ฟีลิ้ปี 2:25 - Northern Pwo Karen Thai Bible

²⁵ จ ช๊องมอง ม ล้างเปิ่ง พี่ จ ม โซ๊ง ไท้ ก ด๊างพื่งวี่ เอปาโฟดีโต ไท้ ลู่ง น ซื๊ง โอ, น ซื๊ง อางลึ นี่ อ เว๊ เฌ๊ แม้ช้า แย้ พี่ จ แบ ซ้ะ โพล้ง แม้ ซกุ้ เท่อ ดี๊ แย้, ดี๊ แม้ช้า แย้ พี่ จ แบ น้ะ แบ โน๊ง ลู่ง จ โล้ ล้าง เท่อ อ ไฌ่ อ กย้อง

ฟีลิ้ปี 2:25 Σταυροειδείς Αναφορές

ทอางด้อง 25:13

แน๊วะ เกม๊า ทเคลง ลู่ง ท เก้านี่ดิ้นี่ อ แค๊ บี่จะเล้ นอ โพล้งโล้คิ้ไคล้คิ้ เท่อ พี่ อโต้อล้อง ดี๊ โพล้ง พี่ เจ่ทาง-อ้ะ นอ, แม้มึแม้พ้า อ เซงคู อวีงอแล้ บี่นอ ล้อ

โยฮาง 13:16

จ โล้ เอะ น ซื๊ง โต้ๆ, ล้อ, เพล่ ล ดู นี่ อ เซงคู แบ, โพล้ง พี่ อ แบ ท เจ่-อ้ะ ลี้ เท่อ ล แฌ้ นอ, ล ดู นี่ อ กแช่ พี่ อ เจ่-อ้ะ แบ

โยฮาง 17:18

จ เกม๊า อซื๊งเว๊ ลี้ นึ โพล้ง ฌางคู คู อ แกล้, ด้อง ซุ้ แน้ น เกม๊า จ เฌ๊ ล้าง โอ ลู่ง โพล้ง ฌางคู คู อ แกล้ ปะ ล้อ

โรมา 16:3

จ ท ยื่ง ซ้ะ ดี๊ น่าง ปรีซาคา ดี๊ อาคีลา, พี่ อ แม้ ซกุ้ ฆึ กแช่ เยซู คริ้ อ เท่อ ดี๊ แย้

โรมา 16:9

จ ท ยื่ง ซ้ะ ดี๊ อูราบาโน, พี่ อ แม้ ซกุ้ กแช่ เยซู คริ้ อ เท่อ ดี๊ เฆ้อ, ดี๊ จ ท ยื่ง ซ้ะ ดี๊ ซตากู พี่ จ เอ-อ้ะ ดู มะ

1​โคเรง 3:9

ก แม้ ซกุ้ เท่อ ลู่ง กแช่ แยว้ อ ฌ่าง, น ซื๊ง ซีง ล แพ นอ ล้างโฌ่ ไชะ ลู่ง กแช่ แยว้ เซิง ล้าง พล้ะ ล้าง เท่อ น ซื๊ง ล้างโฌ่ เด้า พี่ กแช่ แยว้ ไต้ทาง เว๊ ปะ

2​โคเรง 2:13

แบเด้าะ จ แบคู่ ซ้ะอึ้ เท่อ น้ะ มะ, พี่ จ ล แด โละ ซ้ะ ดี๊ จ พื่ง ทีโต แบ, ท บี่ นอ, จ ไจ พ้ะ ไฆวะ โพล้ง แบ้ แยว้ พี่ นอ, ฌ้อง จ ลี้ ก้ะ ลู่ง มาซีโดเนีย อ ค่าง ไวะ

ฟีลิ้ปี 2:26

อ เว๊ ซู๊ แด ซ้ะ ดี๊ น ซื๊ง กุ้ อ แฌ้ เต้ๆ, ดี๊ อ เว๊ อ ซ้ะ ล มึ แบ พี่ แซ้ แบ น ซื๊ง แน่ ลู่ง อ เว๊ ล เก แบ

ฟีลิ้ปี 4:18

อ อี้ง เซ้อ จ ไละ กวิ้ไน กุ้ อ เม้ง พี่ น ซื๊ง เกล๊าง เอะ แย้, ดี๊ โอ แอ นี่ จ แบ ซ้ะ นอ ได้ะ, ค๊องเนง อี้ง จ ท โอ กุ้ อ เม้ง, อ ไฌ่ บี่ อี้ง เอปาโฟดีโต เฌ๊ โชะ เอะ แย้ น ซื๊ง ท เกล๊าง กุ้ อ เม้ง, อ นอ เก บี่ ซุ้ ท ลื่ง ทาง ลู่ง อ น๊าม๊า แบ กแช่ แยว้, เก ท โบง ท แบ้ ลู่ง อ แบ กแช่ แยว้ อ ซ้ะ นอ ล้อ

ฟีลิ้ปี 4:3

ดี๊ ซีซีโกะ ปะ, น เก จ ฌุ้พาง แม้ ฆึ เท่อ ดี๊ แย้ ลู่ง เซิง โต้ ซ้ะ โต้, จ แบ ซ้ะ เกม๊า น แม้ช้า โพล้ง มืง คี๊ง แฌ้ นอ เกม๊า อ โอ ฆู๊ง โอ พุ้ โละ อ ซ้ะ, อ ไฌ่ บี่ อี้ง, อซื๊งเว๊ คี๊ง แฌ้ แม้ ฆึ เท่อ ดี๊ แย้ น้ะ ลู่ง อ โล้ ล้าง กแช่ เยซู คริ้ อ ไฌะ อ ไฌ่, ดี๊ แม้ ซกุ้ เท่อ ดี๊ เคเลเมง ดี๊ จ ฌุ้พาง อ แฌ้แพ กุ้ อ แฌ้ พี่ อ เม้ง โอ ลู่ง ไละ ท ม๊า พ้า

โคโลซี 1:7

น ซื๊ง ซีงแฌ๊ แบ กแช่ แยว้ อ โก้ง อ โบ้ง อ บลึ้ อ บลาง พี่ ก ด๊างพื่งวี่ เอปาฟา ลู่ง ก เอ-อ้ะ นอ โล้ แบ น ซื๊ง, อ เว๊ เก โพล้ง โต้ โพล้ง ล้อง, แม้ ซกุ้ เท่อ ดี๊ เฆ้อ ลู่ง กแช่ เยซู คริ้ อ ฌ่าง, ท บี่ นอ, อ เว๊ แม้ช้า น ซื๊ง ปะ

โคโลซี 4:11

โอ ได้ะ ล แฌ้ โยชูวา พี่ โพล้ง กุ้ เว๊ ยูโท นอ, ท ยื่งซ้ะ ดี๊ น ซื๊ง ปะ, อ ซื๊ง เว๊ ซ๊า แฌ้ อี้ง ล้อ เก โพล้ง ยู ลู่ง อ ชู่ง ไท้ นะ ไท้ กแช่ เยซู คริ้, แม้ ซกุ้ เท่อ ดี๊ แย้ ลู่ง กแช่ แยว้ อ มื่ง อ บ้าง อ ฌ่าง, อซื๊งเว๊ แม้ช้า แย้ จ ซ้ะ มึ มะ

1​เทซาโลนีเก 3:2

ฌ้อง ก โซ๊ง ก ด๊างพื่งวี่ ทีโมเท, พี่ อ แม้ ซกุ้ กแช่ แยว้ อ เท่อ ดี๊ เฆ้อ, ลู่ง ท โล้ ล้าง ท ฌี้ อ ไฌ่ แบฆ้ะ ดี๊ กแช่ เยซู คริ้, ก โซ๊ง-อ้ะ เกม๊า อ แม้ ชอง ทาง น ซื๊ง เซิง ซื๊ง ซ้ะ, ดี๊ แม้ เฌิ่ง ทาง ค๊า ทาง น ซื๊ง ท ชู่ง ท นะ

ฟีเลโมง 1:24

จ ฌุ้พาง แม้ ฆึ เท่อ ดี๊ แย้ เมะ เว๊ มาร้ะกู, อารีทาโค, เดมา ดี๊ ลูกา ท ยื่งซ้ะ ดี๊ แน้ ปะ ล้อ

ฮีบรู 3:1

ท บี่ นอ, ด๊างพื่งวี่ ทื๊ง ซยอง เท่อ พี่ กแช่ แยว้ อางลึ นี่-อ้ะ ซีง-เอ้อ, เกม๊า น นาง แบ กแช่ เยซู พี่ กแช่ แยว้ โซ๊ง ล้าง-อ้ะ เก โพล้ง ลื่ง เท่อ อ คู ดู ทึ ล แฌ้, พี่ อ แม้ช้า เฆ้อ แบฆ้ะ ดี๊ ก ท ทื๊ง ท นะ พี่ ก ทื๊ง-อ้ะ นอ