Иоаннонди панчф няйфкс 14:8 - Од Соткс Новый Завет на мордовском-мокша языке 2016

⁸ Сянь мельге лийсь тага фкя ангел и корхтась: «Прась, прась Вавилонць, оцюдонга оцю ошсь, сяс мес сон симдезень сембе ломаньтналхнень усксевомань кяжи винадонза».

Иоаннонди панчф няйфкс 14:8 Σταυροειδείς Αναφορές

Иоаннонди панчф няйфкс 11:8

Синь ловажаснон кадсазь оцюдонга оцю ошень ульцяса, коса эськотьфоль минь Азороньке. Тя ошть пророкне лемнесазь Содом али Египет.

Иоаннонди панчф няйфкс 16:19

И оцю ошсь колавсь колма пяльксова, и лия ломаньтналхнень ошсна срадсть. Шкайсь ашезе юкста оцюдонга оцю Вавилонть колга, и Вавилонти савсь симомс кядьгось, кона пяшкотьфоль Шкаень кяжса лакай винада.

Иоаннонди панчф няйфкс 17:18

А авась, конань тон няить, тя оцюдонга оцю ош, кона азорондай масторлангонь сембе оцязорхнень лангса».

Иоаннонди панчф няйфкс 19:2

сяс мес видексшинь и афкуксонь Сонь судонза: Сон судендазе ся инь оцю усксеви авать, кона наксафнезе масторть эсь усксевомасонза. Шкайсь пантфтозе кядьстонза шумоть Эсь покодиензон верснон инкса».