1. Samuel 17:12 - Pennsylvania Dutch Bible

¹² Nau da Dawfit voah da boo funn en Ephrathiddah es Jesse kaysa hott, un es funn Bethlehem in Juda voah. Da Jesse hott acht boova katt un an di zeit fumm Saul voah eah shund ald un drovva in yoahra.

1. Samuel 17:12 Σταυροειδείς Αναφορές

1. Mosi 35:19

So is di Rachel kshtauva un is fagrawva vadda uf em vayk noch Ephrath, dess is nau Bethlehem.

2. Samuel 23:1

Dess sinn di letshti vadda fumm Dawfit: “Da Dawfit em Jesse sei boo, da mann es hohch ufkohva voah beim Alli-Haychshta, da mann es ksalbt voah bei da Gott fumm Jakob, da sees psaltah shreivah funn Israel:

Psalm 132:6

Gukk moll, miah henn keaht veyyich di Bundes-Lawt in Ephratha, miah henn see kfunna in di feldah funn Jaar,

Micha 5:2

“Avvah du, Bethlehem Ephratha, du bisht glay unnich di shtett fumm land Juda, doch aus diah zayld aynah raus kumma fa mich es Israel roola zayld. Sei ausgang voah funn vay zrikk, funn zrikk in di ayvichkeit.”

Matthäus 1:6

Da Jesse voah em Kaynich Dawfit sei daett. Da Kaynich Dawfit hott's veibsmensh gnumma es als em Uriah sei fraw voah. Si voahra em Solomon sei maemm un daett.

Matthäus 2:1

Vo Jesus geboahra voah in di shtatt funn Bethlehem in Judayya, an di zeit vo da Herodes kaynich voah, sinn samm mennah mitt feel veisheit funn di east an Jerusalem kumma.

Matthäus 2:6

‘Un du Bethlehem im land Judayya, du bisht nett's vennichsht funn di ivvah-saynah funn Judayya. Aus diah soll en govvenah geboahra sei es ivvah mei leit funn Israel sei zayld.’”

Ruth 1:2

Da nohma funn demm mann voah Elimelech, sei fraw iahra nohma voah Naomi un sei zvay boova iahra nayma voahra Mahlon un Chilion. Si voahra Ephraydah funn di shtatt Bethlehem im land Juda. Si sinn nunnah ganga in's land funn Moab un henn datt gvoond.

Ruth 4:17

Di nochbahshaft veibsleit henn eem en nohma gevva. Si henn ksawt, “En sohn is geboahra zu di Naomi.” No henn si een Obed kaysa. Eah is da faddah fumm Jesse vo da faddah fumm Dawfit voah.

Ruth 4:22

Da Obed voah em Jesse sei daett un da Jesse voah em Dawfit sei daett.

1. Samuel 1:1

Nau's voah en mann funn Ramathaim-Zophim in di hivla funn Ephraim es Elkana kaysa hott. Eah voah en Ephraimiddah. Eah voah em Jeroham sei boo, un da Jeroham voah em Elihu sei boo, un da Elihu voah em Thohu sei boo, un da Thohu voah em Zuph sei boo.

1. Samuel 16:1

Da Hah hott ksawt zumm Samuel, “Vee lang zaylsht du veina ivvah da Saul, siddah es ich een nunnah gedrayt habb fa kaynich sei ivvah Israel? Fill dei hann mitt ayl un gay; ich zayl dich zumm Jesse funn Bethlehem shikka, fa ich habb ayns funn sei boova raus glaysa fa mei kaynich sei.”

1. Samuel 16:18

No hott ayns funn di gnechta ksawt, “Heichet moll, ich habb ayns fumm Jesse funn Bethlehem sei boova ksenna, un eah kann di harf shpeela. Eah feicht sich nett un is en mechticha greeks-gnecht. Eah kann goot shvetza un is en goot-gukkichah mann. Un da Hah is bei eem.”

1. Samuel 17:11

Vo da Saul un gans Israel dee vadda keaht henn, voah's eena angsht un si henn sich oahrich kfeicht.

1. Samuel 17:58

Da Saul hott ksawt, “Vemm sei boo bisht du, yungah mann?” Da Dawfit hott ksawt, “Ich binn deim gnecht da Jesse funn Bethlehem sei boo.”