प्रेरित 26:10 - परमेस्वर को सच्चो वचन

¹⁰ जहे मैं यरूसलेम मैं करो। मैं बड़ो पुजारी से अधिकार लैकै परमेस्वर के निरे पवित्र आदमिन कै कैदखाना मैं डार दौ; और जब उन्हैं मौत की सजा सुनाई गई, तौ महुँ उनके खिलाप बोट डारो।

राना थारु नयाँ नियम

¹⁰ और मए यरूशलेम सहरमे अइसियए बिरोध करो। मए मुखिया यहूदी पुजारीसे हुकुम पाएके प्रभु येशूमे बिश्वास करन बारे बहुतए पबित्र जनके जेलमे थुनबाओ। और उनके मारनको काममे फिर मदत करो।

प्रेरित 26:10 Σταυροειδείς Αναφορές

प्रेरित 7:58

और बाकै सहर के बहार निकारकै पथराव करन लागे। और जो गभा रहैं अपने लत्ता उतारकै साऊल नाओं को एक ज्वान कै देखाभारी के ताहीं छोड़ दईं।

प्रेरित 8:1

और साऊल बाकै मारन की सहमति दई। बहे दिन से यरूसलेम की कलीसिया के ऊपर बड़ा सताव होन लगो। और प्रेरितन कै छोड़ सब विस्वासी यहूदिया और सामरिया के देसन मैं तितर-बितर हुईगै।

प्रेरित 8:3

पर साऊल कलीसिया कै उजाड़त गौ; बौ घर-घर जाएकै विस्वासियन कै, और आदमिन कै और बईंय्यरन कै घसीट कै कैदखाना मैं डार देत रहै।

प्रेरित 9:21

सब सुनन बारे अचम्मे भै और पूँछीं, “का जौ बहे नाय है जो यरूसलेम मैं रहै, जो बे आदमिन कै मारत रहै जो ईसु कै पूजत रहैं? और का बौ हिंयाँ इसलै ना आओ कि बे लोगन कै बंधी बनाएकै बड़े पुजारिन के झोने लै जाबै?”

प्रेरित 9:26

साऊल यरूसलेम गौ बौ चेलन से मिलन की कोसिस करी। लेकिन बे बिस्वास नाय करंगे कि बौ एक दास रहे, और बे सब बासे डरात रहैं।

प्रेरित 9:32

पतरस सब जघा को सफर करी, और एक मौका मैं बौ परमेस्वर के पवित्र लोगन से मिलन कै गौ, जो लुद्दा मैं रहेत रहैं।

प्रेरित 9:41

पतरस जाएकै बाकै उठन मैं मदत करी, और पवित्र विस्वासिन और बिधवन कै बुलाएकै बाकै जिंदो कर दई।

1 कोरिन्थी 15:9

मैं तौ प्रेरितन मैं सबसे छोटो हौं। हिंयाँ ले कि मैं प्रेरित कहबान के लायक भी नाय हौं काहैकि मैं तौ परमेस्वर की कलीसिया कै सताए करत रहौं।

गलातियों 1:13

यहूदि मत मैं जो अग्गु मेरो चाल-चलन रहै, तुम बाके बारे मैं सुन चुके हौ। मैं परमेस्वर की कलीसिया कै भौत सतात और उजाड़त रहौं।

इफिसियों 1:1

पौलुस के घाँईं से जो परमेस्वर की मरजी से ईसु मसीह को प्रेरित है, बे पवित्र और ईसु मसीह मैं विस्वासी आदमिन के नाओं जो इफिसुस मैं हैं: जो ईसु मसीह के संग मिलकै अपनी जिंदगी मैं परमेस्वर के जो लोग हैं उनकै लिखी हैं।

प्रकाश 17:6

और मैं देखो कि बौ बईय्यर परमेस्वर के पवित्र लोगन के खून और ईसु के निरे गभा को खून पीत नसा मैं धुत देखो, जब मैं बाकै देखो तौ मैं पूरी तरह से दंग रहगौ।