Daniel 11:24 - Pennsylvania Dutch Bible

²⁴ Unni vanning zayld eah geyyich di reichshta bletz im land gay un du vass sei feddah un iahra foah-feddah nett gedu henn. Eah rawbt si un fadayld awl dess kshtohla shtoft un sach fumm greek unnich selli es eem nohch kumma. Eah hott im sinn fa di shteiki shtett ivvah-nemma, avvah dess zayld yusht sei fa en zeidlang.

Daniel 11:24 Σταυροειδείς Αναφορές

Nehemia 9:25

Si henn shteiki shtett un en goot land ivvah-gnumma. Si henn heisah foll alli sadda goot sach gnumma, gegrawvani sistahns, vei-goahra, ayl-goahra un feel obsht-baym. Si henn sich foll gessa un sinn fett vadda; si henn glaybt in frayt deich dei goot-maynichkeit.

Shpricha 17:8

Geld gevva hinna rumm is vi en keshtlichah shtay zu sellem es es gebt, eah maynd es grikt eem alles es eah brauch.

Shpricha 19:6

Feel shmaychla sich oh mitt di evvahshta, un alli-ebbah is en freind funn selli es kshenkah ausgevva.

Shpricha 23:7

fa eah is en mann es immah am denka is veyyich vi feel es es kosht. Eah sawkt, “Drink un ess,” avvah sei hatz is nett mitt diah.

Ezekiel 34:14

Ich feedah si in goodi vayt, un iahra vayt-lendah zayla drovva uf di hohchi berga funn Israel sei. Si zayla sich anna layya in goodi vayt-lendah, un sich feedra in di gree vayt drovva uf di berga funn Israel.

Ezekiel 38:10

Dess is vass da Awlmechtich Hah sawkt: An selli zeit kumma gedanka in dei meind, un du fangsht oh en veeshti shkeem ausshaffa.

Daniel 11:23

Noch demm es eah en bund macht mitt anri lendah zayld eah si shlichtich fafiahra biss eah shteikah un shteikah vatt, even vann eah yusht en glay kaynich-reich hott.

Daniel 7:25

Eah zayld leshtahra geyyich da Alli-Haychsht un sei heilichi nunnah dredda. Eah zayld broviahra iahra fesht-dawk zeida un ksetza fa'ennahra. Di heilicha zayla ivvah-gedrayt sei zu eem fa en zeit, zvay zeida un en halvi zeit.

4. Mosi 13:20

Vee is da grund, goot adda shlecht? Hott's baym datt adda nett? Broviahret un bringet samm frucht fumm land.” Es voah an di zeit es di eahshta drauva zeidich voahra.

Matthäus 9:4

Jesus hott iahra gedanka gvist un hott kfrohkt, “Favass denket diah so veeshti sacha in eiyah hatza?

Richtah 9:4

Si henn eem no sivvatzich shtikkah silvah gevva aus em tempel funn Baal-Berith. Da Abimelech hott dess silvah gyoost fa foah-vitzich un nix-nutzichi mennah dinga es eem no nohch ganga sinn.