Иоаннонди панчф няйфкс 2:10 - Од Соткс Новый Завет на мордовском-мокша языке 2016

¹⁰ Тят пеле сянь эзда, мезе тейть сави кирдемс. Ламотнень эздонт идемэвозсь ёрдасыне пякстамгуду. Тя ули тейнть кемамань варжамакс. Кемонь шит кармайхть люпштама эсонт, но сяка, тяк кадонда кемамацень, кда мянь сави куломс. И эста, кода сяськити, Мон максса тейть эряфонь каштазть.

Иоаннонди панчф няйфкс 2:10 Σταυροειδείς Αναφορές

Матфей 10:22

Монь лемозень инкса кивок аф кармай кельгомонт, но кие кирди петь самс, ся идеви.

Матфей 10:28

И тяда пеле ронгонь машфтыда, тейст аф токави тинь ваймонте; а пеледа Сянь эзда, кона машты ваймотьке и ронгтьке юмафтомс-арафтомс адса.

Матфей 24:13

А кие кирди петь самс, ся идеви.

Марк 13:13

Монь лемозень инкса кивок аф кармай кельгомонт; но кие кирди петь самс, ся идеви».

Марк 8:35

Сяс мес кие ёрай ванфтомс эсь эряфонц, ся юмафтсы сонь, а кие юмафтсы эряфонц Монь инксон и Пара кулять инкса, ся ванфтсы сонь.

Лука 21:12

Семботь тянь улемда инголе кармайхть кунцемонт тинь, Монь инксон панцемонт, макссемонт синагогас и пякстамгудга, и вяттядязь оцязорхнень и оцюнятнень инголи;

Иоанн 12:25

Кие кельгсы эсь эряфонц, юмафтсы сонь; а тя масторлангса эсь эряфонь аф кельгись ванфтсы сонь пефтома эряфти.

Иоанн 13:2

Иисус и тонафниенза ётафтозь илядень ярхцамаснон-симомаснон. И идемэвозсь сувафтсь ни Иудать, Симон Искариотонь цёранц седис мяль мимс Иисусть.

Иоанн 13:27

И тя кши сускомть сявомда меле Иудань потмос сувась Сатанась. Эста Иисус мярьгсь Иудати: «Мезе срхксят тиемс, тик ни куроконе».

Апостолхнень тевсна 20:24

Но мон мезькска аф путса эсь эряфозень, аньцек максоза тейне Шкайсь кеняртьксонь марязь шумордамс кизень и покодемазень, конань сявине Иисус Азорть эзда: азондомс Пара кулять Шкаень пароказнеть колга.

Апостолхнень тевсна 21:13

Тянь каршес Павел мярьгсь: «Месенттяда? Мес аварттяда и сязендьсасть седиезень? Мон анокан аф аньцек кирдемс пякстамгудть, но и куломс Иерусалимса Иисус Азороньконь лемонц инкса».

Павелонь васенце сёрмац Коринфу 9:25

Эрь пялькстайсь лама вий путни сяськомас анокламати. Синь тиендьсазь тянь казненкса – каштазонкса, кона пужи и наксады. А минь ёратама сатомс мзярдонга аф пужи каштазть.

Павелонь сёрмац Ефесу 2:2

Синь эсост тинь эряде тя масторлангонь кяжи обуцятнень коряс, максседе пря менель алдонь азорти, ваймопожфти, кона тянивок азорондай сятнень лангса, кие аф кулхцондсы Шкайть.

Павелонь сёрмац Ефесу 6:12

Сяс мес минь тюреманьке аф ломаттнень каршек, а кяжи ваймопожфонь оцюнятнень и азорхнень каршек, шобда вийхнень каршек, конат азорондайхть тя шобда пингонь масторлангса, и вярдень кяжи ваймопожфнень каршек.

Иаковонь сёрмац 1:12

Павазу ся ломанць, кона ётась сталмотнень-варчсематнень пачк, сяс мес пачкаст ётайти максови эряфонь каштазсь, конань Азорсь надияфтозе сятненди, кит кельгсазь Сонь.

Пёторонь васенце сёрмац 5:4

И мзярда сай Инь Оцю Ванысь, эста тейнть максови иневалдонь аф пужи каштазсь.

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Иоаннонди панчф няйфкс 13:14

Сон васькафнесыне масторлангонь эряйхнень ня дивань тефнень вельде, конатнень тейнза максозь тиендемс васенце кяжи жуватать лемста. Сон кошярясыне масторлангонь эряйхнень тиемс васенце кяжи жуватать ликонц, кона куломс керфоль торса, но эреклась.

Иоаннонди панчф няйфкс 13:2

Кяжи жуватась, конань мон няине, шарсь леопардонь лангс, но пильгонза ульсть кода офтоннет, и кургоц – кода лефонь. Драконць максозе тейнза эсь виенц, оцязоронь озама вастонц и оцюдонга оцю азорксши.

Иоаннонди панчф няйфкс 13:7

Тейнза максфоль тюремс Шкаень ломаттнень мархта и сяськомс синь, и максфоль азорондамс эрь юромть, ломаньтналть, кяльть и масторть лангса.

Иоаннонди панчф няйфкс 17:14

Синь кармайхть тюрема Верозть каршес, и Верозсь сяськсыне синь, сяс мес Сон азорхнень Азорсна и оцязорхнень Оцязорсна, и марса Сонь мархтонза улихть тертьфне, кочкафне и Тейнза кемайхне».

Иоаннонди панчф няйфкс 2:13

Мон содасайне тонь тефнень, и содаса, тон эрят тоса, коса кемокстазе озама вастонц Сатанась. Но тон ванфтсак Монь лемозень и ашеть лотка Тейне кемамда нльне эстонга, мзярда тинь ошсонт, коса эряй Сатанась, ульсь шавф Антипа, седи ваксста Монь колган азондысь.

Иоаннонди панчф няйфкс 2:9

Мон содасайне тонь тефнень, тонь маятаматнень и ашушицень (хуш афкукс тон козят). Содаса сяньге, кода тонь эсот сялдыхть сят, конат эсь пряснон лувсазь еврейкс, но синь аф еврейхть, а Сатанань пуромкс.