3 Σταυροειδείς Αναφορές

Ezra 4:22

Gevvet acht un doond's nett fa'achta. Favass sett dess on gay un shaffa geyyich vass es besht is fa's kaynich-reich?”

Nehemia 7:2

Ich habb mei broodah, da Hanani un da Hanania eiksetzt fa Jerusalem ivvah-sayna. Da Hanania voah da greeks-hauptmann ivvah's greeks-gebei. Eah voah en shtandhaftichah mann un hott may Gottes-furcht katt es anri.

Esther 10:3

Da Yutt Mordecai voah's zvett haychsht im land, yusht unnich em Kaynich Ahasveros, un eah voah grohs ohksenna unnich di Yudda. Eah voah hohch uf kohva bei sei breedah di Yudda veil eah kshaft hott fa's goot funn sei leit, un hott kshvetzt fa si so veit es vass es besht voah fa si.

Shpricha 17:27

En mensh mitt eisicht sawkt nett feel, un en mann es sacha fashtayt, vatt nett ufkshtatt.

Shpricha 22:29

Saynsht du en kshiktah mann am sei eahvet du? Eah zayld fannich kaynicha shtay; eah zayld nett fannich niddahri leit shtay.

Breddichah 2:13

Ich habb ksenna es veisheit bessah is es kindishi sacha, grawt vi helling bessah is es es dunkla.

Daniel 5:12

Deah mann hott Daniel kaysa, avvah da kaynich hott een Belteshazzar kaysa. Eah hott en shaufi meind mitt eisicht un eah fashtayt deefi sacha. Eah kann aw sawwa vass drohma, riddles un fashtekkeldi sacha mayna. Roof da Daniel bei, eah kann eich sawwa vass dess shreives maynd.”

Daniel 5:14

Ich habb keaht es da geisht funn di gettah in diah is, un du hosht eisicht, en shaufi meind un vundahboahri veisheit.

Daniel 5:7

Da kaynich hott no laut naus gegrisha es di foah-sawwah, di zaubahra un di Chaldayah rei gebrocht sei sella. Vo si kumma sinn hott da kaynich zu dee mennah mitt veisheit ksawt, “Ennich ebbah es dess laysa kann un miah sawwa vass es maynd, vatt ohgedu mitt purpeli glaydah un grikt en goldichi kett um sei hals rumm. Un eah zayld da dritt haychsht roolah vadda im kaynich-reich.”

Daniel 9:23

Grawt vo du ohkfanga hosht bayda, voah's andvat shund gevva gvest. Un ich binn kumma diah's gevva, fa du bisht hohch ohksenna. So gebb acht un heich, so es du di vision fashtay kansht.