Amos 5:1 - Pennsylvania Dutch Bible

¹ Heichet zu dee vadda, diah funn Israel, dess leicht-leet es ich sing veyyich eich:

Amos 5:1 Σταυροειδείς Αναφορές

Jeremia 18:13

So dess is vass da Hah sawkt: “Frohwet unnich di heida: Veah hott selayva ennich ebbes keaht vi dess? En greislich ding voah gedu beim leddich maydel Israel.

Jeremia 7:29

Shneit dei hoah ab un shmeis see vekk, heil drovva uf di bludda hivla. Fa da Hah hott dee leit es eah zannich is mitt, falossa un si vekk kshtohsa.

Jeremia 9:10

Ich muss heila un veina fa di berga, un mich fayammahra veyyich em vayt-land in di vildahnis. Si sinn leah, un nimmand gayt deich si, un's fee heaht ma nett bladda. Di fekkel in di luft sinn fatt kflowwa, un di diahra sinn aw nimmi datt.

Jeremia 9:17

Dess is vass da Awlmechtich Hah sawkt: “Gevvet acht, roofet di veibsleit bei es heila an di leichta, shikket fa di beshta funn eena.

Jeremia 9:20

Nau, diah veibsleit, heichet's vatt fumm Hah ab; machet eiyah oahra uf zumm vatt funn seim maul. Lannet eiyah mayt vi zu heila; lannet nannah en glawk-leet.

Jeremia 9:9

Sett ich si nett shtrohfa fa dess?” frohkt da Hah. “Sett ich mich nett auseeva, fa so en folk vi dess?”

Ezekiel 19:1

“Mach en glawk-leet veyyich di feddahshta funn Israel,

Ezekiel 19:14

Feiyah is aus sei shteikah nasht ganga, un hott sei frucht fabrend, so es kenn shteikah nasht ivvahrich voah, fa ma kaynich sei zeptah sei.’ Dess is en glawk-leet, un soll en glawk-leet ksunga sei.”

Ezekiel 26:17

No zayla si en leicht-leet singa veyyich diah un sawwa zu diah: Vi oahrich bisht du fadauva, du goot bekandi shtatt mitt feel leit fumm say! Du voahsht mechtich uf em say, du un dei leit; du hosht leit fagelshtaht ivvahrawlich am say nohch.

Ezekiel 27:2

“Mensha-kind, mach en leicht-leet veyyich Tyrus.

Ezekiel 28:12

“Mensha-kind, mach en leicht-leet veyyich em kaynich funn Tyrus un sawk zu eem: ‘Dess is vass da Awlmechtich Hah sawkt: Du voahsht's gleichnis funn folkummaheit, foll veisheit un oahrich shay.

Ezekiel 32:16

Dess is es glawk-leet es si singa zayla fa see. Di dochtahra funn di heida zayla's singa. Si zayla's singa fa Egypta un iahra feel leit, sawkt da Awlmechtich Hah.”

Ezekiel 32:2

“Mensha-kind, mach en glawk-leet veyyich em Pharao, da kaynich funn Egypta, un sawk zu eem: ‘Du bisht vi en layb unnich di heida-lendah; du bisht vi en dracha-diah im say. Du shtravvelsht rumm in di revvahra, riahsht's vassah uf mitt dei fees un machsht's alles drekkich.

Amos 3:1

Heichet's vatt es da Hah auskshprocha hott geyyich eich, diah Kinnah-Israel—geyyich di gans family es ich ruff aus Egypta gebrocht habb:

Amos 4:1

Heichet zu dee vadda, diah feddi kee funn Basan es uf em Berg funn Samaria sind, diah veibsleit es di oahma un selli in noht nunnah dreddet, un sawwet zu eiyah mennah, “Bringet uns vei zu drinka!”

Amos 5:16

So dess is vass da Hah, da Awlmechtich Gott, da Hah, sawkt: “Es zayld yammahres sei in di shtrohsa, un leit am naus greisha in di shkveahra. Di bavvah vadda bei groofa fa heila, un aw selli es betzawld vadda fa veina.

Amos 8:14

Selli es shveahra bei di abgettah funn Samaria, un sawwa, ‘Yusht so voah es dei gott laybt, oh Dan,’ adda, ‘so voah es da gott funn Beer-Seba laybt’— selli leit zayla falla un nimmi uf shtay.”

Micha 2:4

Uf sellah dawk zayla si geyyich eich sei un eich fashpodda; un zayla dess leet funn dreebsawl singa: ‘Miah henn goah nix ivvahrich, da Hah hott unsah land vekk gnumma. Si henn alles vekk gnumma funn uns! Eah hott unsah feldah fadayld unnich unsah feinda.’”