1. Samuel 4:10 - Pennsylvania Dutch Bible

¹⁰ So henn di Philishtah kfochta un di Israeliddah voahra ivvah-kumma. Alli mann is zu sei ayknah tent kshprunga. Es voah en grohsi shlawdahrei; Israel hott dreisich dausend greeks-gnechta faloahra.

1. Samuel 4:10 Σταυροειδείς Αναφορές

2. Samuel 18:17

Si henn da Absalom gnumma un henn een in en grohs loch kshmissa datt im bush, un henn en grohsah haufa shtay ovva uf een gedu. Un awl di Israeliddah henn sich fabutzt un sinn haym kshprunga.

2. Samuel 18:7

Datt henn em Dawfit sei mennah di evvahsht-hand grikt ivvah di mennah funn Israel, un's voahra feel leit doht gmacht—zvansich dausend mennah.

2. Samuel 19:8

So is da kaynich ufkshtanna, is nunnah an's shtatt-doah ganga un hott sich datt anna kokt. Vo di leit ksawt gvest voahra es da kaynich am doah hokka is, sinn si awl fannich een kumma. Nau di Israeliddah voahra awl zrikk an iahra haymeda ganga gvest.

2. Samuel 20:1

Nau's voah en nix-nutzichah mann es Seba kaysa hott. Eah voah em Bichri sei boo funn di shtamm fumm Benjamin. Da Seba voah datt, un eah hott's blohs-hann geblohsa un hott naus gegrisha, “Miah henn kenn shiah im Dawfit, un kenn dayl im Jesse sei boo sei eahbshaft. Alli-ebbah in sei tents, oh Israel!”

1. Kaynicha 12:16

Vo gans Israel ksenna hott es da kaynich's nett dutt fa eena abheicha, henn si ksawt zumm kaynich: “Vass fa en dayl henn miah im Dawfit, adda eahbshaft im Jesse sei boo? Zu eiyah heisah, oh Israel! Gebb du acht uf dei ayya haus, oh Dawfit!” So sinn di Israeliddah haym ganga.

1. Kaynicha 22:36

Vi di sunn am unnah gay voah is es vatt rumm gegrisha vadda zu di greeks-gnechta, “Alli-ebbah zrikk zu sei shtatt un land!”

2. Kaynicha 14:12

No voah Juda ivvah-kumma bei Israel, un alli mann is an sei haus kshprunga.

2. Chronik 13:17

Da Abia un sei mennah henn si vundahboah kshlauwa, so es fimf hunnaht dausend goodi mennah doht voahra.

2. Chronik 25:22

Avvah Juda voah kshlauwa bei Israel, un si sinn difunn kshprunga zu iahra tents.

Psalm 78:9

Di Ephraimiddah voahra grisht fa greek mitt bows, avvah si sinn zrikk gedrayt vo shtreit kumma is.

Jeremia 7:12

Gaynd nau moll an da blatz in Silo, datt vo mei Nohma eahshtah gvoond hott, un saynet vass ich gedu habb zu sellem blatz veil mei leit, di Kinnah-Israel, so ungettlich voahra.

3. Mosi 26:17

Ich setz mei ksicht geyyich eich so es eiyah feinda eich nunnah shlauwa. Selli es eich hassa zayla ivvah eich roola, un diah zaylet shpringa even vann nimmand eich nohch kumd.

5. Mosi 28:15

Vann diah nett di shtimm fumm Hah eiyah Gott heichet, un acht gevvet fa awl sei gebodda un adninga halda es ich eich gebb heit, dann kumma awl dee flucha uf eich un nemma eich ivvah:

5. Mosi 28:25

Da Hah macht eiyah feinda eich shlauwa. Diah gaynd geyyich si ay vayk un zaylet sivva vayya shpringa funn eena. Un diah zaylet fashtroit vadda unnich awl di kaynich-reicha uf di eaht.

1. Samuel 3:11

Un da Hah hott ksawt zumm Samuel, “Gukk moll, ich zayl en ding du in Israel es di oahra rabla macht funn alli-ebbah es dess heaht.

1. Samuel 4:2

Di Philishtah henn sich anna kshteld fa greek macha mitt Israel un vi si kfochta henn, is Israel gebodda vadda bei di Philishtah. Di Philishtah henn baut fiah dausend doht gmacht uf em greeks-feld.