रोमियों 8:27 - परमेस्वर को सच्चो वचन

²⁷ और मन कै परखन बारो जानथै कि आत्मा की का मरजी है? काहैकि बौ पवित्र आदमिन के ताहीं परमेस्वर की इच्छा से बिनती करथै।

राना थारु नयाँ नियम

²⁷ परमेश्वर, जो आदमीनको हृदय जानन बारो हए, बा पबित्र आत्माको बिचार फिर जानत हए, काहेकी बा पबित्र आदमीनके ताहीं परमेश्वरके इच्छाके अनुसार पुकारा करत हए।

रोमियों 8:27 Σταυροειδείς Αναφορές

मत्ती 6:8

तौ तुम उनके हानी मत बनौ, काहैकि तुमरो परम दऊवा तुमरे माँगन से पहलिये जानथै, कि तुमकै का जरुरत है।

लूका 16:15

ईसु उनसे कहथै, तुम बे हौ जो खुदकै दुसरे लोगन की नजर मैं सई ठहराथौ, लेकिन परमेस्वर तुमरे नफरत भरे मन कै जानथै। और चीज परमेस्वर की नजर मैं खास है, बौ चीज परमेस्वर की नजर मैं कुछ न है।

यूहन्ना 14:13

जो कछु तुम मेरे नाओं से माँगैगे, बहे मैं करंगो कि बालक के जरिये दऊवा की महिमा होबै।

यूहन्ना 21:17

फिर बौ तिसरी बार बासे कही, “सिमौन, यूहन्ना को लौड़ा, का तैं मोसे प्यार करथै?” पतरस को मोहों लटक गौ ऐसे करकै कि ईसु बासे तिसरी बार ऐसो कही, “कि का तैं मोसे प्यार करथै?” फिर ईसु से कही, “प्रभु, तैं तौ सब कछु जानथै; तैं जहो जानथै कि मैं तोसे प्यार करथौं।” ईसु बासे कही, “मेरी भेंड़न की रखबारी कर।

प्रेरित 1:24

फिर बे प्रार्थना करीं, “प्रभु, तैं सबन के बिचारन कै जानथै, इसलै हमकै दिखा कि इन दोनों मैं से कौनकै चुनो है

प्रेरित 15:8

और परमेस्वर, जो सबन के बिचारन कै जानथै, गैर यहूदिन कै अपनी पवित्र आत्मा दैकै उन्हैं अपनाय लई, जैसो बौ हमरे संग करी।

रोमियों 8:34

फिर कौन है जो सजा की आग्या देगो? ईसु मसीह बौ है जो मर गौ बल्किन मरे भौ मैं से जिंदो भी हुई गौ, और परमेस्वर के दहने है, और हमरे ताहीं बिन्तिओ करथै!

रोमियों 8:6

सरीर मैं मन लगानो तौ मौत है, लेकिन पवित्र आत्मा मैं मन लगानो जिंदगी और सांति है।

इफिसियों 2:18

जौ सब ईसु मसीह के बजह से भौ कि हम सबै, यहूदि और दुसरी जाति, एक आत्मा मैं हुईकै परम दऊवा की मौजूदगी मैं आन ताहीं काबिल हैं।

1 थेसलोनिकी 2:4

जाके बदले, हम हमेसा बोलथैं और ब्याख्या करथैं कि परमेस्वर हमसे चाहथै, बौ हमकै जौ भरोसेमंद समझी है कि हमैं सुसमाचार सौंपी। हम लोगन कै खुस करन की कोसिस नाय करथैं, बल्कि परमेस्वर कै खुस करन की कोसिस करथैं, जो हमरे मन कै परखथै।

हिब्रू 4:13

ऐसो कुछ भी न है जो परमेस्वर से छिपाओ जाए सकथै; पूरी दुनिया मैं सब कुछ उजागर है, और बाकी आँखी के अग्गु सबै चीज खुली हैं। और जौ बहे के ताहीं है जो हमैं सबन कै अपनो-अपनो हिसाब देने है।

याकूब 5:16

काहैकि तुम्हऊँ एक दुसरे के सामने अपने-अपने पापन कै मान लेबौ; और एक दुसरे के ताहीं प्रार्थना करौ, जोसे चंगे ही जाबौ; न्याई आदमी कि प्रार्थना को एक सक्तिसाली प्रभाव होथै।

प्रकाश 2:23

मैं बाके अनुसरँड़ करन बारेन कै मार डारंगो, तौ सब कलीसिया जानंगी कि मैं बहे हौं जो सबन के मन और इच्छा कै जानथौं। और मैं ही तुमकै बाके कामन के हिसाब से बदला दुंगो।