ฟีลิ้ปี 1:12 - Northern Pwo Karen Thai Bible

¹² ด๊างพื่งวี่ ซีง-เอ้อ, จ แบ ซ้ะ เกม๊า น ซื๊ง ซีงแฌ๊ พี่ จ แบ จโคะ ท ล แพ อี้ง นอ, ดึ้ เกม๊า โพล้ง ชู่ง ไท้ นะ ไท้ เท่อ แอ ทาง โฌ่ ทาง

ฟีลิ้ปี 1:12 Σταυροειδείς Αναφορές

เอซเทอ 9:1

ลู่ง มื่ง ชี๊งซ๊า นี้ง ล นี้ง, แล้ ชี๊งคี๊ง เบง ล เบง พ้า, เมะเว๊ แล้ อาดา, มื่ง ล นี้ง แย๊ พี่ ม แม้โพะ กจุ้แฆว้ อ ทอางแบเลา, ดี๊ อ ไละอางแบเลา เท่อ อ ไค๊, ล นี้ง แย๊ นอ ล้อ, พี่ โพล้ง ยู อดีงอแด้ มื้งแล่ เว๊, ม โอ ดี๊ อดู้งอยาง ดูเละ โพล้ง ยู, แบเด้าะ เกทางก้ะ มื่ง นี้ง พี่ โพล้ง ยู ซีงลแพ, อดู้งอยาง โอ ดูเละ โพล้ง พี่ แช๊เมะไฌ๊ซ้ะ ดี๊ อ ซื๊งเว๊ซีง

ทอางปฆ้า 76:10

เต้ๆ, นอ, กแช่แยว้ อ ทซ้ะทาง ดี๊ กโพล้ง นอ, ม เฌ๊โชะ ท อางปฆ้าทาง ท้อง กแช่แยว้ อ โอ ล้อ ดี๊ ทซ้ะทาง พ้ะดู พี่ โอ ล้างลื๊อก้ะ นอ, กแช่แยว้ เราทาง เว๊

ทไจทางไฆวะ 18:11

ค๊องเนงอี้ง ก ซีงแฌ๊ เย้า, กแช่ยาเว ดูเละ ทกโช้งกแช่ กุ้ อ เม้ง, เมะเว๊ กแช่แยว้ แม้ช้า อพูอลี้ง, ม๊า พ้องไฆวะ ดี๊ ทน้ะทโน๊ง, พี่ โพล้ง อีไย้ะ แม้อ้าแม้ซ๊าง-อ้ะ พ้ะดู นอ”

ลูกา 21:13

ท ล แพ นอ ม กึ ทาง ดี๊ น ซื๊ง, บี่ ซุ้ น ซื๊ง ม เก พีงญาง โล้ ล้าง ท ฌี้ อ ไฌ่

ท​แม้ 8:4

โพล้ง ทื๊ง กแช่ เยซู พี่ อ ที่พ้ะ ที่ล้าง ล แพ นอ, ไจ โล้ ล้าง ละ ล้าง กแช่ เยซู อ ไฌะ อ ไฌ่ กุ้ จอง กุ้ ไจ้ ล้อ

โรมา 8:28

ก ซีงแฌ๊ ท กุ้ อ เม้ง พี่ อ กึ ทาง นอ, กแช่ แยว้ เกม๊า เว๊ อ เก ทาง ท อ ฌี้ ลู่ง โพล้ง พี่ อ เอ กแช่ แยว้ นอ อ ฌ่าง, เมะ เว๊ โพล้ง พี่ กแช่ แยว้ อางลึ นี่-อ้ะ, บี่ ซุ้ ม แม้ เอะ อ เท่อ พี่ อ อางกี ล้าง เว้ เอะ-อ้ะ นอ ล้อ

โรมา 8:37

แบเด้าะ ลู่ง ท ล แพ อี้ง กุ้ อ เม้ง, โพล้ง พี่ อ เอ เฆ้อ ล แฌ้ นอ, เกม๊า ก น้า เท่อ เลา ปะ

ฟีลิ้ปี 1:5

อ ไฌ่ บี่ อี้ง, น ซื๊ง แม้ช้า แย้ ลู่ง จ โล้ ล้าง ท ฌี้ อ ไฌ่ ลู่ง อ ต้องคู ล นี้ง ท้อง ค๊องเนง อี้ง

ฟีลิ้ปี 1:7

จ ซ้ะ โอ ดี๊ น ซื๊ง ครึๆ, ท บี่ นอ, แบ ฌี้ ทึ เย้า พี่ จ แก เซิง แก ซ้ะ ดี๊ น ซี๊ง บี่ อี้ง, เมะ เว๊ น ซื๊ง กุ้ แฌ้ แม้ ฆึ เท่อ ดี๊ แย้ ลู่ง ท แม้ พี่ กแช่ แยว้ อางลึ นี่ เว๊ เกม๊า จ แม้, ลู่ง จ โอ พ้อง พ้า ค๊องเนง อี้ง เมะ ฌี้, ลู่ง อ พ้อง ไฆวะ เมะ ฌี้, พี่ จ ลี้ โล้ ล้าง เอะ โพล้ง ท ฌี้ อ ไฌ่ นอ, เกม๊า อ ซีงแฌ๊ ท อ ไฌ่ อี้ง เก ท อ ที๊ง อ โต้, ดี๊ เกม๊า อ ชู่ง เท่อ เมะ เฌิ่ง เมะ ค๊า

ฟีลิ้ปี 2:22

ทีโมเท ล้างเปิ่ง บี่ จะ เล้ นอ น ซื๊ง ซีงแฌ๊ ฌี้ ทึ เย้า, อ เว๊ แม้ ฆึ เท่อ ดี๊ แย้ บี่ ซุ้ พู แม้ช้า แพ่ อ เท่อ, พี่ ก โล้ ล้าง ซกุ้ ท ฌี้ อ ไฌ่ นอ

ฟีลิ้ปี 4:15

โพล้ง ฟีลิ้ปี ซีง-เอ้อ, น ซื๊ง ซีงแฌ๊ ฌี้ เย้า ลู่ง อ ต้องคู พี่ จ ไจ ทาง ไฆวะ มาซีโดเนีย อ ค่าง เฌ๊ โล้ ล้าง กแช่ เยซู คริ้ อ ไฌะ อ ไฌ่ นอ, น ซื๊ง เก โพล้ง ทื๊ง ซยอง เท่อ ล มู๊ง ล้อ พี่ แม้ช้า แย้ ดี๊ กลู ดี๊ จี้

ฟีลิ้ปี 4:3

ดี๊ ซีซีโกะ ปะ, น เก จ ฌุ้พาง แม้ ฆึ เท่อ ดี๊ แย้ ลู่ง เซิง โต้ ซ้ะ โต้, จ แบ ซ้ะ เกม๊า น แม้ช้า โพล้ง มืง คี๊ง แฌ้ นอ เกม๊า อ โอ ฆู๊ง โอ พุ้ โละ อ ซ้ะ, อ ไฌ่ บี่ อี้ง, อซื๊งเว๊ คี๊ง แฌ้ แม้ ฆึ เท่อ ดี๊ แย้ น้ะ ลู่ง อ โล้ ล้าง กแช่ เยซู คริ้ อ ไฌะ อ ไฌ่, ดี๊ แม้ ซกุ้ เท่อ ดี๊ เคเลเมง ดี๊ จ ฌุ้พาง อ แฌ้แพ กุ้ อ แฌ้ พี่ อ เม้ง โอ ลู่ง ไละ ท ม๊า พ้า

1​ทีโมเท 2:8

ลู่ง ท แบ้ แยว้ อ แค๊ นอ, จ แบ ซ้ะ เกม๊า โพล้ง แคว๊ ชูแพ เท่อ ดี๊ ท เซิง ฌี้ ซ้ะ แอว้ กุ้ อ พ๊า, ล โอ ดี๊ ท เซิงทาง ซ้ะทาง ดี๊ ท ติ้ โละ ไอ โละ น่าง เม้ง แบ

2​ทีโมเท 2:9

ลู่ง จ โล้ ล้าง ท ฌี้ อ ไฌ่ อี้ง, จ แบ ท น้ะ ท โน๊ง แบ ด้อง จ เก โพล้ง แม้ ไพ้ะ แม้ แม เท่อ, ท้อง ลู่ง โพล้ง ซุ้ทะ แย้ ดี๊ พลี้งท้ะ, แบเด้าะ โพล้ง ซุ้ทะ กแช่ แยว้ อ ลู่ง อ แท๊ ล ซี น่าง แฌ้ แบ

2​ทีโมเท 4:17

แบเด้าะ กแช่ เยซู คริ้ แม้ช้า แย้, ดี๊ เกม๊า จ โอ ดี๊ จ ไฌ่ จ แบ้, ลู่ง จ โล้ ล้างกแช่แยว้ อ ลู่ง อ แท๊ ซี เมาน่าง, บี่ ซุ้ เกม๊า โพล้ง ล เมะ เก ยู แบ แอ แฌ้ แน่ฌ๊า เว๊, ท บี่ นอ, จ พ้อง พลิ้ ไฆวะ ดี๊ คี๊ยื่ง อ นุ้