प्रकाश 22:19 - परमेस्वर को सच्चो वचन

¹⁹ और अगर कोई जौ किताब की भविस्यवाँड़ी के बचन मैं से कछु निकारथै, तौ परमेस्वर जिंदगी के पेंड़ और पवित्र सहर के फल मैं से भाग, जो जौ किताब मैं लिखो है, बाको भाग निकार देगो।

राना थारु नयाँ नियम

¹⁹ अगर कोइ अइसो आदमी हए, जो जा पुस्तकमे भबिष्यबाणी करीभइ बात मैसे कुछ हटाइ कहेसे, तओ परमेश्वर फिर बो पेणसे फरा खानको अधिकारके हटाए देहए जो जीबन देतहए। और बोको पबित्र सहरमे रहानको अधिकार फिर हटाए देबैगो, जोके बारेमे जा किताबमे बताओ गओ हए।

प्रकाश 22:19 Σταυροειδείς Αναφορές

लूका 11:52

तुम कानून के सिक्छकन के ताहीं कितनो भयानक है! तुम ग्यान कि कुंजी रख तौ लै हौ जो ग्यान के घर को फाटक खोलथै; पर तुम खुद ना गै, और जो अंदर जान कि कोसिस करत रहैं, उनकै भी रोक दै!”

प्रकाश 1:3

खुसनसीब है बौ जो कोई जौ किताब कै पढ़थै, और धन्य हैं बे जो जे भविस्यवाँड़ी संदेस के सब्दन कै सुनथैं और जौ किताब मैं लिखी गई बातन कै मानथैं! काहैकि बौ समय करीब है जब जे चीज होंगी।

प्रकाश 11:2

लेकिन मंदिर के बाहर के आँगन कै मत नाप, काहैकि बौ गैर यहूदिन कै दौ गौ है, और बे पवित्र सहर कै बयालिस महेना ले रौंदंगे।

प्रकाश 13:8

पृथ्वी मैं रहन बारे सब लोग बाकी आराधना करंगे, सिवाय बे लोगन के जिनके नाओं दुनिया की रचना से पहले बौ जिंदगी की किताब मैं लिखे गै रहैं, जो बौ मेम्ना को है जो घात करो गौ रहै।

प्रकाश 14:13

तौ मैं स्वर्ग से जौ अबाज सुनो, कि जौ लिख, कि धन्य हैं बे जो अब से प्रभु की सेवा मैं मरथैं! “हाँ बास्तव मैं!” आत्मा जबाब देथै। “बे अपनी कड़ी मेहनत से आराम को मजा लेंगे, काहैकि उनकी सेवा को फल उनके संग जाथै।”

प्रकाश 2:11

“अगर तुमरे पास कान हैं, तौ सुनौ, कि पवित्र आत्मा कलीसियन से का कहथै! जीतन बारेन कै दूसरी मौत से नुकसान ना होगो।”

प्रकाश 2:26

जो जय पाबै, और मेरे कामन के हिसाब से आखरी तक करत रहबै, मैं उनकै बे देसन को अधिकार दुंगो जो मोकै मेरो दऊवा दई रहै।

प्रकाश 2:7

“अगर तुमरे कान हैं, तौ सुनौ, पवित्र आत्मा कलीसियन से का कहथै! जो जीत हासिल करथैं, उन्हैं मैं परमेस्वर की स्वर्गिय बगिया मैं जमन बारे जिंदगी के पेंड़ के फल कै खान को अधिकार दुंगो।”

प्रकाश 21:2

फिर मैं पवित्र सहर, नया यरूसलेम कै परमेस्वर के झोने से स्वर्ग से उतरत देखो, जो एक दुल्हेन के हानी रहै, जो अपने दुल्हा से मिलन के ताहीं तैयार और तैयार रहै।

प्रकाश 21:5

फिर जो सिंहासन मैं बैठो रहै, बौ कही, “अब मैं सब कछु नया कर देथौं!” फिर बौ मोसे जहो कही, “जाकै लिख, काहैकि जे बचन सच्चे हैं और इनमैं बिस्वास करो जाए सकथै।”

प्रकाश 22:12

“सुन!” ईसु कहथै। “मैं जल्दिये आए रहो हौं! मैं अपनो प्रतिफल अपने संग लांगो, कि हर एक कै बाके काम के हिसाब से देमौं।

प्रकाश 22:2

बौ सहर के सड़क के बीचौ बीच बहत रहै। नदिया के दोनों पाँजर जिंदगी को पेंड़ रहै, बामै बारह तरहन को फल लगत रहै, और बौ हर महेना फरत रहै; और बौ पेंड़ के पत्तन से जाति-जाति के लोग चंगे होत रहैं।

प्रकाश 22:7

“सुनौ! ईसु कहथै। मैं जल्दिये आए रहो हौं! धन्य हैं बे जो जौ किताब की भविस्यवाँड़ी की बात मानथै!”

प्रकाश 3:12

जो जय पाबै, बाकै मैं अपने परमेस्वर के मंदिर मैं एक खम्मा बनांगो; और बौ फिर कहु बाहर ना निकरैगो; और मैं अपने परमेस्वर को नाओं, और अपने परमेस्वर के नगर मतलब नये यरूसलेम को नाओं, जो मेरे परमेस्वर के पास से स्वर्ग मैं से उतरन बारो है और अपनो नया नाओं भी बामै लिखंगो।”

प्रकाश 3:21

जो बिजय होंगे, मैं बाकै अपने संग अपने सिंहासन मैं बैठन को हक दुंगो, जैसो मैं बिजय भौ हौं और अब अपने दऊवा के झोने बाके सिंहासन मैं बैठो हौं।”