1. Samuel 26:16 - Pennsylvania Dutch Bible

¹⁶ Vass du gedu hosht is nett goot. So shuah es da Hah laybt, du un dei mennah sedda doht gmacht sei, veil diah eiyah meishtah, em Hah sei ksalbdah, nett keet hend. Gukk moll um dich rumm. Vo is em kaynich sei shpiah un da vassah-tsheah es nayksht an seim kobb voah?”

1. Samuel 26:16 Σταυροειδείς Αναφορές

2. Samuel 12:5

Em Dawfit sei zann hott gleedich gebrend geyyich deah mann un eah hott ksawt zumm Nathan, “So shuah es da Hah laybt, deah mann sett doht gmacht sei!

2. Samuel 19:28

Awl meim dawdi sei nohch-kummashaft voah shuldich fa doht gmacht sei bei meim hah da kaynich, avvah du hosht miah en blatz gevva an deim dish. So vass recht habb ich fa ebbes may foddahra fumm kaynich?”

1. Kaynicha 2:26

Zumm preeshtah Abiathar hott da kaynich ksawt, “Gay zrikk zu dei feldah in Anathoth, du hosht da doht fadeend avvah ich mach dich nett doht nau veil du di Bundes-Lawt fumm Awlmechticha Hah gedrawwa hosht fannich meim faddah da Dawfit, un hosht mitt-glidda vo mei faddah glidda hott.”

Psalm 102:20

Eah hott's geyammah keaht funn di kfangana, un hott selli lohs gedrayt es doht gmacht sei henn sella.

Psalm 79:11

Loss es geyammah funn di kfangana fannich dich kumma, un bei dei grohsi macht hald selli levendich es kshteld sinn fa doht gmacht vadda.

Epheser 2:3

Unnich dee henn miah aw eahshtah awl glaybt im lusht fumm flaysh un henn gedu vass unsah ayknah villa voah un vass unsah meind en falanga katt hott fa du. So voahra miah deich di naduah, kinnah fumm zann grawt vi awl di anra.

1. Samuel 20:31

So lang es em Jesse sei boo laybt uf di eaht, dann zaylsht du adda dei kaynich-reich nett ufkokt vadda. Nau gay un shikk fa een un bring een zu miah, fa eah soll geviss doht gmacht sei.”

1. Samuel 24:6

Eah hott ksawt zu sei mennah, “Da Hah alawbt mich nett es ich so en ding du sett zu meim meishtah, em Hah sei ksalbdah. Ich dauf mei hand nett uf hayva geyyich een, veil eah em Hah sei ksalbdah is.”

1. Samuel 26:11

Avvah loss da Hah mich halda funn mei hand uf em Hah sei ksalbdah layya. Nau grikk sei shpiah un da vassah-tsheah nayksht an seim kobb un vella gay.”

1. Samuel 26:15

Da Dawfit hott ksawt zumm Abner, “Bisht du nett en mann? Un veah is vi du in Israel? Favass hosht du dann dei hah, da kaynich nett keet? Ebbah is kumma fa dei hah da kaynich vekk butza.

1. Samuel 26:9

Avvah da Dawfit hott ksawt zumm Abisai, “Mach een nett doht; veah kann sei hand naus shtrekka geyyich em Hah sei ksalbdah un shuldlohs sei?”