1​ทีโมเท 2:9 - Northern Pwo Karen Thai Bible

⁹ บี่ นอ อ ซุ้, กมืง นอ แบ ไต้ อ ซ้ะ เมาะ เว๊ อ เกิ้ง อ แบ, ล แบ ซีง คูซู๊ง แบ, ล แบ แม้ ฆี๊ง ทาง อ ซ้ะ ดี๊ ท๊อง ดี๊ เลว๊ ดี๊ เพ๊ โฌ่ง ดี๊ ไช๊ช้าง ลู่ง อ ฆวี้ แค้ นอ แบ

1​ทีโมเท 2:9 Σταυροειδείς Αναφορές

ทอคางไท้ะ 24:53

ฌ้อง แม้นี่ ทฆ้าทโฆ่ ไต้ฆี๊ง พี่ อ เก จี้, เก ท๊อง, ล พ๊าฆ่าง ดี๊ ไช๊ช้าง นอ, เกล๊าง เอะ น่าง เรเบคา, อ เว๊ เกล๊าง ทฆ้าทโฆ่ พี่ อ ลื่งดูฆวี้แค้ เอะ น่าง เรเบคา อ โจ้ ดี๊ อ มู่ ปะ

2​กจุ้แฆว้ 9:30

พี่ เยฮู เฌ๊ ท้อง เว่ง ยีซเรเอง พ้า นอ, น่าง เยเซเบง ซีงแฌ๊ เว๊, อ เว๊ แม้ ฆี๊งทาง อ ซ้ะ, กวิ้ อ เมะ อ แน๊ ดี๊ แม้ ฌี้ อ คูซู๊ง, ดี๊ แคว่ล้าง เท่อ ลู่ง ป้อง พ้า

เอซเทอ 5:1

ท่อง อ ท้อง มื่ง ซ๊านี้ง ล นี้ง นอ, น่าง เอซเทอ ซุ้ทาง อฆ้าอโฆ่ ลู่ง ทเก กจุ้แฆว้ อ แม๊ นอ, ดี๊ ชี๊เทิง ลู่ง บลาง อ คว้าง พ้า แย๊โค๊, กแท้ โละซ้ะ ดี๊ กจุ้แฆว้ อ ทล่างแดซยอง พ้า, กจุ้แฆว้ นอ ชี๊น้าง ลู่ง ล่างชี๊น้าง คู บลาง พ้า, พี่ กแท้ โละซ้ะ ดี๊ เกล้ นึฆ้าง บลาง พ้า

ทอางปฆ้า 149:4

เมะเว๊ กแช่ยาเว ซ้ะอวีงซ้ะโทะ ดี๊ อพูอลี้ง กแช่แยว้ เกล๊าง ทน้าทฆ่าง เก คูคล้าง, เอะ โพล้ง พี่ ชางล้าง อ ซ้ะ

ทอางด้อง 31:22

อ เว๊ แม้ ตไก้ยะ แด้ล้าง ล่างมี๊ง ลู่ง อ กแช่ อ ฌ่าง อ เว๊ อไช๊อช้าง นอ, แม้ เว๊ ดี๊ ตไก้ยะ ลู่ง อ แย ฌี้ เพาเล้าเก้า, ดี๊ ตไก้ยะ ลึ้พึ

ทอางด้อง 31:25

ทไฌ่ทแบ้ ดี๊ ทเค่งแบฌ้างฌี้ เก อ ทไต้ฆี๊ง อ เว๊ นี่ง ดี๊ ท กึทาง อ ซ้ะ พี่ ม เฌ๊ท้อง

ทอางด้อง 7:10

ดี๊ แคว่เซ้อ, กมืง ล แฌ้ เฌ๊ฌูง-อ้ะ ไต้ อ ซ้ะ ด้องซุ้ เค๊เซ๊มืง, ดี๊ โอ ดี๊ อ ซ้ะ แซย๊กไบล้ะ

อีซยา 3:16

ดี๊ กแช่ยาเว ไจ้ะเว๊ บี่อี้ง “เมะเว๊ กเย่ ซีโยง อ พูมืง ลแพ นอ, ทื่งดูล้างซ้ะ ดี๊ ไจ โคะเยาโคะโท๊ เลา ดี๊ อ เมะคลี๊ง แคว่ โล๊ไละ เท่อ ไจ แมละแจ้ะ ดุ้ อ ซ้ะ ซึ้ อ คาง เกม๊า อ เซ๊ โกร๊งเกร๊ง

อีซยา 61:4

อ ซื๊งเว๊ ลแพ นอ, ม ไต้ซ๊างทางไท้ ท ล้างฆ่อง แค่เทาแค่ไช้ะ ลู่ง เอะอู้ อ เว๊ ม แม้ฌี้ทางไท้ ทล่าง พี่ ญ๊องไฆวะ โอโปล้ ก้ะ ลู่ง อไยะอเช้ อ เว๊ ม แม้ฌี้ทางไท้ เว่ง พี่ อ ล้างฆ่อง เย้า นอ เมะเว๊ ทล่าง ญ๊องไฆวะ โอโปล้ ก้ะ เพล้า โพล้ง อ ชู้ ตบลึ้ ชู้ เย้า นอ

เยเรมี 2:32

มืงน้าง ล้างเช๊งเกล้ง ม ซ้ะนาง อฆ้าอโฆ่ ไต้ฆี๊ง ซี ชี่-อ้า? เม้ากแช่ มืง ม ซ้ะนาง อไช๊อช้าง ซี ชี่-อ้า? แบเด้าะ กพูกลี้ง ซ้ะนาง เฆ้อ เก มื่งนี้ง อแออแซย้ พี่ ดว้ะ ล น้า แบ

เยเรมี 4:30

แน้, โพล้ง พี่ อ แบ ท ญ๊องไฆวะ โอโปล้ก้ะ-เอ้อ, น แม้ ทเม้งเล้? พี่ น ไต้ทาง น ซ้ะ โฌ้ จีลี ดี๊ พี่ น ไต้ฆี๊ง น ซ้ะ ดี๊ ฆ้า โฆ่ ท๊อง พี่ น แม้ เล่ทาง น เมะคลี๊ง ดี๊ ท เท้า ซี่ง เอ้อ, น ไต้ ฌี้ น ซ้ะ โปล้ๆ, ล้อ โพล้ง พี่ น เอ-อ้ะ นอ, ดึ้เดว แน้ อ ซื๊งเว๊ อางฆื๊ง แม้ ซี๊ง แน้

ม้ะทู 11:8

เมะ ล เมะ บี่ นอ แบ น ซื๊ง ลี้ เท่อ แบ ท เล้, ลี้ แคว่ ดุ้ โพล้ง พี่ อ ไต้ทาง อ ซ้ะ ฌี้ๆ, โบ่, เต้ๆ, นอ, โพล้ง พี่ อ ไต้ทาง อ ซ้ะ บี่ นอ, โอ ลู่ง กจุ้แฆว้ อ เด้า พ้า

1​ทีโมเท 2:10

แบเด้าะ อซื๊งเว๊ แบ แม้ ฆี๊ง ทาง อ ซ้ะ ดี๊ ท แม้ ลู่ง อ ฌี้, บี่ ซุ้ ม เกิ้ง ดี๊ กมืง ลู่ง อ โล้ ล้าง อ ซ้ะ เก โพล้ง แบ้ แยว้ เมาน่าง