1. Samuel 10:3 - Pennsylvania Dutch Bible

³ Du solsht no on gay funn datt biss du an da aycha-bohm kumsht es Thabor hayst. Datt zayla drei mennah dich ohdreffa es am nuff zu Gott gay sinn an Beth-El. Aynah is am drei yungi gayslen drawwa, aynah is am drei layb broht drawwa un da annah is am en boddel mitt vei drawwa.

1. Samuel 10:3 Σταυροειδείς Αναφορές

1. Mosi 28:19

Eah hott sellah blatz Beth-El kaysa, avvah eahshtah hott selli shtatt Lus kaysa.

1. Mosi 28:22

Deah shtay es ich uf's end kshteld habb fa en ohdenkes-shtay zayld Gott sei haus sei, un funn alles es du miah gebsht zayl ich geviss en zeyyadel zu diah gevva.”

1. Mosi 35:1

No hott Gott ksawt zumm Jakob, “Risht dich un gay nuff an Beth-El un voon datt. Mach en awldah datt zu Gott, deah vo zu diah kumma is vo du am fatt shpringa voahsht funn deim broodah da Esau.”

1. Mosi 35:3

No kummet, miah zayla nuff an Beth-El gay. Datt vill ich en awldah bauwa zu Gott, deah vo mich keaht hott im dawk funn mei dreebsawl, un vo bei miah voah vo-evvah es ich anna ganga binn.”

Psalm 89:12

Di natt un di saut hosht du kshaffa, di Berga Thabor un Hermon singa ivvah dei nohma.

Jeremia 32:8

No grawt vi da Hah ksawt hott, is mei cousin da Hanameel zu miah kumma im foah-hohf un hott ksawt, ‘Kawf mei feld an Anathoth im land funn Benjamin. Siddah es es dei recht is fa's frei kawfa un's aykna, kawf's fa dich selvaht.’ No habb ich gvist es dess em Hah sei vatt is.

3. Mosi 1:10

Vann eah en opfah macht funn shohf adda gays fa en brand-opfah, dann muss es en bokk sei es nix letz is mitt.

3. Mosi 23:13

Un's shpeis-opfah soll drei gvoaht fei mayl sei es gmixt is mitt ayl, en opfah zumm Hah gmacht mitt feiyah fa en seesah kshmakk, un en drink-opfah funn ay gvoaht vei.

3. Mosi 3:12

Vann sei opfah en gays is, soll eah een opfahra fannich em Hah.

3. Mosi 3:6

Vann sei dank-opfah zumm Hah funn di shohf un gays is, soll eah en bokk adda en muddah diah opfahra es nix letz is mitt.

3. Mosi 7:13

Mitt em dank-opfah fa dankboah sei soll eah en opfah bringa funn kucha es gmacht sinn funn ksavvaht broht.

Joshua 19:12

Funn Sarid is di lein east ganga zu di lein funn Kisloth-Thabor un is no on ganga zu Dabrath un Japhia.

Joshua 19:22

Di lein is nivvah an Thabor un di shtett Sahazima un Beth-Semes ganga un hott kshtobt am Jordan. Es voahra sechtzay grohsi shtett mitt iahra glenni shtetlen.

Richtah 20:18

No sinn di Israeliddah nuff an Beth-El ganga. Datt henn si da Hah kfrohkt, “Velli shtamm soll seahsht nuff gay un fechta geyyich di leit funn Benjamin?” Da Hah hott ksawt, “Juda soll seahsht gay.”

Richtah 20:23

Eb sell sinn di Israeliddah nuff fannich da Hah ganga am heila biss sellah ohvet. Si henn kfrohkt, “Sella miah viddah nuff gay un fechta mitt unsah breedah, di leit funn Benjamin?” Da Hah hott ksawt, “Gaynd nuff geyyich si.”

Richtah 20:27

Di Israeliddah henn no viddah da Hah kfrohkt. (In selli dawwa voah di Bundes-Lawt datt,

Richtah 4:12

No henn si em Sisera ksawt es da Barak, em Abinoam sei boo, nuff ganga is an da Berg Thabor.

Richtah 4:6

Si hott kshikt fa da Barak, em Abinoam sei boo funn Kedes in Naphthali, un hott ksawt zu eem, “Heich moll, da Hah, da Gott funn Israel hott dess gebodda, ‘Gay un nemm zeyya dausend mennah funn Naphthali un Sebulon un fiah si nuff an da Berg Thabor.

Richtah 8:18

No hott da Gideon ksawt zumm Sebah un Zalmuna, “Vass fa mennah voahra sell es diah doht gmacht hend an Thabor?” Si henn ksawt, “Si voahra grawt vi du, shay un vi kaynich's kinnah.”

1. Samuel 10:4

Si zayla dich freindlich ohdreffa un diah zvay layb broht ohbeeda, un du solsht si nemma funn eena.