प्रकाश 18:10 - परमेस्वर को सच्चो वचन

¹⁰ बे बड़ा दूर ठाड़े हैं, काहैकि बे बाके दुख मैं हिस्सा लेन से डराथैं। बे कहथैं, “कितनो भयानक है! कितनो भयानक है! जौ महान और ताकतबर सहर बेबीलोन! एक घंटा मैं तोकै न्याय मिलगौ है!”

राना थारु नयाँ नियम

¹⁰ उन्हएं डर हए, कि बे फिर बाको दण्डमे फसजामंगे। तभीमारे बे दुर ठाणके अइसे कहामंगे, “हे बडो सहर, तए शक्तिशाली बेबिलोन! परमेश्वर तोके दण्ड देहए, औ जद्धा दण्ड देहए।”

प्रकाश 18:10 Σταυροειδείς Αναφορές

प्रकाश 11:8

और उनकी लास बौ बड़े नगर के चौहराय मैं पड़ी रैहंगी, जो आत्मिक रीति से सदोम और मिस्र कहो जाथै, जहाँ उनको प्रभु भी क्रूस मैं चढ़ाओ गौ रहै।

प्रकाश 14:8

फिर जाके बाद एक और दुसरो स्वर्गदूत पहले बारे को पीछा करत भै कही, “बौ गिर पड़ो है, बौ बड़ो बेबीलोन भी गिर पड़ो है जो सब देस कै अपने व्यभिचार की मधहोसी को दाखरस पिबाई।”

प्रकाश 16:19

बौ महान सहर कै तीन हिस्सा मैं बाँट दौ गौ, और सब देसन के सहर खतम हुईगै। परमेस्वर बड़े बेबीलोन कै याद करी, और बाकै अपने गुस्सा से भरे भै प्याले मैं से दाखमधु पिबाई।

प्रकाश 17:12

“जो दस सींग तैं देखो बे दस राजा हैं, जो अबले राज्य करनो सुरु नाय करीं हैं, लेकिन उनकै बौ जानवर के संग एक घंटा के ताहीं राज्य करन को अधिकार दौ जागो।

प्रकाश 18:18

और जब बे आगी की लपटन से धुआँ देखीं, जो बाकै भसम करत रहै, तौ बे चिल्लाए उठे: “जौ महान सहर के हानी कोई दुसरो सहर कहु नाय भौ!”

प्रकाश 18:19

बे अपनी मुड़ियन मैं धूदर डारीं, और रोत भइ और विलाप करत भइ कहीं, “कित्तो भयानक है! महान सहर के ताहीं कित्तो भयानक! जौ बड़ो सहर जोकी सम्पत्ति के जरिये समुंदर के सब जहाज बारे सेठ हुईगै रहैं, एक घंटा मैं बौ सब कछु खोए दई!”

प्रकाश 18:21

फिर एक सक्तिसाली स्वर्गदूत चक्की के पाट के आकार को एक पथरा उठाएकै समुंदर मैं फेंक दई, और कही, “बड़े सहर बेबीलोन कै ऐसिये गिराओ जागो और बौ फिर कहु दिखाई ना देगो।

प्रकाश 18:8

जौ बजह से एकै दिन मैं बाके ऊपर आफत आए पड़ैगी, मतलब बिमारी, दुख और अकाल। और बौ आगी मैं भसम कर दई जागी, काहैकि प्रभु परमेस्वर जो बाको न्याय करथै, महान है।”