1. Samuel 4:13 - Pennsylvania Dutch Bible

¹³ Vo eah kumma is, voah da Eli am uf seim shtool hokka nayvich em vayk am vatsha, veil sei hatz sich kfeicht hott veyyich di Bundes-Lawt funn Gott. Vo da mann in di shtatt kumma is un hott fazayld vass blatz gnumma katt hott, hott di gans shtatt naus gegrisha.

1. Samuel 4:13 Σταυροειδείς Αναφορές

Psalm 26:8

Oh Hah, ich habb's haus leeb es du drinn voonsht, da blatz vo dei hallichkeit bleibt.

Jeremia 48:19

Shtaynd am vayk nohch un vatshet, diah es in Aroer voonet. Frohwet sellah es am shpringa is, un selli es am difunn gay is, frohwet si, ‘Vass hott's gevva?’

Joshua 7:9

Di Kanaaniddah un awl di leit im land zayla heahra funn demm, un si zayla um uns rumm kumma un unsah nohma ausreiva funn di eaht. Vass zaylsht du no du fa dei grohsah nohma?”

1. Samuel 1:9

No vo si faddich voahra essa un drinka in Silo is di Hannah ufkshtanna. Nau da preeshtah Eli voah am uf en shtool hokka beim doah-poshta fumm Hah sei tempel.

1. Samuel 4:14

Vo da Eli selli yacht keaht hott, hott eah kfrohkt, “Vass maynd awl dee yacht?” No is da mann kshvind zumm Eli ganga un hott eem's ksawt.

1. Samuel 4:18

Vo eah ksawt hott veyyich di Bundes-Lawt funn Gott, is da Eli hinnahsich ab funn seim shtool kfalla nayvich em doah. Sei hals is fabrocha un eah is kshtauva, fa eah voah en aldah mann un oahrich shveah. Eah is Israel foah-ganga fa fatzich yoah.