1. Samuel 2:5 - Pennsylvania Dutch Bible

⁵ Selli es foll voahra fadinga sich naus fa broht, avvah selli es hungahrich voahra sinn nimmi hungahrich. Selli es unfruchtboah voah hott sivva kinnah geboahra, avvah selli mitt feel kinnah is am fazeahra.

1. Samuel 2:5 Σταυροειδείς Αναφορές

Psalm 113:9

Eah gebt di unfruchtboah fraw frayt in di haymet, un macht si en fraylichi maemm mitt kinnah. Halleluja!

Psalm 34:10

Di yunga layb gayn hungahrich un vadda shvach, avvah selli es da Hah sucha, henn kenn noht fa ennich goot ding.

Jesoiya 33:9

Es land heild un yammaht, Lebanon shemd sich un is favelkt, Sharon is vi en drukka land, un in Basan un uf em Berg Karmel is es lawb am abfalla.

Jesoiya 54:1

“Sing, du unfruchtboahri fraw, du es nee kenn kind katt hosht; froi dich mitt singes, greish mitt frayt, du es nee kenn kind-shmatza katt hosht; veil di fraw es falossa vadda is may kinnah havva zayld es selli es en mann hott,” so sawkt da Hah.

Jeremia 15:9

Di maemm mitt sivva kinnah vatt shvach, 's gayt iahra hatt fa shnaufa. Iahra sunn is unnah ganga im hella dawk, see is fashohmd un gedaymeedicht vadda. Selli es ivvahrich sinn, vadda doht gmacht mitt en shvatt funn iahra feinda,” so sawkt da Hah.

Lukas 1:53

Eah hott di hungahricha ufkfild mitt goodi sacha, un hott di reicha fatt kshikt unni ebbes.

Lukas 16:25

Avvah da Abraham hott ksawt, ‘Mei sohn, denk droh es in dei layves-zeit hosht du awl di goodi sacha katt un da Lazarus awl di shlechta. Nau is eah gedraysht un du bisht am leida un deich macha.

Galater 4:27

Fa's shtayt kshrivva, “Sei fraylich, du vo unfruchtboah bisht un griksht kenn kinnah; loss dich gay un roof naus, du vo kenn shmatza hosht funn kinnah havva; fa di fraw vo falossa is vadda, hott may kinnah es selli vo iahra mann noch hott.”

Ruth 4:15

Miah hoffa es eah dei layva bessah macht un acht gebt uf dich vann du moll ald bisht, fa eah voah geboahra zu dei shviah-dochtah vo dich leebt un is bessah zu diah es sivva boova.”

1. Samuel 1:20

Un's is zu kumma, noch demm es di Hannah uf em family vayk voah hott see en glennah boo katt. See hott een Samuel kaysa un hott ksawt, “Veil ich da Hah kfrohkt habb fa een.”

1. Samuel 1:6

Un di Peninnah hott see oahrich gretzt fa see zannich macha, veil da Hah di Hannah iahra muddahs-leib zu gmacht katt hott.