1. Kaynicha 7:2 - Pennsylvania Dutch Bible

² Eah hott aw's Haus fumm Bush funn Lebanon gebaut un hott's en hunnaht un fuftzich foos lang gmacht, fimf un sivvatzich foos brayt un fimf un fatzich foos hohch. Es voahra fiah roiya grohsi cedar poshta am shtay mitt cedar balka ovva druff.

1. Kaynicha 7:2 Σταυροειδείς Αναφορές

1. Kaynicha 10:17

Eah hott aw drei hunnaht glenni shields macha glost aus drei un drei-faddel pund kemmaht gold fa yaydah shield. Da kaynich hott si in's kaynich-haus gedu im Bush funn Lebanon.

1. Kaynicha 10:21

Em Kaynich Solomon sei drink-koblen voahra awl gmacht funn gold, un awl's ksha im Lebanon Bush Haus voah gmacht funn gold. Nix voah gmacht funn silvah veil silvah nett feel veaht voah im Solomon sei dawk.

1. Kaynicha 7:3

Di seit shtubba voahra gleind mitt cedar ovvich di balka es uf di poshta kokt henn. Es voahra fimf un fatzich poshta, fuftzay in yaydah roi.

1. Kaynicha 9:1

Vo da Solomon faddich voah da tempel fumm Hah un's kaynich-haus bauwa, un aw faddich voah alles du es eah im sinn katt hott,

1. Kaynicha 9:19

un awl sei shtett fa frucht shtoahra, un shtett fa sei geil un veyya. Vass-evvah es kfellich voah zu eem, hott eah gebaut in Jerusalem, Lebanon un gans deich's land es eah kaynich voah drivvah.

2. Chronik 9:16

Eah hott aw drei hunnaht glenni shields macha glost aus drei un drei-faddel pund kemmaht gold fa yaydah shield. Da kaynich hott si in's Kaynich-haus fumm Lebanon Bush gedu.

Hohches Leet 7:4

Dei hals is vi en rundah tavvah gmacht funn ivory. Dei awwa sinn vi di vassah-lechah funn Hesbon am Bathrabbim doah. Dei naws is vi da rund tavvah funn Lebanon es geyyich Damascus gukt.

Jesoiya 22:8

Juda is gans abgedekt un kann sich nett selvaht helfa. An selli zeit hend diah eich falossa uf's greeks-ksha im Haus im Bush.