1. Samuel 2:1 - Pennsylvania Dutch Bible

¹ No hott di Hannah gebayda un hott ksawt, “Mei hatz froit sich im Hah; im Hah is mei hann hohch uf kohva. Mei maul shvetzt grohs geyyich mei feinda, veil ich mich froi in dei saylichkeit.

1. Samuel 2:1 Σταυροειδείς Αναφορές

2. Chronik 20:27

No is alli-ebbah funn Juda un Jerusalem haym ganga mitt em Josaphat am fanna heah gay. Si sinn fraylich zrikk an Jerusalem kumma, fa da Hah hott si glost sich froiya ivvah iahra feinda.

Nehemia 11:17

da Matthania, en kind fumm Micha, en kind fumm Sabdi, en kind fumm Asaph, es en foah-gengah voah am dank sawwa un im gebayt, da Bakbukia es em Matthania kolfa hott, un da Abda, en kind fumm Sammua, en kind fumm Galal, en kind fumm Jedithun.

Hiob 16:15

Ich habb sakk-glaydah ivvah mei haut gnayt, un habb mei shtann in da shtawb gedu.

Psalm 118:14

Da Hah is mei macht un mei Psalm, un eah is mei saylichkeit vadda.

Psalm 13:5

Avvah ich drau in dei shtandhaftichi-leevi; mei hatz froit sich in dei saylichkeit.

Psalm 148:14

Eah hott sei leit shteik gmacht, so es awl sei saylichi een lohva sella, di Kinnah-Israel, dee es eem leeb sinn. Halleluja!

Psalm 18:2

Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

Psalm 20:5

Miah singa mitt frayt vann eah diah hilf gebt, un im nohma funn unsah Gott hayva miah unsah flag uf. Ich vinsh es da Hah diah alles gebt es du frohksht difoah.

Psalm 21:2

Du hosht eem gevva vass sei hatz falanga hott, un hosht nett kalda funn eem vass sei leftz kfrohkt henn. (Sela)

Psalm 35:9

No froit mei sayl sich im Hah, un is fraylich fa sei hilf.

Psalm 51:15

Oh Hah, mach mei leftz uf, so es mei maul dei lohb fakindicha kann.

Psalm 71:8

Mei maul is foll mitt dei lohb, un mitt dei hallichkeit da gans dawk lang.

Psalm 75:10

Eah zayld di hanna funn di gottlohsa abshneida, avvah di hanna funn di gerechta zayla uf kohva sei.

Psalm 89:17

Fa du bisht iahra hallichkeit un graft, un deich dei gnawt haybsht du unsah hann uf.

Psalm 89:18

Unsah shield heaht zumm Hah, un unsah kaynich zumm Heilicha Gott in Israel.

Psalm 89:24

Mei shtandhaftichi-leevi un bamhatzichkeit zayld bei eem sei, un deich mei nohma zayld sei greftich hann uf kohva sei.

Psalm 9:14

so es ich awl dei lohb fazayla kann, in di doahra funn di Dochtah funn Jerusalem, un fraylich sei kann fa dei saylichkeit.

Psalm 92:10

Du hosht mich shteik gmacht vi da vild ox, un hosht mich ksalbt mitt frish ayl.

2. Mosi 15:1

Da Mosi un di Kinnah-Israel henn no dess leet ksunga zumm Hah, un henn ksawt: “Ich sing zumm Hah, fa eah is hohch uf kohva. Da gaul un sei reidah hott eah in da say kshmissa.

2. Mosi 15:21

Un di Miriam hott ksunga zu eena: “Singet zumm Hah, fa eah is hohch uf kohva. Da gaul un sei reidah hott eah in da say kshmissa.”

Habakuk 3:1

En gebayt fumm brofayt Habakuk fa di unshuldicha.

Habakuk 3:18

doch zayl ich mich froiya deich da Hah, un zayl fraylich sei in Gott mei Frei-Shtellah.

Lukas 1:69

Eah hott en greftichi saylichkeit ufkshteld fa uns deich di nohch-kummashaft funn seim gnecht, da Dawfit.

Römer 5:11

Un nett yusht sell, avvah miah doon uns aw froiya in Gott deich unsah Hah Jesus Christus, deich deah es miah nau viddah zrikk gnumma vadda sinn.

5. Mosi 33:17

Sei hallichkeit is vi en eahsht-geboahranah bull, sei hanna sinn vi di hanna funn en vildah ox; mitt di hanna shtohst eah di heida, even so veit vekk es es veld end. Sei hanna sinn di dausends fumm Manasse, un di zeyya dausends fumm Ephraim.”

Philipper 3:3

Fa miah vo Gott deena im Geisht sinn di recht beshneidung. Miah sinn selli vo uns froiya in Jesus Christus, un falossa uns nett uf's flaysh.

Philipper 4:4

Froiyet eich immah im Hah, un ich sawk viddah, froiyet eich.

Philipper 4:6

Seind nett engshtlich veyyich ennich ebbes, avvah in alles deich bayda un ohhalda, un deich dank gevva, losset eiyah noht vissa gmacht sei zu Gott.

1. Petrus 1:8

deah vo diah nett ksenna hend, avvah doch leevet. Un even vann diah een noch nett sayna kennet, glawvet diah alsnoch, un froiyet eich mitt unshprechlichi un hallichi frayt,

Di Offenbarung 18:20

Froi dich ivvah see, Himmel, un diah saylichi un aposhtla un brofayda, fa Gott hott si kshtrohft fa vass si gedu hott zu eich!”

1. Samuel 1:6

Un di Peninnah hott see oahrich gretzt fa see zannich macha, veil da Hah di Hannah iahra muddahs-leib zu gmacht katt hott.

1. Samuel 1:7

Un so is es ganga yoah noch yoah. Alli-mohl es di Hannah nuff an's haus fumm Hah ganga is, hott di Peninnah see geblohkt biss see keild hott un's nett gedu hott fa essa.