Epesu 1:12 - Sura Malelaha

¹² Nababehi nodo, bona ikami to Yahudi au nguru-nguruna meharunga i Kerisitu motoia hai mampomahile Pue Ala.

Epesu 1:12 Σταυροειδείς Αναφορές

Yohane 14:1

Yesu mololita i topeguruNa, nauli, “Inee bata-bata lalumi! Mepoinalaimokau i Pue Ala, hai mepoinalai worikau Iriko.

Epesu 1:6

Ido hai tatoiami Pue Ala, lawi mahile mpuu ahiNa irikita. Hangko i kabulana laluNa, Nawei mberomoke ahiNa anti pohintuwuta hai Yesu, AnaNa au Napokaahi.

Epesu 2:7

Tunggaiana Pue Ala bona i alo au ina mai, ina Natudungiake kamahilena ahiNa hai kamaroana laluNa au tahumba hangko i pohintuwuta hai Kerisitu Yesu.

Epesu 3:21

Ido hai hintoto mpuu Pue Ala tapomahile anti kamaroana Kerisitu Yesu irikita au mepoinalai. Tetoiami Pue Ala mepongka ide-ide hawe i hae-haena. Amin.

2 Tesalonika 2:13

Halalu-halalu au napokaahi Pue, hintoto mpuungkai manguli liliu ngkaia kamaroana i Pue Ala anti kaikamuna. Lawi Pue Ala mopileikau hangko i nguru-nguruna bona tehoremakau hangko i huku dosami anti pepoinalaimi i bambari au tou. Napileimokau bona Nahoremakau anti kuasana Inao Malelaha au mampopewalikau taunana Pue Ala au malelaha.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

Yakobu 1:18

Napopewalimoke anaNa moula peundeaNa haduduaNa melempo i Ngkora Marasa, au bara ara kamasalana, bona hangko i ope-ope au Napopewali, ikitami au Napokatana ntepuu.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.