Matiu 9:23 - Sura Malelaha

²³ Roo indo, pulomi Yesu lao i souna tadulako sou penombaa. Kahawena, Naita bosa tauna au motulali hai au moteria.

Matiu 9:23 Σταυροειδείς Αναφορές

Matiu 11:17

rauli, ‘Kipotulaliakau, agaiana barakau motaro-taro. Kipandawiakau, agaiana barakau moteria.’

Suro 20:10

Mendaulu worimi Paulu hangko i sou lao mokalapui anantomoane iti, nauli, “Ineekau langa, tuwo pea.”

Suro 9:39

Mewali, meangka mpuumi Peturu lao hihimbela hai ihira. Kahawenda i Yope, liliu raanti lao i karapowataana Dorkas. Ope-ope tobemba au towawine meangkahe motoleliki Peturu. Moteriamohe hai ratudungiami Peturu badu hai hampi au nadauahe Dorkas i tempona mani tuwo.

Pampetudungia 18:22

Topokecapi, toponani, topotulali hai topotawue tatamburu, barapohe rahadi i wanua iti. Topoaro sou hai topokarahi barapohe ara; pomoni pombaua barapi rahadi.