Breddichah 6:3 - Pennsylvania Dutch Bible

³ En mann mecht en hunnaht kinnah havva un en lang layva havva, avvah vann sei sayl nett zufridda is mitt di gooda sacha in layva, un eah nett fagrawva vatt vann eah shtaubt, dann sawk ich es en doht-geboahra kind is bessah ab es eah.

Breddichah 6:3 Σταυροειδείς Αναφορές

1. Mosi 33:5

No hott da Esau ufgegukt, hott di veibsleit un di kinnah ksenna, un hott kfrohkt, “Veah sinn dee do bei diah?” Da Jakob hott ksawt, “Dess sinn di kinnah es Gott deim gnecht so gnaydichlich gevva hott.”

1. Mosi 47:9

Da Jakob hott ksawt zumm Pharao, “Di yoahra es ich deich dess layva ganga binn sinn en hunnaht un dreisich. Vennich un unblasiahlich voahra di yoahra funn mei layva. Un ich habb nett so lang glaybt es mei foah-eldra henn diveil es si do deich's layva ganga sinn.”

2. Kaynicha 10:1

Da Ahab hott sivvatzich boova katt in Samaria. So hott da Jehu breefa kshrivva un si zu Samaria kshikt—zu di evvahshti in Jesreel, di eldishti un zu selli es em Ahab sei kinnah faseikt henn. Eah hott kshrivva,

2. Kaynicha 9:35

Avvah vo si naus kumma sinn fa see fagrawva, voah nix datt es vi di gnocha funn iahra kobb, hend un fees.

1. Chronik 28:5

Funn awl mei boova—un da Hah hott miah feel boova gevva—hott eah mei boo da Solomon groofa fa uf em kaynich-shtool hokka fumm Hah sei kaynich-reich ivvah Israel.

2. Chronik 11:21

Da Rehabeam hott em Absalom sei maydel di Maacha may leeb katt es ennichs funn sei anri veivah un nayva-veivah. Alles zammah hott eah achtzay veivah un sechtzich nayva-veivah katt, mitt acht un zvansich boova un sechtzich mayt.

Esther 5:11

No hott eah gebraekt zu eena veyyich sei feel geld, sei feel boova, un vi oft es da kaynich eem eah gevva hott, un een ovvich di anra evvahshti un hohchi gnechta ksetzt hott.

Esther 7:10

So henn si da Haman kanka uf em galya es eah grisht katt hott fa da Mordecai. No hott em kaynich sei zann sich glaykt.

Hiob 3:11

Favass binn ich nett kshtauva in mei maemm iahra muddahs-leib, adda an di zeit es ich geboahra voah?

Hiob 3:16

Favass voah ich nett fagrawva vi en doht-geboahra kind, vi en kind es es licht fumm dawk nett ksenna hott?

Psalm 58:8

Loss si sei vi en shnekk es fagayt in iahra shleim, vi en shtill-geboahra kind es di sunn nee nett saynd.

Shpricha 17:6

Kinds-kinnah sinn da krohn funn aldi leit, un di eah funn di kinnah is iahra eldra.

Breddichah 4:3

Avvah bessah ab es si awl zvay, is sellah es noch nett geboahra is; eah hott's evila nett ksenna es am gedu vadda is unnich di sunn.

Breddichah 6:4

So en kind kumd fa nix un gayt on im dunkla. Un aw im dunkla vatt sei nohma fagessa.

Jeremia 22:19

Si zayla een fagrawva vi en aysel, es vekk kshlayft is un naus kshmissa vatt, autseit di doahra funn Jerusalem.”

Jeremia 36:30

So fasell sawkt da Hah dess veyyich em Kaynich Joiakim funn Juda: Kens funn sei nohch-kummashaft zayld uf em kaynich-shtool fumm Dawfit hokka, sei leib zayld naus kshmissa vadda in di hitz deich da dawk un da frosht deich di nacht.

Jeremia 8:2

Si zayla ausnannah kshtroit sei unnich di sunn un da moon un unnich awl di shtanna fumm himmel—dee es si leeb katt henn un gedeend henn, un dee es si nohch gloffa sinn, iahra roht kfrohkt henn un si ohgebayda henn. Si zayla nett zammah gnumma sei un fagrawva vadda, avvah zayla uf em grund leiya vi misht.

Matthäus 26:24

Da Mensha Sohn gayt vi's kshrivva is veyyich eem, avvah vay zu sellem mann vo da Mensha Sohn farohda dutt! Es veah bessah gvest vann sellah mann nee nett geboahra gvest veah.”