1 Korintu 8:12 - Sura Malelaha

¹² Mewali, ane tababehi nodo, masala mpuumoke, lawi tapakanawomi pepoinalainda halalunta au bata-bata mani lalunda. Hai meliu hangko inditi, madosake i Kerisitu.

1 Korintu 8:12 Σταυροειδείς Αναφορές

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Matiu 18:21

Roo indo, Peturu mohungkuki Yesu hai mekune Iria, nauli, “Pue, ane halalungku hampepepoinalai masala iriko, hangkia belana hangangaa kuampungi? Hawe pae pitu belana?”

Matiu 18:6

Agaiana hema au mopakanawo hadua anangkoi au nodo anangkoi ide alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i lalu tahi.

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’

Matiu 25:45

Hai Iko Datu, Kuhanaihe, ‘Bona niisa, anti kadana nitulungi tauna au meahi-ahi tuwonda, lempona, Ikomi au bara nitulungi.’ ”

Markus 9:42

Agaiana hema au mopakanawo hadua anangkoi au nodo anangkoi ide alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i tahi.

Lukasi 17:2

Hema au mopakanawo hadua tauna au koi tuwona alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i tanga tahi.

Roma 14:20

Inee tapakarugi pobagona Pue Ala anti popalia paande. Katouana, bara ara paande au rapalia. Agaiana bara maroa ane mokeloke ranganta hai apa au taande duuna manawohe i lalu dosa.

1 Korintu 12:12

Ikita au mepoinalai i Kerisitu peisa rapandiri nodo wata tauna. Ane wata tauna hambua pea, agaiana ngkaia ngaana. Nauri ngkaia ngaana, ope-ope ngaa iti mewali pea hambua wata.