Daniel 2:40 - Pennsylvania Dutch Bible

⁴⁰ No zayld noch en fiaht kaynich-reich sei, so shteik es eisa, un dess zayld alles fasmaesha un fabrecha. Un grawt vi eisa alles fabrecht, so zayld dess awl di anra kaynich-reicha fasmaesha un alles fabrecha.

Daniel 2:40 Σταυροειδείς Αναφορές

Hiob 9:17

Eah dayt ivvah mich foahra mitt en shtoahm, un dayt mei vayyi blakka noch shlimmah macha unni uahsach.

Jeremia 15:12

Kann en mann eisa fabrecha, eisa funn di natt un bronze?

Daniel 2:33

di bay funn eisa un di fees voahra en dayl funn eisa un en dayl funn clay.

Daniel 2:39

Noch diah zayld noch en kaynich-reich ruff kumma es nett so shteik is es deins, un aw en dritt kaynich-reich funn bronze, es ivvah di gans veld roold.

Daniel 2:41

Un vi du ksenna hosht es di fees un zeyya en dayl funn clay un en dayl funn eisa voahra, so zayld dess en fadayld kaynich-reich sei. Avvah's zayld samm funn di grefta havva funn eisa, veil's gmixt voah funn eisa un clay.

Daniel 7:7

Noch sell, in mei vision in di nacht habb ich gegukt, un datt voah's fiaht diah. Dess voah shreklich, fagelshtahlich un seish shteik. Es hott grohsi eisichi zay katt. Es hott sacha famawld un si kfressa, un hott di ivvahricha fashtambt mitt di fees. Es voah nett vi di anra diahra, un hott zeyya hanna katt.

Daniel 8:24

Eah zayld oahrich shteik vadda, avvah nett bei sei aykni graft. Eah zayld ivvahrawlich sacha nunnah reisa un alles es eah dutt shaft goot aus fa een. Eah bringd mechtichi mennah um un aw di heilicha leit.

Daniel 9:26

No noch di sivva mohl zvay un sechtzich yoah zayld sellah ksalbt Messias abkshnidda sei un zayld nix may havva. Di leit fumm roolah es kumma zayld, zayla di shtatt un da tempel nunnah reisa. Es end zayld kumma vi en grohs vassah. Greek zayld sei biss an's end. Alles zayld fadauva sei so vi's auskshprocha voah.

Amos 1:3

Dess is vass da Hah sawkt: “Fa di shtatt Damascus iahra feel sinda, even fa drei adda fiah, dann dray ich nett vekk funn si shtrohfa. Veil si Gilead gedrosha henn bei en shlayf mitt eisichi zay ivvah si zeeya,

Johannes 11:48

Vann miah een deahra vayk on gay lossa, dutt glei alli-ebbah an een glawva, un di Raymah kumma un nemma unsah land un unsah leit vekk.”