1. Samuel 24:11 - Pennsylvania Dutch Bible

¹¹ Nau, mei faddah, gukk moll, do is en shtikk funn deim leib-rokk in mei hand! Ich habb en ekk funn deim rokk abkshnidda, avvah ich habb dich nett doht gmacht. Nau kansht du vissa un fashtay es ich nett shuldich binn funn diah letz du adda geyyich dich shaffa. Ich habb diah nett letz gedu avvah du bisht miah nohch fa mei layva nemma.

1. Samuel 24:11 Σταυροειδείς Αναφορές

2. Samuel 1:14

Da Dawfit hott een kfrohkt, “Vee is es es du dich nett kfeicht hosht fa em Hah sei ksalbdah doht macha?”

2. Kaynicha 5:13

Avvah sei gnechta sinn zu eem ganga un henn ksawt, “Mei faddah, vann da brofayt dich kfrohkt hett fa ebbes grohses du, hetsht du's nett gedu? Vee feel may, dann, vann eah sawkt, ‘Vesh dich, no vasht du rein’?”

Hiob 10:16

Vann ich mei kobb uf hayb, dann hundsht du mich vi en layb, un veisht viddah dei vundahboahri macht geyyich mich.

Psalm 119:161

Evvahshti fafolka mich unni shuld, avvah mei hatz shtayt in furcht funn deim vatt.

Psalm 140:11

Loss es nett goot gay uf di eaht mitt selli es kshvetzah shtroiya. Loss selli es gvald yoosa ivvah-kumma sei mitt evil.

Psalm 35:7

Fa unni uahsach henn si iahra net ksetzt fa mich; unni uahsach henn si en loch gegrawva fa mich fanga.

Psalm 59:3

Fa gukk moll, si leiya am voahra fa mei layva nemma; shteiki mennah fasamla sich zammah geyyich mich, avvah ich habb nix letzes gedu un habb nett ksindicht, oh Hah.

Psalm 7:5

dann loss mei feind miah nohch kumma un mich fanga; loss een mei layva in da grund shtamba, un mei eah im shtawb leiya lossa. (Sela)

Shpricha 15:1

En goot-maynich andvat drayt da zann vekk, avvah shaufi vadda shtadda da zann uf.

Glawk-Leedah 4:18

Mennah sinn uns nohch kumma, so es miah nett in di shtrohsa lawfa henn daufa, unsah end voah nayksht, unsah dawwa gnambaht, fa unsah end voah kumma.

Ezekiel 13:18

un sawk, ‘Dess is vass da Awlmechtich Hah sawkt: Vay zu di veibsleit es zaubah-banda uf leit iahra eahm doon un kobb-dichah macha funn edlichi leng fa di kebb funn yungi un aldi leit so es si iahra sayla fanga kenna. Denket diah es diah kennet mei leit iahra sayla fanga un eiyah aykni halda?

Micha 7:2

Di gettlicha leit sinn awl fatt in demm land, 'sis nett ay ufrichtichah mensh ivvahrich. Alli-ebbah is am voahra fa ebbah doht macha, alli-ebbah is am sei broodah hunda mitt en fall.

Johannes 15:25

Dess is fa's Vatt folfilla vo kshrivva is in iahrem Ksetz, ‘Si henn mich kast unni uahsach.’

1. Samuel 12:3

Do shtayn ich. Zeiyet geyyich mich fannich em Hah un sei ksalbdah. Vemm sei ox habb ich gnumma? Vemm sei aysel habb ich gnumma? Veah habb ich getsheet? Veah habb ich nunnah gedredda? Funn vemm habb ich ebbes hinna rumm gnumma fa mich macha da annah vayk gukka? Vann ich ennichs funn dee gedu habb, dann mach ich's recht.”

1. Samuel 18:27

is da Dawfit un sei mennah naus ganga un henn zvay hunnaht Philishtah doht gmacht. No hott da Dawfit iahra foah-heit gnumma un hott si awl zumm kaynich gevva, so es eah sei dochtah-mann vadda kann. No hott da Saul eem sei maydel, di Michal, gevva fa sei fraw sei.

1. Samuel 23:14

Da Dawfit hott sich fashtekkeld kalda draus in di vildahnis, un is in di hivla geblivva in di vildahnis funn Siph. Da Saul hott gegukt fa da Dawfit alli dawk, avvah Gott hott een nett im Saul sei hend gevva.

1. Samuel 23:23

Finnet alles aus veyyich di bletz es eah sich fashtekkeld hald, un kummet zrikk zu miah vann diah moll shuah sind. No gayn ich mitt eich, un vann eah im land is, dann such ich een raus unnich awl di dausends fumm land Juda.”

1. Samuel 25:28

Fagebb nau deah faylah funn dei mawt, fa da Hah zayld geviss dei haus en ayvich haus macha, veil du am Hah sei greek fechta bisht. Loss kenn evil kfunna sei in diah so lang es du laybsht.

1. Samuel 26:18

No hott eah veidah ksawt, “Favass is mei meishtah am sei gnecht nohch gay? Vass habb ich gedu? Vass fa evil is in mei hand?

1. Samuel 26:20

Loss nett mei bloot uf da grund falla vekk fumm Hah sei ksicht, fa da kaynich funn Israel is raus kumma fa ay flay nohch gay, so vi ebbah en badreesli hunda dutt in di hivla.”

1. Samuel 26:23

Da Hah betzawld yaydah mann fa sei gerechtichkeit un shtandhaftichkeit. Da Hah hott dich ivvah-gedrayt in mei hand heit, avvah ich habb's nett gedu fa mei hand naus shtrekka geyyich em Hah sei ksalbdah.