Breddichah 5:16 - Pennsylvania Dutch Bible

¹⁶ Do is aw en veesht ding: Vi en mann kumd, so gayt eah viddah, un vass dutt's eem goot, siddah es eah yusht kshaft hott fa da vind fanga?

Breddichah 5:16 Σταυροειδείς Αναφορές

Shpricha 11:29

Veah druvvel in sei ayya haus bringd, zayld da vind eahva, un da unksheit zayld en gnecht sei zumm mann mitt veisheit.

Breddichah 1:3

Vass goot dutt's da mann fa awl di eahvet es eah dutt, alles es eah shaft unnich di sunn?

Breddichah 2:11

Avvah vo ich zrikk gedenkt habb vass mei hend gedu henn, un vass ich so hatt kshaft habb fa du, dann voah alles unni mayning, so es vi broviahra fa da vind fanga; awl dess batt da mensh nix unnich di sunn.

Breddichah 3:9

Vass grikt da shaff-mann aus sei eahvet?

Breddichah 5:13

Do is en veesht ding es ich ksenna habb unnich di sunn: en reichah mann am sei shtoft hayva zu sei ayknah shawda,

Jesoiya 26:18

Miah voahra am en kind havva un in shmatza, avvah miah henn nix foah gebrocht es yusht da vind. Miah henn nimmand frei gmacht im land, un henn di veld kenn neiyi hofning gevva.

Jeremia 2:8

Di preeshtah henn nett kfrohkt, ‘Vo is da Hah?’ Selli es acht gevva uf's ksetz henn mich nett gekend; di foah-gengah henn geyyich mich kshaft. Di brofayda henn gebroffetzeit im Baal sei nohma, un sinn abgettah nohch gloffa es nix veaht voahra.

Hosea 8:7

Si sayya da vind un eahnda en vind-veahvel. Iahra frucht im feld grikt kenn kebb, un's macht kenn mayl. Un vann's frucht gevva dayt, dann dayda di fremda's essa.

Markus 8:36

Vass goot dutt's en mensh fa di gans veld an sich zeeya un no sei sayl faliahra dideich?

Johannes 6:27

Doond nett shaffa fa ess-sach es fadaubt, avvah fa ess-sach es sich hald zumm ayvich layva es da Mensha Sohn eich gevva zayld. Gott da Faddah hott zeiknis gevva es eah zufridda is mitt eem.”

1. Korinther 16:16

Ich famohn eich es diah eich uf gevvet zu so leit, un zu awl selli vo sellah vayk helfa un shaffa.

1. Samuel 12:21

Drayyet nett vekk un gaynd abgettah nohch. Si kenna nix goodes du fa eich, un kenna eich nett frei macha, veil si nix veaht sinn.