Матфей 28:6 - Од Соткс Новый Завет на мордовском-мокша языке 2016

⁶ Сон тяса аш, Сон вельмась, кода и корхтась. Маладода и ваность вастть, коса ащесь Азорсь.

Матфей 28:6 Σταυροειδείς Αναφορές

Матфей 12:40

Кода Иона ульсь оцю калть потмоса колма шит и колма вет, стане Ломанень Цёраське ули модать потмоса колма шит и колма вет.

Матфей 16:21

Ся пингста сявомок Иисус апак сёпт кармась азондома тонафниензонды: Тейнза сави молемс Иерусалиму и кирдемс лама маятамада ломаньтналонь оцюнятнень, озксвятиень оцюнятнень и койти тонафтыхнень эзда, и Сон ули шавф, а колмоце шиня вельмай кулофста.

Матфей 17:23

и синь шавсазь Сонь, но колмоце шиня Сон вельмай кулофста». Тонафнихне прасть оцю ризфс.

Матфей 17:9

Пандть пряста валгомста Иисус кардазень тонафниензон: «Киндивок тяда азонда, мезе няеде, мзярс Ломанень Цёрась аф вельмай кулофста».

Матфей 20:19

и макссазь лия тналонь ломаттненди сялдомс, локшеса пикссемс и крёз лангс шавомс; и колмоце шиня Сон вельмай кулофста».

Матфей 27:63

и мярьгсть: «Азор! Минь лятфтаськ, кода тя васькафнись нинге шиса улемстонза мярьгсь: "Колма шида меле Мон вельман".

Марк 16:6

Од цёрась корхтай тейст: «Тяда пеле. Тинь вешендьсасть Назаретонь Иисусть, конань эськодезь крёз лангс. Сон вельмась, Сон аш тяса. Вага ся вастсь, коза Сон путфоль.

Марк 8:31

Иисус ушедсь тонафтома эсост: «Ломанень Цёрати сави лама маятамс. Сонь эздонза потайхть ломаньтналонь оцюнятне, озксвятиень оцюнятне и койти тонафтыхне. Сонь шавсазь, но колмоце шиня Сон вельмай кулофста».

Лука 24:12

Но Пётр ласькозь тусь калмоти. Тоса сон комась, варжакстсь потму и няезень аньцек иляназонь котфнень. Сон мрдась меки, и пяк дивандась сянди, мезе лиссь.

Лука 24:23

и ашезь му тоста Сонь ловажанц. Мрдамста азондозь, кода тейст эвондасть ангелхт, конат корхтасть: Иисус шиса.

Лука 24:44

Иисус мярьгсь тейст: «Вага кодама смузьсна ся валхнень, конатнень Мон азондыне тейнть нинге мархтонт улемста. Пяшкодевома семботи, мезе тяштьф колган Моисеень койса, пророкнень книгасост и Псалтирьса».

Иоанн 10:17

Алязе кельгсамань Монь сяс, мес Мон максса Эсь эряфозень меки эряфозень сявоманкса.

Иоанн 2:19

Иисус мярьгсь тейст: «Калафтость тя Шкаень кудть, и Мон колма шиста путса сонь меки».

Апостолхнень тевсна 2:24

Но Шкайсь вельмафтозе Сонь кулофнень эзда и сязезень куломань уськнень, сяс мес куломати аф вийс коре ульсь Сонь кирдемс кядялонза.