ฟีลิ้ปี 4:2 - Northern Pwo Karen Thai Bible

² น่าง ยูโอดี ดี๊ น่าง ซีทีเค-เอ้อ, จ อวีงซ้ะชู้ น ซื๊ง เกม๊า แม้ ฆู๊ง แม้ พุ้ โละ ซ้ะ, บี่ ซุ้ ด๊างพื่งวี่ ทื๊ง ซยอง กแช่ เยซู คริ้ เกิ้ง ม แม้ เว๊

ฟีลิ้ปี 4:2 Σταυροειδείς Αναφορές

ทอคางไท้ะ 45:24

ฌ้อง โยซิ้ ลี้ โซ๊ง อ พื่ง อ วี่ ไวะ, พี่ อ ซื๊งเว๊ ม ไท้ นอ, โยซิ้ อางแบเลา อซื๊งเว๊ ไจ้ะเว๊, “ติ้โละไอโละซ้ะ ลู่ง เกล้ ล ฌี้”

มาร้ะกู 9:50

ที๊งแล เก ท อ ฌี้, แบ เด้าะ ที๊งแล อ ฌ๊าง เมะ ล้างแบล้ ไฆวะ นอ ม แม้ ฌ๊าง ไท้-อ้ะ บี่ จะ เล้ น ซื๊ง กุ้ อ แฌ้ แบ โอ ดี๊ อ ฌ๊าง บี่ ซุ้ ที๊งแล, ดี๊ แบ โอ ฆู๊ง โอ พุ้ โละ น ซื๊ง ซ้ะ บี่ นอ ล้อ”

1​โคเรง 1:10

ด๊างพื่งวี่ ซีง-เอ้อ, ลู่ง กแช่ เยซู คริ้ อ เม้ง อ แซ นอ, จ อวีงซ้ะชู้ น ซื๊ง เกม๊า ไคล้ เท่อ ล เม้ง ฆ่าง, ช๊องมอง เท่อ ล เม้ง ฆ่าง เลา ปะ, บี่ซุ้ น ซื๊ง ล ล้างมื่ง ล้างพ้ะ โละ ซ้ะ แบ

ฟีลิ้ปี 3:16

ลู่ง อ ล้างเปิ่ง นอ เกม๊า ก แม้ โพะ ท ไฌะ ท ไฌ่ อ ไค๊, พี่ ก แม้ โพะ-อ้ะ ครึๆ, เย้า นอ

1​เทซาโลนีเก 5:13

ดู้ง แบ ยาง แบ-อ้ะ ดี๊ เอ-อ้ะ, เมะ ลู่ง อซื๊งเว๊ อ ท ไพ้ะ ท แม้ อ กย้อง, โอ ฆู๊ง โอ พุ้ โละ ซ้ะ

ฮีบรู 12:14

เฌา โอ ฆู๊ง โอ พุ้ โละ ซ้ะ ดี๊ โพล้ง กุ้ อ แฌ้, ดี๊ เฌาโละ เก โพล้ง ฌี้ โพล้ง แอว้, อ ไฌ่ บี่ อี้ง, โพล้ง ล ฌี้ ล แอว้ แบ นอ แด กแช่ แยว้ ล ซี แบ เฆาะ