Матфей 23:23 - Од Соткс Новый Завет на мордовском-мокша языке 2016

²³ Кальдяв тейнть, койти тонафтыхть и фарисейхть! Шамафксонь каннихть! Тинь макссесасть Шкайти кемонце пяльксть ярхцама тишетнень эзда: путлекста, капёрста, камбраздишеста, а койста инь эрявиксть юкснесасть – видешить, кельгозь ужяльдемать, Шкаень мялень ваномать. Тявок эряви тиемс, и сяньге колга аф юкснемс.

Матфей 23:23 Σταυροειδείς Αναφορές

Матфей 12:7

Сёрматфксса азф: "Мон учан эздонт кельгозь ужяльдема, а аф озксказнень каннема". Кда тинь шарьхкоделесть ня валхнень смузьснон, эста афолесть суденда аф муворуфнень.

Матфей 23:13

«Кальдяв тейнть, койти тонафтыхть и фарисейхть! Шамафксонь каннихть! Тинь сёлгондсасть ломаттнень эзда Менелень Оцязорксшить. Тинцьке аф сувсетяда и сятненьге, кинь мяльсна сувамс, аф нолясасть.

Матфей 9:13

Арда шарьхкодесть, кодама смузь кандыхть Сёрматфксонь ня валхне: "Мон учан эздонт кельгозь ужяльдема, а аф озксказнень каннема". Мон сань пежу ломаттнень Шкайти шарфтоманкса, а аф видексшиса эряйхнень».

Лука 11:42

Кальдяв тейнть, фарисейхть, сяс мес тинь макссесасть кемонце пяльксть мятаста, рута тишеста и перень лия сёроста, а видешить и Шкайти кельгомать колга юкснесасть! Тявок эряви тиемс, тонавок аф эряви юкснемс.

Лука 18:12

Поставан недяляти кафксть, макссеса кемонце пяльксть сембостон, мезе сатнян".