Павелонь омбоце сёрмац Коринфу 1:22 - Од Соткс Новый Завет на мордовском-мокша языке 2016

²² Сон тяштькстамазь минь Эсь тяштькссонза и максозе Эсь Ваймопожфонц минь седиезонк. Ваймопожфть вельде минь кемоста содасаськ: Сон макссы тейнек сянь, мезе надияфтсь максомс.

Павелонь омбоце сёрмац Коринфу 1:22 Σταυροειδείς Αναφορές

Иоанн 3:33

Кие путсы седизонза Сонь азондоманц, ся кемокстасы: Шкайсь корхтасы видеть.

Иоанн 6:27

Прафтода аф ся ярхцамбяльти, кона коли, а ся ярхцамбяльти, кона аф коли и максы пефтома эряф. Тянь казьсы тейнть Ломанень Цёрась; вдь Алясь, Шкайсь, путозе Эсь тяштьксонц Ломанень Цёрать лангс».

Павелонь сёрмац Риму 4:11

Киськопень керфтомась ульсь кода тяштькс, кона няфтезе сонь видексшинц, кона максфоль тейнза кемаманц инкса керфтомада инголе. Тяфта сон арась алякс сембе аф керф кемайхненди, конатнень Шкайсь лувсыне видексшинь ломанькс кемамаснон инкса.

Павелонь сёрмац Риму 8:23

И аф аньцек сон, но и миньге, кинди максф Ваймопожфсь, кода Шкайть эзда васенце казнесь. Минь потмова куфцетяма, учсемок идькс арамать и ронгоньконь идеманц.

Павелонь сёрмац Риму 8:9

Но тинь вдь эрятада аф колаф обуцянтень коряс, а Ваймопожфть коряс, кда аньцек Шкаень Ваймопожфсь эряй эсонт. А кинь эсонза аш Христость Ваймопожфоц, ся аф Сонне.

Павелонь омбоце сёрмац Коринфу 5:5

Вчёк тянкса Сонць Шкайсь тиемазь минь и максозе тейнек Эсь Ваймопожфонц, конань вельде минь кемоста содасаськ: Сон макссы тейнек сянь, мезе надияфтсь максомс.

Павелонь сёрмац Ефесу 4:30

И тясть пичефте Шкайть Иняру Ваймопожфонц, конаса тинь тяштькстафтада Шкаень ломанькс идемань шить самс.

Павелонь васенце сёрмац Фессалоникав 4:8

Тяфта, кие шарфты тя тонафтомать эзда, ся аф ломанть эзда шарфты, а Шкайть, кона максозе тейнек Эсь Иняру Ваймопожфонц.

Павелонь омбоце сёрмац Тимофеенди 2:19

Но юрсь, конань путозе Шкайсь, ащи кемоста и сонь лангсонза сёрматф: «Азорсь содасыне Эсензон»; и: «Катк туй кальдявть эзда эрсь, кие кунцесы Азорть лемонц».

Иоаннонди панчф няйфкс 2:17

Кинь улихть пиленза – кулеза, мезе Ваймопожфсь корхтай кемаень пуромксненди. Сяськити максан ярхцамс салавашинь маннада и максан акша кевня, конань лангса ули сёрматф од лем. Тя лемть кивок аф содасы, ся ломаньда башка, кинди максови кевнясь"».

Иоаннонди панчф няйфкс 7:3

«Тяда тиенде кальдяв аф модати, аф оцюведти, аф шуфттненди, мзярс аф путтама тяштькс Шкаеньконь эрь покодиенц коняс».

Иоаннонди панчф няйфкс 9:4

Тейст азфоль, афольхть тие кальдяв аф модалангонь тишети, аф кодамовок сянгяряти, аф кодамовок шуфтти, но аньцек ся ломаттненди, конатнень конясост аш Шкайть тяштьфксоц.