1. Samuel 28:8 - Pennsylvania Dutch Bible

⁸ Da Saul hott sich no unbekand gmacht bei anri glaydah ohdu. Un no is eah un zvay anri mennah nachts zu di fraw ganga. Da Saul hott ksawt zu di fraw, “Roof en geisht ruff un bring ruff zu miah aynah es ich nohma zayl.”

1. Samuel 28:8 Σταυροειδείς Αναφορές

1. Kaynicha 22:30

Da kaynich funn Israel hott no ksawt zumm Josaphat, “Ich zayl mich fashtella eb miah naus gayn fechta, avvah veah du dei kaynich-glaydah.” So hott da kaynich funn Israel sich fashteld eb eah naus ganga is fa fechta.

1. Kaynicha 22:34

Avvah en mann hott sei bow gezowwa unni zeela, un hott da kaynich funn Israel gedroffa zvishich en riss in sei greeks-ksha. Da kaynich hott no ksawt zumm mann am da vauwa foahra, “Dray rumm un grikk mich vekk fumm fechtes. Ich binn vay gedu.”

1. Chronik 10:13

Da Saul is kshtauva veil eah em Hah nett keicht hott. Eah hott's vatt fumm Hah nett kalda, un hott even en voah-sawwah kfrohkt fa roht,

2. Chronik 18:29

Da kaynich funn Israel hott no ksawt zumm Josaphat, “Ich zayl mich fashtella eb miah naus gayn fechta, avvah du solsht dei kaynich-glaydah veahra.” So hott da kaynich funn Israel sich fashteld eb eah naus ganga is fa fechta.

2. Chronik 35:22

Doch da Josia hott's nett gedu fa vekk drayya funn eem, avvah eah hott sich selvaht fashteld fa gay een fechta. Eah hott nett keicht zu di vadda fumm Necho es Gott ksawt katt hott zu eem, avvah is on ganga fa een fechta uf em ayvana an Megiddo.

Jesoiya 8:19

Vann si sawwa zu eich, diah misset di voah-sawwah un zaubahrah frohwa, dee es pishbahra un mumbla un sawwa, “Sedda nett leit iahra Gott frohwa?” Favass sedda si di dohda frohwa fa di levendicha?

Jeremia 23:24

Kann ennich ebbah sich so goot fashtekla es ich een nett sayna kann?” sawkt da Hah. “Doon ich nett da himmel un di eaht uf filla?” sawkt da Hah.

Ezekiel 12:6

Du dei sach uf dei shuldah diveil es si vatsha un drawk's naus in's dunkla. Dekk dei ksicht zu so es du's land nett sayna kansht, fa ich habb dich en zaycha gmacht funn vass am kumma is zumm haus funn Israel.”

Johannes 3:19

Es gericht is dess: Licht is in di veld kumma, avvah leit henn's dunkla leevah katt es di helling veil iahra verka evil voahra.