Матфей 18:9 - Од Соткс Новый Завет на мордовском-мокша языке 2016

⁹ И кда сельмоце вяттянза пежес, таргак сонь и ёрдак. Сувамс пефтома пингонь эряфти фкя сельмоса сяда цебярь ули тейть сянь коряс, кда кафцьке сельмотнень мархта улят ёрдаф адонь толти».

Матфей 18:9 Σταυροειδείς Αναφορές

Матфей 16:26

Кодама лезкс ули ломанти, кда сон сявондярясы эстейнза сембе масторлангть, а эсь ваймонц юмафтсы? Али мезе максы ломанць эсь ваймонц мрдафтоманкса?

Матфей 18:8

Кда тонь кядце али пильгце вяттянза пежес, керк сонь и ёрдак, сяс мес сувамс пефтома пингонь эряфти кядьфтома али пильгфтома сяда цебярь ули тейть сянь коряс, кда кафта кядьса и кафта пильгса улят ёрдаф адонь толти.

Матфей 19:17

Иисус корхтай тейнза: «Мес Монь кизефнесамак пара тевонь колга? Шкайсь ськамонза цебярь. Кда ули мяльце сувамс пефтома пингонь эряфти, эста ванфтыть кошардомвалхнень».

Матфей 5:22

А Мон корхтан тейнть: эрсь, кие туфталфтома кяжиякшни кемай ялганц лангс, ся ули судендаф; кие мярьги кемай ялганц лангс: "Шава пря", ся судендави Оцю пуромксса; а кие мярьги: "Ёньфтома", ся пови адонь толти.

Матфей 5:29

Кда види сельмоце вяттянза пежес, таргак сонь и ёрдак; тейть сяда пара ули, кда юмай ронгцень пяльксоц, а аф сембе ронгце ули ёрдаф аду.

Марк 9:47

Кьда тонь сельмоце вяттянза пежес, таргак сонь: тейть сяда пара ули фкя сельмоса сувамс Шкайть Оцязорксшизонза, адонь толти кафцьке сельмоса ёрдамать коряс,

Апостолхнень тевсна 14:22

Сембе вастова синь кемокснезь тонафнихнень ваймопожфснон, тонафтозь ванфтомс кемамаснон, корхтасть: «Лама маятама вельде тейнек сувама Шкаень Оцязорксшити».

Еврейхненди сёрмась 4:11

Сяс сембе вийсонк варжасаськ сувамс ся ваймама вастти: афоль иляда кие пяле ки лангс, молезь сяка аф кулхцондомать мельге.

Иоаннонди панчф няйфкс 21:27

И аф сувави тоза мезевок аф ару, аф сувави тоза кивок туткоткс и васькафнемань тевонь тии. Сувайхть аньцек сят, конатнень лемсна сёрматфт Верозть эряфонь книгазонза.