Pampetudungia 10:11 - Sura Malelaha

¹¹ Roo indo, nauliangaana, “Hangangaa nupahawe mbuli lolitana Pue Ala. Hangangaa mopahaweko kana i ngkaia datu hai tauna hangko i ngkaia kadatua, ngkaia pemulea hai ngkaia pakana basa.”

Pampetudungia 10:11 Σταυροειδείς Αναφορές

Pampetudungia 10:10

Kuala mpuumi sura iti hangko i taiena malaeka iti hai kuande. I ngangangku, minana momi mpuu nodo tinaha, agaiana i lalu taingku kuhadi nodo paande au mapai.

Pampetudungia 11:1

Hangko indo, raweina hambua lai au nodo popehoka, hai rauliangaana, “Laomoko mohoka Souna Pue Ala hai meja pointua dupa. Nuimba wori hangkia kabosanda tauna au menomba inditi.

Pampetudungia 11:9

Tauna hangko i humalele dunia, hangko i ope-ope kadatua, ope-ope pemulea hai hinangkana basa ina moitahe tomate au rodua iti i tanga rara. I lalu talu alona hantanga rapalikangaahe nodo, lawi bara rakira ratawu.

Pampetudungia 14:6

Moita worina hadua malaeka ntanina au membaro i laerawa. Malaeka iti mobambari Ngkora Marasa au bara ara katebaliana hawe i hae-haena. Ngkora Marasa iti nabambari i humalele tauna i dunia, i ope-ope kadatua, ope-ope pemulea hai i hinangkana basa.

Pampetudungia 17:10

Lima hangko i datu iti, manawomohe. Hadua tangana mani moparenta. Hai hadua bara mani mepongka moparenta. Ane hawe deade, ia ina moparenta agaiana sangka pea.

Pampetudungia 17:12

Tandu au hampulo au nuita inona, lempona hampulo datu au bara mani mepongka moparenta. Datu au hampulo iti ina raweihe tempo moparenta hihimbela hai binata iti, agaiana poparentanda hampalai pea.

Pampetudungia 17:15

Nauli mbuli malaeka iti iriko, “Owai au nuita inona, pohudaa towawine au merikai babehiana iti, lempona tauna au hangko i humalele dunia, tauna hangko i ope-ope kadatua hai hinangkana basa.

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.