1. Samuel 2:9 - Pennsylvania Dutch Bible

⁹ Eah heet di fees funn sei heilichi, avvah di gottlohsa vadda shtill gmacht im dunkla; fa deich macht dutt mann nett ivvah-kumma.

1. Samuel 2:9 Σταυροειδείς Αναφορές

Hiob 18:18

Eah is fumm licht in's dunkla gedrivva, un is vekk gedrivva funn di leit in di veld.

Hiob 40:13

Fagrawb si awl zammah im shtawb, bind si im blatz vo di dohda sinn.

Hiob 5:16

So henn di oahma hofning, un ungerechtichkeit muss sei maul zu macha.

Hiob 5:24

Du vaysht es dei tent nett nunnah falla zayld; du guksht ivvah dei sach, un alles is datt.

Psalm 1:6

Fa da Hah vatsht ivvah da vayk funn di gerechta, avvah da vayk funn di gottlohsa kumd zu nix.

Psalm 105:37

No hott eah Israel raus gebrocht mitt silvah un gold, un's voahra kenn shvachi leit unnich iahra shtamma.

Psalm 121:3

Eah zayld dei foos nett shlibba lossa, un sellah es dich heet dutt nett shlohfa.

Psalm 121:5

Da Hah vatsht ivvah dich— da Hah is shadda fa dich uf dei rechtsi seit.

Psalm 121:8

Da Hah zayld ivvah dich vatsha diveil es du am naus gay bisht un am rei kumma bisht, funn nau on un fa'immah.

Psalm 145:20

Da Hah vatsht ivvah awl selli es een leeb henn, avvah di gottlohsa bringd eah um.

Psalm 31:17

Loss mich nett in da shohm gebrocht sei, oh Hah, fa ich roof zu diah. Loss di gottlohsa sich shemma, loss si shtill im grawb leiya.

Psalm 37:28

Da Hah leebt sell vass recht is, un falost nett sei shtandhaftichi. Si vadda aus di kfoah kalda fa'immah, avvah di nohch-kummashaft funn di gottlohsa vadda abkshnidda.

Psalm 94:18

Vo ich ksawt habb, “Mei foos is am shlibba,” dann hott dei shtandhaftichi-leevi mich uf kohva, oh Hah.

Psalm 97:10

Diah es da Hah leeb hend, hasset evil; eah heet di sayla funn sei heilichi, eah hald si aus di kfoah funn di gottlohsa iahra hend.

Shpricha 16:9

En mann macht aus vass eah du zayld, avvah da Hah fiaht sei shritt.

Shpricha 2:8

fa eah heet di pawt funn selli es anri recht yoosa, un hald frei da vayk funn sei saylichi.

Shpricha 3:26

fa da Hah is dei drohsht, un eah hald dei foos funn kfanga vadda.

Breddichah 5:17

Sei layva lang est eah im dunkla un dreebsawl, mitt feel aylenda, grankheit un zann.

Breddichah 9:11

Ich habb aw dess ksenna unnich di sunn: Selli es shteik shpringa doon nett immah beeda, un di shteika henn nett immah ivvah-hand im greek. Selli mitt veisheit henn nett immah ess-sach; di shmeahda sinn nett immah reich, un di glanda vadda nett immah bessah gyoost. Avvah di recht zeit un glikk dreft alli-ebbah.

Jesoiya 27:3

Ich, da Hah, gebb acht druff, ich vessah een di gans zeit. Ich heet een dawk un nacht, so es nimmand ebbes dutt zu eem.

Jesoiya 47:5

“Hokk dich anna un sei shtill, gay in's dunkla, du dochtah funn di Chaldayah. Du zaylsht nimmi di kaynich-fraw funn kaynich-reicha kaysa sei.

Jeremia 8:14

Di leit sawwa, “Favass hokka miah do? Fasamlet eich! Vella nei in di eigmavvahda shtett gay so es miah datt shtauva kenna! Fa da Hah unsah Gott zayld uns umkumma lossa; eah hott uns giftich vassah gevva fa drinka, veil miah ksindicht henn geyyich een.

Jeremia 9:23

Dess is vass da Hah sawkt: “Loss da mann mitt veisheit nett braekka veyyich sei veisheit, adda da shteik mann veyyich sei graft, adda da reich mann veyyich sei geld.

Nahum 1:8

Avvah vi mitt en grohsi vassah flott, macht eah en end funn selli es geyyich een sinn; eah fafolkt sei feinda mitt finshtahnis.

Zephania 1:15

Sellah dawk zayld en dawk funn zann sei, en dawk funn dreebsawl un angsht, en dawk mitt druvvel un fadauves, en dawk mitt finshtahnis un dunkles, en dawk mitt shvatzi volka,

Sacharia 4:6

So hott eah ksawt zu miah, “Dess is em Hah sei vatt zumm Serubabel: ‘Nett deich macht adda deich graft, avvah deich mei Geisht,’ sawkt da Awlmechtich Hah.

4. Mosi 6:24

“Da Hah soll dich saykna un dich heeda;

Matthäus 8:12

Avvah di kinnah fumm kaynich-reich zayla naus kshmissa sei in di ausahsht finshtahnis. Si zayla heila un di zay zammah beisa.”

Römer 3:19

Nau miah vissa es vass-evvah es es Ksetz sawkt, dess sawk's zu selli vo unnich em Ksetz sinn. Dess is so es alli maul shtill gmacht vatt, un di gans veld shuldich vatt fannich Gott.

5. Mosi 33:3

Du hosht geviss di leit so oahrich leeb; awl di heilichi sinn in dei hend; si bikka sich nunnah an dei fees, un lanna funn dei vadda.

1. Petrus 1:5

Diah sind kalda bei di macht funn Gott deich da glawva zu di saylichkeit vo abgedekt sei zayld an di letsht zeit.

2. Petrus 2:17

Dee mennah sinn brunna unni vassah un sinn volka es gedrivva sinn bei en shtoahm. En blatz in di deefsht finshtahnis is ayvichlich am kohva vadda fa si.

Judas 1:1

Judas, en gnecht funn Jesus Christus un en broodah fumm Jakobus, zu selli vo groofa sinn, vo heilich gmacht sinn bei em Faddah un vo kalda sinn in Jesus Christus.

Judas 1:13

Si sinn vildi vella fumm say un iahra shohm is vi da shaum fumm say. Si sinn shtanna es ab funn iahra pawt kumma sinn, un di dunkel finshtahnis is am ayvichlich kohva vadda fa si.

Judas 1:3

Leevi breedah, ich habb oahrich geahn vella shreiva zu eich veyyich di saylichkeit es miah awl mitt-nannah henn, avvah ich habb gmaynd's is nohtvendich fa shreiva zu eich un eich famohna es diah shtreidet fa da glawva halda vo ay moll un fa'immah gevva voah zu di saylicha.

1. Samuel 25:26

Un nau, mei meishtah, so shuah es da Hah laybt un es du laybsht, siddah es da Hah dich kalda hott funn bloot fageesa un funn zrikk betzawla mitt dei aykni hand, loss nau awl dei feinda es diah shawda du vella, sei vi da Nabal.