Иоаннонь васенце сёрмац 5:4 - Од Соткс Новый Завет на мордовском-мокша языке 2016

⁴ Вдь эрь ломанць, кона шачсь Шкайть эзда, сяськсы тя пежу масторлангть. И тя вийсь, кона сяськозе масторлангть, – минь кемаманьке.

Иоаннонь васенце сёрмац 5:4 Σταυροειδείς Αναφορές

Иоанн 1:13

конат шачсть аф вер эзда, афи ронга, афи мирдень мяльста-арьсемаста, а Шкайть эзда.

Иоанн 16:33

Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Иоанн 3:3

Иисус каршезонза пшкядсь: «Видеста корхтан тейть: кие аф шачи одукс, вярде, сянди аф няеви Шкаень Оцязорксшись».

Павелонь васенце сёрмац Коринфу 15:57

Сюконяма Шкайти, кона Иисус Христос Азороньконь вельде макссь тейнек сяськома!

Иоаннонь васенце сёрмац 2:29

Кда тинь содасасть: Сон фалу тиенди видексшить коряс, эста содасасть тяньге: кие эряй видексшить коряс, ся шачф Шкайть эзда.

Иоаннонь васенце сёрмац 3:9

Кие шачф Шкайть эзда, ся аф тиенди пеже, вдь сонь эсонза эряй-ащи Шкаень видьмось. Сон афи сувави пежес, сяс мес сон шачф Шкайть эзда.

Иоаннонь васенце сёрмац 4:4

Идне, тинь Шкайть эзда и тинь сяськость тона аф афкуксонь пророкнень. Вдь Ся, кона тинь эсонт, сяда оцю ся ваймопожфть коряс, кона эряй масторлангонь пежу ломаттнень эса.

Иоаннонь васенце сёрмац 5:1

Эрсь, кие кемай: Иисус – тя Христоссь, ся шачф Шкайть эзда. И кие кельгсы Алять, ся кельгсы Сонь эздонза Шачфтьке.

Иоаннонь васенце сёрмац 5:18

Минь содасаськ: эрсь, кие шачсь Шкайть эзда, аф тии пеже. Шкайть эзда шачфсь ванфтсы эсь прянц, и Кальдявсь аф токасы тяфтама ломанть.

Иоаннонь васенце сёрмац 5:5

Кие ина сяськсы тя масторлангть? Ся, кие кемай: Иисуссь – Шкаень Цёра.

Иоаннонди панчф няйфкс 12:11

Синь сяськозь сонь Верозть верса и Шкаень валть пачфнемаса. Синь, нльне, эсь эряфснон аноктольхть максомс, аф пелемок куломать эзда.

Иоаннонди панчф няйфкс 15:2

Мон няень бта тол мархта шоряф клянцеконь оцюведь. Клянцеконь оцюведть лангса ащесть сят, кит сяськозь кяжи жуватать, сонь ликонц и сонь тяштьфксонц, кона няфневсь лемонц числаса. Синь кядьсост кирдсть арфат

Иоаннонди панчф няйфкс 2:11

Кинь улихть пиленза – кулеза, мезе Ваймопожфсь корхтай кемаень пуромксненди. Кие сяськи, сянди омбоце куломась зиян аф тии"».

Иоаннонди панчф няйфкс 2:17

Кинь улихть пиленза – кулеза, мезе Ваймопожфсь корхтай кемаень пуромксненди. Сяськити максан ярхцамс салавашинь маннада и максан акша кевня, конань лангса ули сёрматф од лем. Тя лемть кивок аф содасы, ся ломаньда башка, кинди максови кевнясь"».

Иоаннонди панчф няйфкс 2:26

Ся, кие сяськи и петь самс кармай тиендема Монь мялезень коряс, сянди Мон максан азорксши лия тналонь ломаттнень лангса.

Иоаннонди панчф няйфкс 2:7

Кинь улихть пиленза – кулеза, мезе Ваймопожфсь корхтай кемаень пуромксненди. Сяськити максан ярхцамс иможда эряфонь шуфтть эзда, кона касы Шкайть райсонза"».

Иоаннонди панчф няйфкс 3:12

Сяськить Мон тиса вельхксонь кирди нежекс Шкаезень кудса, и сон иляды тоса пефтома пингс. Мон сёрмадса сонь лангозонза Шкаезень лемонц и Шкаезень ошенц лемонц – од Иерусалимть, кона валгонды менельста Шкаезень эзда, сёрмадса и Эсь од лемозень.

Иоаннонди панчф няйфкс 3:21

Кие сяськи, сянди мярьган озамс Монь мархтон оцязоронь озама вастозон. Тяфта Монга, сяськомок, озань Алязень мархта оцязоронь озама вастозонза.

Иоаннонди панчф няйфкс 3:5

Кие сяськи, сянь щасазь акша щамса, и Мон аф нардаса сонь лемонц эрямань книгаста. Мон лувса сонь Монценнекс Алязень и Сонь ангелонзон инголе.