Павелонь омбоце сёрмац Коринфу 12:15 - Од Соткс Новый Завет на мордовском-мокша языке 2016

¹⁵ Тинь инксонт мон оцю мяльса максса сембозень, мезезе ули, мянь эсь прязеньге. Тянь тиса, сяс мес пяк кельктядязь тинь, но мес тинь тяшкава кржа кельгсамасть монь?

Павелонь омбоце сёрмац Коринфу 12:15 Σταυροειδείς Αναφορές

Павелонь васенце сёрмац Фессалоникав 2:8

Минь сяшкава кельктядязь тинь, мянь улеме анокт максомс тейнть аф аньцек Шкаень Пара кулять, но эсь эряфоньконьге: сяшкава питникс тинь араде тейнек.

Павелонь сёрмац Филиппав 2:17

Но кда тейне сави максомс эсь прязень озксказнекс тинь озксказнентень мархта, конань тинь кандсасть Шкайти эсь кемамантень вельде, эстонга карман кеняртькшнема и кеняртькшнема тинь сембонь мархтонт.

Павелонь омбоце сёрмац Коринфу 1:6

Ся стакашитне, конатнень минь кирдьсаськ – улихть тейнть ваймафтоманди-кемокстаманди и идеманди. А мзярда тейнек максови ваймама-кемокстама – тявок моли тейнть ваймафтоманди-кемокстаманди. Тя лезды тейнть кемоста кирдемс сембе ся сталмотнень, конатнень миньге кирдьсаськ.

Павелонь сёрмац Колоссав 1:24

Тяни мон кеняртькшнян сянди, мес тинь инксонт кирдян маятамат. Мон эсь ронгозень вельде пяшкотькшнеса сянь, мезе нинге аф сатни Христость маятамасонза. Тянь мон тиса Сонь ронгонц инкса, лиякс мярьгомс, кемаень пуромксть инкса.

Павелонь омбоце сёрмац Тимофеенди 2:10

Сяс мон анокан кирдемс сембе сталмотнень Шкаень кочкафнень инкса, катк синьге идевихть Христос Иисусса и сатсазь пефтома эряфонь иневалдть.

Павелонь омбоце сёрмац Коринфу 2:3

Вага, мон сёрмадыне тейнть ингольдень сёрмать сяс, мес монь аш мялезе самстон колсемс седиезень сятнень инкса, конатнень инкса эряволь кеняртькшнемс. Мон пяк надиян: монь кенярдемазе – тя сембонь тиньге кенярдеманте.

Еврейхненди сёрмась 13:17

Кулхцондода эсь вятиентень эса и уледа сятявкс мархтост. Вдь синь шинек-венек пичедихть-канзедихть тинь ваймонтень инкса, сяс мес тейст сави тинь инксонт корхтамс Шкайть инголе. Катк синь тиендьсазь тянь кеняртькс потмоса, а аф куфцезь. Вдь тя аф лезды тейнть.

Павелонь омбоце сёрмац Коринфу 12:14

Вага, мон тяни колмоцеда срхкан ширезонт, и тянинге аф улян тейнть сталмокс. Вдь тейне аф эрявихть тинь ярмаконте-уликсшинте, тейне эряфтада тинь тинць! Аф иттне кочксесазь уликс-пароть тядяснонды-аляснонды, меколанкт, тядясна-алясна – иттненди.

Павелонь омбоце сёрмац Коринфу 12:9

Но Сон мярьгсь тейне: «Тейть саты Монь пароказнедон. Монь виезе сембода лац няфневи лафчашиса». И сяс мон кенярдезь шнаян пря лафчашинень мархта, улеза-эряза эсон Христость виец.

Павелонь омбоце сёрмац Коринфу 1:14

кода ни ушедоде шарьхкодемонк. Эста, Иисус Азороньконь сама шистонза, тинь карматада шнафтома пря минь эсонк, кода миньге шнатама пря тинь эсонт.

Павелонь омбоце сёрмац Коринфу 7:3

Мон тянь корхтаса тейнть аф апрякамга. Мон тяда инголенге корхтань тейнть: тинь минь седисонк, минь мархтонт марсотама куломасонга, эрямасонга.

Павелонь сёрмац Галатияв 4:10

Тинь лувонттада-тяштькснетяда шит, кофт, пинкт и кизот, арьсемок: тяфта тинь покоттяда Шкайти!

Павелонь сёрмац Риму 9:3

ялганень – фкя веронь ломаннень инкса! Сяда пароль эстейне улемс вастозост сюдофокс и Христость эзда явфокс.

Павелонь омбоце сёрмац Коринфу 7:2

Тялькфтомасть минь эсь седиезонт. Минь киндинге ашеме тие кальдяв, киндинге ашеме канда зиян и киньге эзда мезевок ашеме веше эстейнек.

Павелонь омбоце сёрмац Коринфу 11:11

Мес ина мон тяфта тиендян? Пади арьсетяда, мон аф кельктядязь тинь? Шкайсь содасы, мон кельктядязь тинь! Но мон сяда товга карман тиендема стане, кода тиендень,

Павелонь омбоце сёрмац Коринфу 4:12

Лисенди, минь эсонк эсь покодеманц тиендьсы куломась, а тинь эсонт – эрямась.