Daniel 11:30 - Pennsylvania Dutch Bible

³⁰ Shiffah funn di west zayla geyyich een kumma un eah zayld sich feicha. No zayld eah zrikk drayya un zayld sei zann ausnemma uf em heilicha bund. Selli es es heilich bund falossa zayld eah goot yoosa.

Daniel 11:30 Σταυροειδείς Αναφορές

1. Mosi 10:4

Un dess sinn di kinnah fumm Javan: Elisa, Tharsis, Kittim un Dodanim.

1. Chronik 1:7

Di nayma fumm Javan sei kinnah voahra: Elisa, Tharsisa, Kittim un Dodanim.

Nehemia 6:12

No habb ich fameikt es Gott een nett kshikt katt hott, avvah es eah gebroffetzeit hott geyyich mich veil da Tobia un da Sanballat een gedunga katt henn.

Jesoiya 23:1

En zeiya veyyich Tyrus: Heilet diah shiffah funn Tharsis! fa Tyrus is zammah grissa, un's is kenn haus adda blatz fa shiffah ohbinna. Fumm land funn Cyprus is dess vatt zu eena kumma.

Jesoiya 23:12

Eah hott ksawt, “Du solsht nimmi fraylich sei, du leddich maydel un dochtah funn Sidon, du es nunnah gedredda bisht. Shtay uf un gay nivvah in Cyprus, even datt findsht du kenn roo.”

Jeremia 2:10

Gaynd moll west uf's island funn Cyprus, un shikket ebbah east zumm land funn Kedar, losset si sacha pinklich aussucha, un saynet eb so ebbes selayva blatz gnumma hott.

Ezekiel 27:6

Si henn aycha-hols grikt funn Basan fa dei paeddels macha; si henn dei benk un deck gmacht funn box-hols aus Cyprus, un henn's hols eiksetzt mitt ivory.

Daniel 11:28

Da kaynich funn di Natt gayt no zrikk zu sei land mitt feel sach es eah gnumma hott im greek. Avvah sei hatz is ksetzt fa geyyich da heilich bund shaffa. Eah richt sell aus un gayt no on haym zu sei land.

Daniel 11:29

An di ksetzt zeit macht eah viddah greek geyyich di Saut, avvah dessamohl zayld's annahshtah sei funn vi's voah difoah.

Daniel 7:25

Eah zayld leshtahra geyyich da Alli-Haychsht un sei heilichi nunnah dredda. Eah zayld broviahra iahra fesht-dawk zeida un ksetza fa'ennahra. Di heilicha zayla ivvah-gedrayt sei zu eem fa en zeit, zvay zeida un en halvi zeit.

4. Mosi 24:24

Shiffah kumma fumm land Kittim un si nemma Assur un Eber ivvah, avvah eah zayld aw umgebrocht vadda.”

Matthäus 24:10

Un no doon feel vekk falla un farohda nannah un si zayla nannah hassa.

Di Offenbarung 12:12

Fasell, seind froh diah himla un diah vo drinn voonet. Avvah vay zu selli es uf di eaht un uf em say voona, fa da Deivel is nunnah kumma zu eich. Eah hott en grohsah zann, veil eah vayst es eah yusht en katzi zeit hott.”