हिब्रू 10:12 - परमेस्वर को सच्चो वचन

¹² लेकिन मसीह हमरे पापन के बदले एकै बार बलिदान हुईकै हमेसा के ताहीं चढ़गौ और परमेस्वर के दहने जाए बैठो।

राना थारु नयाँ नियम

¹² पर ख्रीष्ट अपनो शरीर आदमीनको पाप उठाए लैजानके ताहीं एकए चोटी बलि भओ, जो सदामानके ताहीं प्रभावशाली हए। जा काम निभटके पिच्छु बा परमेश्वरको दहिना हात घेन उँचो सम्मानके ठाउँमे बैठो।

हिब्रू 10:12 Σταυροειδείς Αναφορές

मर्कूस 16:19

प्रभु ईसु उनसे बात करन के बाद स्वर्ग के ऊपर उठाए लौ गौ, और परमेस्वर के दहने घाँईं बैठगौ।

रोमियों 8:34

फिर कौन है जो सजा की आग्या देगो? ईसु मसीह बौ है जो मर गौ बल्किन मरे भौ मैं से जिंदो भी हुई गौ, और परमेस्वर के दहने है, और हमरे ताहीं बिन्तिओ करथै!

इफिसियों 5:2

तुमरी जिंदगी कै प्रेम से रस्ता मैं लाओ जानो चाहिए, जैसी मसीह हमकै प्रेम करी है और हमरे ताहीं अपनी जिंदगी एक प्यारी महाकनबारी भेंट के रूप मैं दई और अपने आपकै भेंट दई, जौ सब परमेस्वर कै खुस करथै।

कलस्सी 3:1

तौ जब तुम मसीह के संग जिंदे भै, तौ स्वर्ग की चीजन की खोज मैं रहबौ, जहाँ मसीह अभै है और परमेस्वर के दहने घाँईं बैठो है।

हिब्रू 1:3

बौ परमेस्वर की महिमा को उजियारो और बाके तत्व की छाप है, और सब चीजन कै अपनी सामर्थ्य के बचन से सम्भालथै: बौ पापन कै धोएकै महान परमेस्वर के दहने जाए बैठो।

हिब्रू 10:10

तौ परमेस्वर की इच्छा से हम ईसु मसीह के सरीर के एकै बार बलिदान चढ़ाय जान के जरिया पवित्र करे गै हैं।

हिब्रू 10:14

काहैकि बौ एकै बलिदान के जरिया उनकै जो पवित्र करे जाथैं, हमेसा के ताहीं सिद्ध कर दई।

हिब्रू 5:1

हर एक बड़ो पुजारी अपने संगी लोगन मैं से चुनो जाथै, और बाकै परमेस्वर से जुड़े भै मामलेन मैं लोगन को प्रतिनिधित्व करन के ताहीं, पापन के ताहीं भेंट और बलिदान चढ़ान के ताहीं चुनो जाथै।

हिब्रू 5:3

जहे बजह से जौ जरूरी हुई जाथै कि बौ लोगन के ताहीं बल्कि अपने ताहीं भी पापन को बलिदान चढ़ाय करै।

हिब्रू 7:27

और बे बड़े पुजारिन के जैसी बाकै जरूरी नाय है कि रोजाना पहले अपने पापन कै और फिर लोगन के पापन के ताहीं बलिदान चढ़ाबै; काहैकि बौ अपने आपकै बलिदान चढ़ायकै बाकै एकै बार निपटाए दई।

हिब्रू 8:1

हम जो कह रै हैं, बाको पूरो मतलब जौ है कि हमरे झोने एक ऐसो बड़ो पुजारी है, जो स्वर्ग मैं महान परमेस्वर के सिंहासन के दहने घाँईं बैठथै।

हिब्रू 9:12

और बकरन और बछड़न के खून के जरिया नाय, लेकिन अपने ही खून के जरिया एकै बार पवित्र जघा मैं घुसो, और अनंत छुटकारा पाबौ।

हिब्रू 9:14

तौ मसीह को खून जो अपने आपकै अनंत आत्मा के जरिया परमेस्वर के अग्गु निर्दोस चढ़ाई, तुम्हारे मन कै मरे भै कामन से काहे नाय सुद्ध करैगो, ताकी तुम जिंदे परमेस्वर की आराधना करौ।