हिब्रू 2:4 - परमेस्वर को सच्चो वचन

⁴ और संगै परमेस्वर भी अपनी इच्छा के अनुसार चिन्ह चमत्कार के अचम्मे काम, निरे तरह के सामर्थ्य के काम और पवित्र आत्मा के वरदानन कै बाँटन के जरिया जाकी गभाई देत रहो।

राना थारु नयाँ नियम

⁴ और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।

हिब्रू 2:4 Σταυροειδείς Αναφορές

मर्कूस 16:20

चेला निकरकै सब जघा ईसु को प्रचार करीं, और प्रभु उनके संग रहकै काम करत रहो, बे चिन्ह चमत्कार के जरिया जो चेलन संग होत रहै, बचन कै मजबूत करत रहो। आमीन।

मर्कूस 6:14

राजा हेरोद जब ईसु के बारे मैं सुनी; बौ समय ईसु को नाओं भौत फैल गौ रहै। कुछ जनी कहेत रहैं “बपतिस्मा देन बारो यूहन्ना मरे भैन मैं से जिंदो ही गौ है, तभईये बौ जे सामर्थ्य के काम करथै।”

यूहन्ना 15:26

पर जब बौ मदत करन बारो आगो, जोकै मैं तुमरे झोने परम दऊवा परमेस्वर की तरफ से भेजंगो, मतलब कि सच्ची आत्मा जो कि परम दऊवा कि तरफ से निकरथै, तौ बौ मेरी गभाई देगो।

यूहन्ना 4:48

ईसु बासे कही, “जबले तुम चिन्ह और अचम्मे काम ना देखैगे तौले तुम कतई बिस्वास ना करैगे।”

प्रेरित 14:3

और बे प्रेरित लंबे समय तक हूँना रुके रहे, प्रभु के बारे मैं निडर हुईकै बात करत भै, जो बे साबित करीं कि उनकी किरपा के बारे मैं उनको अनुग्रह को संदेस उन्हैं चिन्ह चमत्कार और अचम्मे काम करन की सक्ति देन के ताहीं गभाई देथै।

प्रेरित 4:10

तौ तुम सब और पूरे इस्राएली आदमी जान लियो कि मसीह ईसु नासरी के नाओं से जोकै तुम सब क्रूस के ऊपर टाँगे, और परमेस्वर बाकै मरो भौ मैं से जिंदो कर दई, जौ बहे आदमी है तुमरे अग्गु अच्छो-भलो ठाड़ो है।

प्रेरित 5:32

हम जे बातन के गभा हैं, और बैसिये पवित्र आत्मा भी जोकै उपहार के रूप मैं परमेस्वर उनकै दई है जो बाकी आग्या मानथैं।”

इफिसियों 1:5

प्रेम के बजह से और अपनी मरजी से, अच्छे मन से हमैं अपने ताहीं पहलिये से बनाई कि ईसु मसीह के जरिया हम बाके गोद लै भै बालका होमैं, जहे बाकी खुसी और मरजी रहै।

इफिसियों 1:9

काहैकि परमेस्वर बहे करी जो बौ खुदकै ही बनाई रहै, और हमकै बौ लुकी भइ बात कै जताई जो बौ पहलिये से मसीह के जरिया पूरो करन को फैसला लई रहै।

इफिसियों 4:7

हम्मै से हर एक कै मसीह जो बौ दई है, बाके नपना मैं एक खास अनुग्रह और दान मिलो है।

हिब्रू 6:4

जो लोग अपने बिस्वास कै छोड़ देथैं, उनकै दुबारा पस्चाताप करन के ताहीं कैसे लाओ जाए? बे पहले परमेस्वर के उजीते मैं रहैं; बे स्वर्गिय दान को सुआद चखीं और पवित्र आत्मा के भागीदार बने।