ฟีลิ้ปี 2:3 - Northern Pwo Karen Thai Bible

³ แม้ เท่อ พี่ ม แคว่ ล้าง ที่ น กแช่ อ ฌ่าง พ้า ล แฌ้ ล ฌี้, ดี๊ ไจ้ะ ล้าง น ซ้ะ เก ทอดู อ โท๊ ล ฌี้, แบเด้าะ น ซื๊ง แบ ชาง ล้าง ซ้ะ, น ล แบ ช๊องมอง น ฌี้ นี่ โพล้ง อ แฌ้แพ แบ

ฟีลิ้ปี 2:3 Σταυροειδείς Αναφορές

ทอางด้อง 13:10

ท ทื่งดูล้างซ้ะ นอ, โอ เว๊ ที่ ดึ้ เกทาง ท ติ้โละไอโละ แบเด้าะ ทโกงซีมองแบ โอ ดี๊ โพล้ง, พี่ ฮะนี่ ท โล้ฌ้าละฌ้า

ลูกา 18:14

จ โล้ เอะ น ซื๊ง, โพล้ง ล แฌ้ แย๊ อี้ง พี่ อ ไท้ อ เด้า นอ อ เว๊ แบ กแช่ แยว้ อ ซ้ะ เย้า, ล เมะ โพล้ง ฟารีซี ล แฌ้ นอ แบ, อ ไฌ่ บี่ อี้ง โพล้ง กุ้ อ แฌ้ พี่ อ โชะ ทาง อ ซ้ะ นอ, ม แบ ท ชาง ล้าง-อ้ะ, แบ เด้าะ โพล้ง พี่ อ ชาง ล้าง อ ซ้ะ นอ, ม แบ ท โชะ ทาง-อ้ะ ล้อ”

โรมา 12:10

เอ โละ ซ้ะ ด้อง พื่ง ด้อง วี่ เมะ ฌี้ ไช้ะ, เฌาโละ ทื๊ง แบ นะ แบ โละ ซ้ะ ไช้ะ

โรมา 13:13

เกม๊า ก แม้ ก ซ้ะ ลู่ง อ เกิ้ง บี่ ซุ้ โพล้ง พี่ อ โอ ลู่ง ท พ้าง, แม้ ได้ ซ้ะ ล ฌี้, ม้า ไซ้ะ ล ฌี้, แม้ กแม มืง กแม แคว๊ ล ฌี้, แม้ เท่อ ลู่ง อ ล้างลุ้ ล้างเช้ ล ฌี้, ติ้ โละ ไอ โละ ซ้ะ ล ฌี้, ไคว๊ โละ โญ้ง โละ ซ้ะ ล ฌี้

โรมา 2:8

แบเด้าะ กแช่ แยว้ ม ซ้ะทาง, ดี๊ ม แม้ เตา แม้ แต๊ โพล้ง พี่ อ แด ล้าง ที่ อ กแช่ อ ฌ่าง พ้า, ดี๊ ล แม้ โพะ ท อ ที๊ง อ โต้ อ ไค๊ แบ, แบเด้าะ แม้ โพะ ท อ้า ท ซ๊าง อ ไค๊

1​โคเรง 15:9

แย้ จ เก โพล้ง ปี๊ ทึ ล แฌ้, ลู่ง กแช่ เยซู คริ้ อ เพล่ ดู ล แพ นอ อ แกล้, ล เกิ้ง ลู่ง โพล้ง ม กุ้ แย้ เก กแช่ เยซู คริ้ อ เพล่ ดู แบ, เมะ เว๊ จ แม้ น้ะ แม้ โน๊ง แบ โพล้ง ทื๊ง ซยอง กแช่ แยว้

1​โคเรง 3:3

อ ไฌ่ บี่ อี้ง, น ซื๊ง แม้ ซ้ะ แบ ด้อง โพล้ง ล โอ ดี๊ วีง ฌี้ แล้ แอว้ แบ, น ซื๊ง ไคว๊ โละ โญ้ง โละ ซ้ะ ไอ โละ ซ้ะ, แม้ อ ซ้ะ บี่ นอ, น ซื๊ง ล้างโฌ่ โพล้ง ฌางคู คู ได้ะ, ดี๊ น ซื๊ง แม้ ซ้ะ ล้างโฌ่ โพล้ง ล แบ้ แยว้ ได้ะ แบ

2​โคเรง 12:20

จ ไค๊ไก้ะ พี่ จ เฌ๊ ท้อง โคะ นอ, จ ล แด น ซื๊ง บี่ ซุ้ จ แบ ซ้ะ เกม๊า น เก นอ แบ, ดี๊ น ซื๊ง ล แด แย้ บี่ ซุ้ น แบ ซ้ะ เกม๊า จ เก นอ แบ, จ ไค๊ไก้ะ พี่ จ ม แด ท ติ้ โละ ไอ โละ, ท ไคว๊ ท โญ้ง, ท เซิงทาง ซ้ะทาง, ท แด ล้าง ที่ กแช่ อ ซ้ะ, ท ไจ้ะ อ้า ไจ้ะ ซ๊าง, ท เซ๊ วีง ซ๊อง แล้, ท ชีอูงพู๊ ทาง ซ้ะ, ท เซ๊ ทาง เซ๊ ล้าง

กาลาเต 5:15

แบเด้าะ น ซื๊ง เมะ ไอ โละ ซ้ะ ดี๊ แม้ อ้า โละ ซ้ะ นอ, น แบ ปโล่ ล้าง น ซ้ะ เมะ ฌี้, เมะ ล เมะ แบ ม เก ทาง ท เฌ๊ฌี่ง เฌ๊ฌ้อง ลู่ง น ซื๊ง ฌ่าง คี๊ง โค๊ เลา

กาลาเต 5:26

ก ล แบ อางกี ทาง โท๊ ก ซ้ะ แบ, ล แบ แม้ ซ้ะทาง โละ ซ้ะ แบ, ดี๊ ล แบ ไคว๊ โละ โญ้ง โละ ซ้ะ แบ นอ ล้อ

เอเฟโซ 4:2

เกม๊า น ซื๊ง ชาง ล้าง ซ้ะ โอ ดี๊ เซิง ฌี้ ซ้ะ ช้า, โอ โก้ง โอ คุ้ เท่อ, ดี๊ โอ โก้ง โละ ซ้ะ ลู่ง ท เอ ท กวี้ง

เอเฟโซ 5:21

ลู่ง น ซื๊ง ดู้ง แบ ยาง แบ กแช่ เยซู คริ้ นอ, ชู่ง โละ น ซื๊ง ซ้ะ ไช้ะ

ฟีลิ้ปี 2:14

พี่ น ซื๊ง แม้ ท เม้ง ฌี้ เม้ง ฌี้ นอ, เอ้งไฌ้ เท่อ ดี๊ ติ้ โละ ไอ โละ ซ้ะ ล ฌี้

โคโลซี 3:12

น ซื๊ง เก กแช่ แยว้ อ พู อ ลี้ง, อ เว๊ เอ น ซื๊ง กวี้ง น ซื๊ง ดี๊ อางลึ นี่ น ซื๊ง ม เก อ เท่อ แด เว๊ ท บี่ นอ, น ซื๊ง แบ โอ ดี๊ ท ย๊างเซิง ย๊างซ้ะ, ท เซิง ช้า ซ้ะ ช้า, ท ชาง ล้าง เซิง ชาง ล้าง ซ้ะ, ท เซิง ฌี้ ซ้ะ ช้า, ท เอ้า เซิง เอ้า ซ้ะ

โคโลซี 3:8

แบเด้าะ ค๊องเนง อี้ง น ซื๊ง แบ ญ๊อง ไฆวะ-อ้ะ กุ้ อ เม้ง, เมะ เว๊ ท เซิงทาง ซ้ะไฌ๊, ท แช๊เมะ ไฌ๊ซ้ะ, ท ล ฌี้ ล แอว้ แบ, ท ไคล้ แช๊คู ดูซ้ะ, ท ไคล้ ล้างลุ้ ล้างเช้, ท ล แพ อี้ง เกม๊า อ ไจ ทาง ลู่ง น นุ้ พ้า น่าง เม้ง ล ฌี้

1​ทีโมเท 6:4

อ เว๊ นอ เก โพล้ง ชีอูงพู๊ อ ซ้ะ, ล ซีงแฌ๊ ท น่าง เม้ง แบ, อ เว๊ เอ ดุ้ เท่อ ลู่ง อ ไพ้ะ, พี่ แบ ซ้ะ ไคล้ เท่อ ลู่ง ล แบ โละ ซ้ะ ดี๊ โพล้ง แบ, ดี๊ ติ้ โละ ไอ โละ ซ้ะ แบฆ้ะ ดี๊ โพล้ง อ ไฌะ อ ไฌ่, อ อี้ง นอ เกม๊า โพล้ง ไคว๊ โละ โญ้ง โละ อ ซ้ะ, ติ้ โละ ไอ โละ ซ้ะ, ดึ้เดว โละ ซ้ะ, ด้องฌูง ด้องแบล โละ อ ซ้ะ

1เปโต 3:8

ลู่ง อ ไค๊ ทึ อี้ง, น ซื๊ง ซีง แบ แม้ ซ้ะ ล โพลง ฆ่าง, เอ โละ กวี้ง โละ ซ้ะ บี่ ซุ้ ด๊างพื่งวี่, ย๊างเซิง ย๊างซ้ะ โละ ซ้ะ, ดี๊ โอ ดี๊ ท ชาง ล้าง เซิง ชาง ล้าง ซ้ะ คี๊ง โค๊ เลา

1เปโต 5:5

บี่ ซุ้ ดี๊ นอ ปะ, น ซื๊ง พี่ ซ้ะ บาง ล ปี๊ นอ, แบ ชู่ง ลู่ง เน้ แท๊ โพล้ง พี่ อ แซย่ นี่ น ซื๊ง, เกม๊า น ซื๊ง กุ้ อ แฌ้ แม้ช้า โละ ซ้ะ เท่อ ดี๊ ท ชาง ล้าง เซิง ชาง ล้าง ซ้ะ, บี่ ซุ้ ไละ ฌี้ ไละ แอว้ โล้ เว๊ “กแช่ แยว้ ชาง ล้าง โพล้ง พี่ อ อางกี ทาง โท๊ อ ซ้ะ, แบเด้าะ เกล๊าง อ โก้ง อ โบ้ง อ บลึ้ อ บลาง เอะ โพล้ง พี่ อ ชาง ล้าง อ ซ้ะ”,