1. Samuel 4:19 - Pennsylvania Dutch Bible

¹⁹ Sei boo em Pinehas sei fraw voah uf em family vayk un's voah nayksht an di zeit fa's kind geboahra sei. Vo see's vatt grikt hott es di Bundes-Lawt funn Gott gnumma voah, un es iahra shviah-daett un iahra mann doht voahra, hott see ohkfanga iahra kind havva. Avvah see voah ivvah-kumma mitt shmatza.

1. Samuel 4:19 Σταυροειδείς Αναφορές

1. Mosi 3:16

Zu di fraw hott eah ksawt, “Ich gebb diah feel shmatza deich kinnah drawwa, In shmatza sella kinnah geboahra sei zu diah; Dei falanga soll noch deim mann sei, un eah soll ivvah dich sei.”

1. Mosi 35:17

Un vo see am oahrich shmatza havva voah hott di hilf-muddah ksawt zu iahra, “Feich dich nett, fa nau hosht du noch en boo.”

1. Kaynicha 14:1

An selli zeit is em Jerobeam sei boo da Abia grank vadda.

Psalm 78:64

Iahra preeshtah sinn umkumma bei em shvatt, un iahra vitt-veivah henn nett heila kenna.

Jeremia 26:6

dann mach ich dess haus vi Silo, un dee shtatt vatt en fluch-vatt unnich awl di heida uf di eaht.’”

1. Samuel 4:18

Vo eah ksawt hott veyyich di Bundes-Lawt funn Gott, is da Eli hinnahsich ab funn seim shtool kfalla nayvich em doah. Sei hals is fabrocha un eah is kshtauva, fa eah voah en aldah mann un oahrich shveah. Eah is Israel foah-ganga fa fatzich yoah.

1. Samuel 4:20

Vi see am shtauva voah, henn di veibsleit es am iahra helfa voahra, ksawt, “Feich dich nett, du hosht en glennah boo.” Avvah see hott kenn andvat gevva un hott's nett acht katt.