Breddichah 8:1 - Pennsylvania Dutch Bible

¹ Veah is vi da mensh mitt veisheit? Veah kann sacha auslayya? Veisheit macht en mann sei ksicht fraylich, un macht sei shteif ksicht vayyich.

Breddichah 8:1 Σταυροειδείς Αναφορές

1. Mosi 40:8

No henn si ksawt zu eem, “Miah henn drohma katt, un's is nimmand do fa sawwa vass si mayna.” Da Joseph hott no ksawt zu eena, “Fa sawwa vass en drohm maynd heaht zu Gott. Sawwet miah moll vass diah gedrohmd hend.”

Hiob 33:23

Doch, es mecht en engel uf sei seit sei, en middel-mann, aynah funn Gott sei dausends, fa em mensh sawwa vass recht is fa een.

2. Mosi 34:35

henn si ksenna es sei ksicht am sheina voah. No hott da Mosi sei ksicht als zu gedekt biss eah viddah nei ganga is fa shvetza zumm Hah.

Shpricha 1:6

so es eah shpricha un gleichnisa fashtay kann, sell is, leit mitt veisheit iahra vadda un fashtekkeldi mayninga.

Shpricha 12:8

En mann vatt glohbt fa sei veisheit, avvah en mann mitt en fashtatzti meind vatt fa'acht.

Shpricha 17:24

En eisichtichah mann hald sei awwa uf veisheit, avvah em dumma sei awwa sinn uf em end funn di gans veld.

Shpricha 21:29

Da gottlohs mann lost oh mitt seim kobb in di hay, avvah da ufrichtich mann denkt an vass eah dutt.

Shpricha 24:5

En mann mitt veisheit is oahrich shteik, un en mann mitt eisicht vatt mechtichah mitt graft.

Daniel 2:22

Eah veist di deefa un fashtekkeldi sacha; eah vayst vass im dunkla is, un helling is um een rumm.

Daniel 2:47

Da kaynich hott ksawt zumm Daniel, “Dei Gott is geviss da Gott funn awl di gettah un da Hah funn awl di kaynicha. Un eah macht awl di fashtekkelda sacha gvissa, veil du dess fashtekkeld ding veisa hosht kenna.”

Matthäus 17:2

Un eah voah fa'ennaht fannich eena un sei ksicht hott ksheind vi di sunn, un sei glaydah sinn veis vadda vi licht.

Di Apostelgeschichte 4:13

Vo di hohchen-preeshtah ksenna henn es da Petrus un da Johannes kshvetzt henn unni furcht dann voahra si fashtaund. Si henn gvist es si nett gland voahra im Ksetz un es si yusht kammeni leit voahra. Deich sell henn si fanumma es si bei Jesus gvest voahra.

Di Apostelgeschichte 4:29

Un nau, Hah, heich moll vi si droiya doon, un helf dei gnechta es si sich nett feicha fa grawt raus shvetza veyyich dei Vatt.

Di Apostelgeschichte 6:15

Un awl di leit es datt in di Council-shtubb kokt henn, henn een gvatsht, un henn ksenna es sei ksicht voah vi's ksicht funn en engel.

Römer 13:5

Fasell, is es nohtvendich es ma em unnich si gebt, nett yusht veil ma kshtrohft vadda mecht, avvah aw fa em blohk-frei macha.

Epheser 6:19

Un baydet aw fa mich es di rechti vadda miah gevva vadda vann ich mei maul uf mach, so es ich di deefi sacha fumm Effangaylium bekand macha kann unni mich feicha.

5. Mosi 28:50

Si zayla en folk sei mitt en zannich ksicht, un zayla kenn bamhatzichkeit veisa zu di alda adda di yunga.

2. Timotheus 4:17

Avvah da Hah hott bei miah kshtanna, un hott miah graft gevva, so es deich mich, voah's Vatt folshtendich gebreddicht, un awl di Heida henn's heahra kenna. Eah hott mich aus em layb sei maul kalda.

2. Petrus 1:20

Am eahshta missa diah dess fashtay: kenn Shrift es foah-sawkt, kann ausglaykt sei bei ebbah selvaht.