हिब्रू 11:16 - परमेस्वर को सच्चो वचन

¹⁶ लेकिन बे एक उत्तम मतलब स्वर्गिय देस के अभिलासी रहैं, जहेमारे परमेस्वर उनको परमेस्वर कहबान मैं नाय सरमाथै, काहैकि बौ उनके ताहीं एक सहर तैयार करी है।

राना थारु नयाँ नियम

¹⁶ पर बे औ अच्छो देश अर्थात्, एक स्वर्गीय देशको इच्छा करत हएं। जहेमारे, बिनको परमेश्वर हओं कहान बारी बातमे परमेश्वर गर्ब करत रहए, काहेकी बा बिनके ताहीं एक सहर तयार करदइ हए।

हिब्रू 11:16 Σταυροειδείς Αναφορές

मत्ती 25:34

तौ राजा अपने दहने घाँईं बारेन से कहैगो, ‘मेरे परम दऊवा के धन्य आदमियौ, तुम आबौ, बौ राज्य के हकदार हुई जाबौ, जो दुनिया के सुरु से तुमरे ताहीं समारो गौ है।

मर्कूस 12:26

मरे भै के जिंदो होन के बारे मैं का तुम मूसा की किताब झाड़ी की कहानी मैं नाय पढ़े? कि परमेस्वर बासे कही, ‘मैं अब्राहम को परमेस्वर, और इसहाक को परमेस्वर, और याकूब को परमेस्वर हौं।’

मर्कूस 8:38

जो कोई व्यभिचारी और पापी पीढ़ी के बीच मोसे और मेरी बातन से सर्मागो, तौ इंसान को लौड़ा भी जब बौ पवित्र दूतन के संग अपने दऊवा की महिमा समेत आगो, तौ बहो से सर्मागो।”

लूका 12:32

“छोटो झुंड, मत डराबै; काहैकि तुमरे दऊवा कै जौ अच्छो लगो है, कि तुमकै राज्य देबै।

लूका 20:37

और मूसा साफ तरीका से साबित करथै कि मरे भैन कै जी उठन ताहीं उठाओ जाथै। जलत भइ झाड़ी के बारे मैं रहामैं बौ प्रभु कै ‘अब्राहम को परमेस्वर, इसहाक को परमेस्वर, और याकूब को परमेस्वर कहथै।’

यूहन्ना 14:2

मेरे दऊवा के घर मैं गजब रहन ताहीं जघा है, अगर ऐसो नाय होतो तौ मैं तुमसे कह देतो; काहैकि मैं तुमरे ताहीं जघा बनान कै जाएरौ हौं।

प्रेरित 7:32

‘मैं तेरे पुरखा अब्राहम, इसहाक और याकूब को परमेस्वर हौं।’ तौ मूसा कपकपाए गौ, हींना तक की बाकै देखन की हिम्मत नाय रही।

फिलिप्पी 3:20

हालाकि, हम स्वर्ग के नागरिक हैं, और हम बेसबरी से अपने उद्धारकर्ता, प्रभु ईसु मसीह को इंतजार करथैं।

2 तिमोथी 4:18

और प्रभु मोकै सब बुराइयन से बचामंगे और मोकै अपने स्वर्गिय राज्य मैं सई सलामत लै जांगे। बाकी महिमा हमेसा और हमेसा के ताहीं होबै! आमीन।

हिब्रू 10:34

काहैकि तुम कैदियन के दुखन मैं भी दुखी भै, और अपनी जायदाद भी खुसी से लुटन दै; जौ जानकै, कि तुम्हारे झोने एक औरौ अच्छी और हर हमेसा ठहरन बारी जायदाद है।

हिब्रू 11:10

काहैकि अब्राहम बौ मजबूत बुनियाद बारे नगर को इंतजार करत रहे, जोको रचन बारो और बनानबारो परमेस्वर है।

हिब्रू 11:14

जो ऐसी-ऐसी बात कहथैं, बे जाहिर करथैं, कि स्वदेस की तलास मैं है।

हिब्रू 11:40

काहैकि परमेस्वर हमरे ताहीं पहले से एक अच्छी योजना बनाई रहे। बाको मकसद रहे कि बौ हमरे संग मिलकै उनकै और सिद्ध बनाबै।

हिब्रू 12:22

लेकिन तुम सिय्योन के पहाड़ के झोने, और जिंदे परमेस्वर के नगर स्वर्गिय यरूसलेम के झोने हजारौ स्वर्गदूतन के संग आए हौ।

हिब्रू 13:14

काहैकि हिंयाँ हमरो हमेसा के रहन को कोईये सहर नाय है, बल्किन हम एक आनबारे सहर की तलास मैं हैं।

हिब्रू 2:11

काहैकि पवित्र करन बारो और जो पवित्र करे जाथैं, सब एकै मूल से है, मतलब परमेस्वर, जहे के मारे ईसु उनकै भईय्या कहेन से नाय सरमाथै।

प्रकाश 21:2

फिर मैं पवित्र सहर, नया यरूसलेम कै परमेस्वर के झोने से स्वर्ग से उतरत देखो, जो एक दुल्हेन के हानी रहै, जो अपने दुल्हा से मिलन के ताहीं तैयार और तैयार रहै।