Иоаннонди панчф няйфкс 13:1 - Од Соткс Новый Завет на мордовском-мокша языке 2016

¹ Мон стянь оцюведть шувару трванц лангс, и няине, кода оцюведьста кеподсь сисем пря мархта и кемонь сюра мархта кяжи жувата. Сюронзон лангса оцязоронь кемонь каштаст, а прянзон лангса – Шкаень сялдома лепт.

Иоаннонди панчф няйфкс 13:1 Σταυροειδείς Αναφορές

Иоаннонди панчф няйфкс 11:7

Мзярда синь аделасазь пачфнемс Шкайть эзда максф валть, потмаксфтома томбаста кеподи кяжи жувата; сон кармай тюрема мархтост, сяськсыне синь и шавсыне.

Иоаннонди панчф няйфкс 12:3

Менельса эвондась дивань лия тяштькс: мон няень кабаконашка толу-якстерь дракон, кона ульсь сисем пря и кемонь сюра мархта, и прянзон лангса – сисем оцязоронь каштаст.

Иоаннонди панчф няйфкс 13:11

Меле мон няень лия кяжи жувата, кона кеподсь модаста. Сонь ульсть кафта сюронза, конат шаркстсть верозоннетнень лангс, но сон корхтась кода дракон.

Иоаннонди панчф няйфкс 13:14

Сон васькафнесыне масторлангонь эряйхнень ня дивань тефнень вельде, конатнень тейнза максозь тиендемс васенце кяжи жуватать лемста. Сон кошярясыне масторлангонь эряйхнень тиемс васенце кяжи жуватать ликонц, кона куломс керфоль торса, но эреклась.

Иоаннонди панчф няйфкс 13:15

Тейнза максфоль уфамс эряф васенце жуватать ликонцты, ся корхтазеволь и тиель стане: сембе, кит аф сюконяйхть васенце кяжи жуватать ликонцты, улельхть шавфт.

Иоаннонди панчф няйфкс 15:2

Мон няень бта тол мархта шоряф клянцеконь оцюведь. Клянцеконь оцюведть лангса ащесть сят, кит сяськозь кяжи жуватать, сонь ликонц и сонь тяштьфксонц, кона няфневсь лемонц числаса. Синь кядьсост кирдсть арфат

Иоаннонди панчф няйфкс 16:13

Тяда меле мон няине, кода драконть, кяжи жуватать и аф афкуксонь пророкть кургста лиссть колма аф ару ваймопожфт, конат няемас коря ульсть бта ватракшт.

Иоаннонди панчф няйфкс 17:16

Кемонь сюротне, конатнень тон няить кяжи жуватать лангса, лаказевихть кяжса усксеви авать лангс и срафтсазь-калафтсазь сонь, кадсазь крхтапа, сивсазь сонь ронгонц, а сонцень плхтасазь толса.

Иоаннонди панчф няйфкс 17:3

Ня валда меле мон повонь Ваймопожфть кядялу, и ангелсь кандомань монь шавмодав. Тоса мон няень ава, кона озафоль шобда-якстерь кяжи жуватать лангса. Кяжи жуватать марнек ронгоц вельхтяфоль Шкаень сялды лемса и сонь ульсть сисем прянза и кемонь сюронза.

Иоаннонди панчф няйфкс 17:5

Конясонза тяштьфоль лем, конань ульсь кяшф смузец: «Инь оцю Вавилонць, усксевихнень и масторлангонь туткотксшитнень тядясна».

Иоаннонди панчф няйфкс 19:19

И мон няине кяжи жуватать и масторлангонь оцязорхнень, и синь ушмовийснон. Синь пуромфтольхть марс и срхкафнесть тюрема алаша лангса Ластять и Сонь ушмовиенц каршес.